السر 1
السر1
الفصل التاسع…
قصر الجندي
طاهر:بابا انت جيت امتي
خرج صوت فؤاد قائلا:لسة واصل حالا
ورد:جدو انت بتقول اية
الجد بحزن:دي الحقيقة للأسف ياورد
حازم:طيب لية وكيف وازاي
فؤاد:لازم تعرفوا
اؤما بنعم وسط صمت سلوي وطاهر وقبل ان ينطق احد جاء اتصال من المستشفي يخبرهم بهذا الخبر المفزع
نظر حازم لهم بعد ان قص عليهم ماقالوه له
لتقول سلوي بحزن:لو حصله حاجة هفضل طول عمري مش مسامحه نفسي اني معرفتش احافظ عليه
نور بغضب:اتصرفوا حد يتصرف ويعرف اية اللي حصل
توجه حازم حيث المستشفي وطاهر والجد حيث الشرطة ونور يحاول بقدر استطاعته ان يضبط انفاسه المتسارعة ليذهب ويلحق بهم فحقا هو يشعر بأنسحاب الروح منه فهذا صديق العمر الذي لا يعرف اين يوجد الأن
………………………
بعد يومين..
مروا وكأنهم سنين ولا يوجد احد يعرف عنه شيئا وكأنه قطرة من الماء وجفت بين ثنايا الأرض
وقف حازم ونور وورد امام الجد طالبين ان يعرفوا من هو امان
الجد:من حوالي ٢٥ سنة دياب وطاهر كان ليهم صديق قريب ليهم بدرجة كبيرة جدا كان ليهم اخ تالت وكان لينا ابن تالت برضوا كان مع بعض في كل حاجة الا الدراسة هو اتجه انه يبقي ضابط ويحقق حلمه ودياب وطاهر دخلوا هندسة علشان يكملوا مسيرة العيلة وحبهم ليها اصلا نوع الدراسة مفرقش بينهم وكل واحد اتخرج واشتغل ولسة برضوا مع بعض مكملين لسة علاقتهم مع بعض كأنهم لسة اطفال صغيرة واتجوزوا وخلف محمد ابنه الاول وخلف طاهر ابنه الاول واشار لحازم اما دياب فكانت سلوي صغيرة ومرضتش تتجوز غير لما تكمل تعليمها وانتظرها واتجوزوا وخلفوا بنتهم الاولي ياسمينا ايوة امان ابن محمد الجوهيني امان ابن صاحب ابو كل واحد فيكم بدأ محمد يعرف خاجات عن ناس مكنش لازم يعرفها ومن هنا بدأت مخاطرة شغله تظهر بجد واللي عمله لدياب هو اللي خلاه كتب ابنه بأسمه ليحميه زي ماحمي محمد دياب
حازم:حماه من اية
فؤاد:محمد عرف حاجات عن الاشخاص يعتبر اول من بدوأ في تجارة الممنوع في مصر كانوا من الناس اللي عاملة نفسها شريفة كانوا شبة منظمة بتكبر ومش في اي مكان كانوا جوه الداخلية نفسها
ورد:واية دخل بابا في الموضوع
فؤاد:كان رايح لمحمد ومحمد مكنش قايل حاجة لحد عن الموضوع دا وسمع بالغلط كلامهم وهو خارج من المكان شفوه ومن ساعتها قرروا يخلصوا علية
كان سيكمل حديثه لولا صراخ سلوي ليخرج الجميع ويروها تمسك بورقة في يدها
ليأخذها نور ويقرأها بصوت عالي نسبيا:انتو وبتقروها اعرفوا اني مبقتش موجود شكرا شكرا لكل لحظة حلوة عشتها معاكوا بحبكوا كلكوا كعيلتي وهفضل احبكوا انا صح عرفت الحقيقة ويمكن زعلت بس برضوا دا ميدلش اني هفضل زعلان انا محتاج فاصل محتاج وقت اعرف اني مش امان الجندي اعرف اني لما هرجع هبقي امان الجوهيني اعرف اني لما هرجع اجيب حق محمد الجوهيني ودياب الجندي ودا وعد عليا ووعد الحر دين
ابتسم الجد من كلماته بشدة فها هو المارد سيظهر بكل حالته المسيطرة والقوية والمخيفة ليأتي بحق اعز اثنين علي قلب الجد نعم لم ينتهي من قص الحكاية ولكن ربما الاحداث ستظهر مابقي..
……………………..
امسكت ماس السلسة ونظرت لكل مابها بدقة شديدة حتي رأت تلك الكلمة الصغيرة كادت تبكي من سعادتها وهي تقرأها بصوت مبحوح..الماستي..
ولكن من هو ذلك الشخص ايعقل انه..امان الجندي
……………..
لم يفكر كرم للحظة ان يذهب لذلك الكافية وسط انشغال العائلة بما حدث وماسمعه كون ان امان ليس اخيه
كما ايضا علم ان حور لم تخرج من قصرها تلك الفترة ايضا وهذا ماكان يجعله مطمئنا بعض الشئ…
……………
توجه حازم لغرفة ياسمينا بفرح وقبل ان يطرق الباب وجده مفتوح بعض الشئ ليدخل ويسمع تلك الكلمات وهي تخرج من حب عمره وهي تقول:مـ,ـوته قريب متقلقش كل العلاج اللي كان بياخده في الايام اللي فاتت من دواء الكام يوم دول راح مفعولهم والاحسن انه ميعرفش بمرضه يعني مفيش دكتور اصلا ينبهوا واخيرا هنتخلص منه وهيبقي سهل اننا نتخلص منها هي
توجه بخطوات سريعة لبيته دون ان تلاحظه وهو يفكر بكلامها من المريض..من الذي تحدثه ياسمينا..ومن تلك الذي يريدون التخلص منها بعد مـ,ـوته..
ماذا يحدث بحق الجحيم تلك المشكلة لا يمكنها من الظهور امامه الان ابدا ولكن هذا ليس حديث ياسمينا
ياسمينا قلبها طيب بطريقة لا يستطيع احد تصديقها ولا يمكن ان تكون تمثل عليه فهو لم يعرفها من يوم او يومين بل مايزيد عن عشرون عام عليه فقط ان يضبط افكاره ليستطيع تحمل ما يحدث وما سيحدث وماحدث
حقا هذا اضطراب وكان بحاجة كبيرة لوجود امان بجواره ياالله اين انت ياامان..
……………….
