رد الحق حرفه
رد الحق حرفه
- ”يا أستاذ.. إحنا جيران.. الموضوع ما يوصلش للنيابة وإعادة وضع وغرامات بمئات الألاف! الشارع يسعنا كلنا..”
أنا فردت ظهري، وحطيت إيدي على كتف كريم بتفاخر، وقولت له بنبرة ناشفة:
- ”والله يا سيد، زي ما قولت لي بالضبط يوم ما دهست حلم ابني وعرقه تحت فردة عربيتك: ‘دي حادثة وتصرفات قانونية ومحدش يزعل من الحق’. إنت رفضت تعترف ب غلطك، ورفضت حتى تعتذر لعيل صغير شقي وتعب سنة كاملة عشان يعمل حاجة بذراعه، وجاي دلوقتي تتكلم عن الجيرة؟”
سيد بص لكريم بنظرة التماس مشوبة بالخزي وقال له:
- ”يا كريم يا ابني.. أنا حاسبت العجلة خلاص.. أقسم بالله هجيب لك أحسن عجلة في مصر، أحسن من اللي اتكسرت ميت مرة! وهدفع لك ثمنها كاش دلوقتي حالاً.. بس انزل معايا الإدارة وسحب البلاغ ده قول إنك كنت فاهم غلط!”
كريم بص له بثبات، وما كانش في عينيه أي شفقة ولا أي انتصار رخيص، كان فيه بس نضج كبار:
- ”يا عم سيد.. العجلة اللي اتكسرت ما كانتش مجرد ‘شوية صفيح’ زي ما قولت. العجلة دي كانت سنة من عمري وصحتي وتدريبي على الاستقلالية. ثمنها 12 ألف جنيه، مش هقبل منك ولا مليم زيادة عن ثمنها الفعلي المكتوب في الفاتورة الرسمية اللي مع بابا. بس بالنسبة للبلاغ بتعدياتك على الكومبوند وعلى أملاك الناس وعلى الشارع.. فده مش بتاعي أنا. ده حق السكان وحق القانون اللي إنت افتكرت إنك أكبر منه.”
المهندس طارق ابتسم إعجاباً بكلام كريم، وبص لسيد وقال له:
- ”البلاغ اتسجل يا سيد بيه، واللجنة برة بتكتب التقرير النهائي. اتفضل معانا على مقر الإدارة عشان تمضي على إخطار المعاينة وإيقاف الأعمال المخالفة فوراً.”
سيد وقف مكانه لحظة، وش هرب منه الدم، وم بقاش عارف يقول إيه. وكسة حقيقية.. الراجل اللي كان بيمارس البلطجة واللامبالاة بيلف ضهره دلوقتي وبيخرج من باب بيتنا مطأطأ الراس، ووراه الأمن والمهندسين بيقودوه لمقر الإدارة زي المتهم.
أول ما الباب اتقفل وراهم، الصمت رجع للصالة ثاني.
أنا لفيت لكريم، وقفت قدامه وبصيت له بذهول وفخر ما قادرتش أخبيه. ابني الصغير بقى راجل بيفكر بذكاء وعقل، مش بالصوت العالي ولا بالعنف.
قلت له وأنا باخده في حضني جامد:
- ”إنت عملت كل ده إزاي يا كريم؟ وجبت منين الطولة دي والعقل ده كله؟”
كريم حضنني ورد بابتسامة هادية وهو بيتمسح في كتفي:
إتبعنا
