عروش الدم بائعه الانتقام شروق خالد ج الاخير

.. بقيت “حرم سليم العطار”، المرأة اللي هدت إمبراطورية الظلم وبنت على أنقاضها عرشها الخاص.#حكايات_شروق_خالدمرت ستة أشهر على اليوم اللي اتبنت فيه إمبراطوريتنا الجديدة على أنقاض العيلة اللي ظلمتني. مكتب “حسن منصور” اللي كان زمان مصدر رعب وخوف، أعدنا تجديده بالكامل.

الشابيك المظلمة بقت قزاز بيكشف النيل، والسجاد القديم اتغير بلمسات هادية وراقية. بقى هو مقري ومقر سليم إدارة العمليات التجارية في الموانئ. بس عالم المافيا والسوق في مصر عمره ما بيهدى بالكامل. في ليلة دافية من ليالي الصيف، كنا قاعدين في الجناح بتاعنا في الفيلا.

سليم كان شغال على اللاب توب، وأنا قعدت جنبه ومعايا ملفات التوسع الجديد للشركة في ميناء الإسكندرية. وفجأة، تليفون سليم رن. رد سليم، ومحلامحه اتغيرت في ثانية. تحولت من الهدوء للجمود الصلب اللي بعرفه كويس.«سعيد؟ فيه إيه؟

» سليم سأل. صوت سعيد كان جاي من التليفون مضطرب ومكتوم: «يا باشا… طارق هرب!»سليم وقف مرة واحدة: «يعني إيه هرب؟! ده محبوس في مستشفى السجن تحت حراسة مشددة!»«أخته من أمه وعيلتها اتدخلوا يا باشا…

جابوا أطباء من بره وزوروا تقارير طبية، ونقلوه لمستشفى خاص بحجة عملية جراحية طارئة، ومن ساعتين اختفى من المستشفى! والأنكأ من كده… ماديسون خطيبته سحبت كل السيولة اللي كانت فاضلة في حساباتهم المتهربة وخلعت!»سليم قفل السكة وبصلي. أنا ما اتخضيتش، ولا جسمي اترعش زي زمان.

«طارق مش هيهرب بره مصر قبل ما ينتقم،» قلتها بثبات وأنا بقوم أقف قدام سليم. «طارق شايف إن أنا اللي سلبته ملكه ورميته في النار. هو مش فارق معاه الفلوس دلوقتي… هو فارق معاه يرجع الكبرياء اللي اتكسر.»سليم مسك إيدي بضغط قوي: «مش هسمحله يلمس شعرة منك يا ندى.

المرة دي أنا اللي هنهي وجوده تماماً.»«مش لوحدك يا سليم،» مسكت إيده التانية. «طارق نقطة ضعفه إنه بيفكر بدماغه القديمة… فاكر إننا لسه بنخاف. إحنا هنستدرجه.»في نفس الليلة، بدأنا نتحرك. سليم نشر رجاله في كل منافذ الخروج، بس أنا كنت عارفة المكان الوحيد اللي طارق هيفكر يروحله عشان يجمع بقايا سلاحه وفلوسه المخفية.

.. “شاليه العجمي” القديم بتاع أبويا، المكان اللي محدش في العيلة كان يعرفه غيري أنا وطارق. اتفقنا أنا وسليم على خطة حكيمة. سليم خلى سعيد يسرب خبر كاذب من خلال الموظفين الخاينين إن ندى متواجدة لوحدها في شاليه العجمي عشان تخلص أوراق بيعه وتصفي أصوله. وفي خلال ساعات، كانت الطُعم اترغى.