العروسه القبيحه شروق خالد ٣
العروسه القبيحه شروق خالد ٣
ياسين مسك سلمى من إيدها.
«تعالي!»
«وأمي؟»
«هنرجع لها.»
سامح صرخ:
«خدوا الممر التاني!»
ياسين وسلّمى جريوا ناحية باب جانبي.
لكن فؤاد ظهر قدامهم.
«مش هتخرجوا.»
ياسين وقف.
«كفاية يا فؤاد.»
فؤاد ضحك.
«إنت لسه فاكر إنك انتصرت؟»
«انتهى كل شيء.»
«لأ.»
فؤاد بص لسلمى.
«لسه هي.»
سلمى وقفت قدامه.
«أنا؟»
«أيوه. طول السنين دي كنتي مفتاح كل حاجة.»
«إنت اللي حبستني.»
«عشان كنت خايف.»
«من إيه؟»
فؤاد قرب منها.
«من اليوم اللي تعرفي فيه إن أمك كانت صاحبة الشركة الأصلية.»
سلمى اتصدمت.
«أمي؟»
«أمك هي الوريثة الحقيقية. مش أنا.»
«طب ليه كل ده؟»
فؤاد قال:
«لأن أبوكي الحقيقي مات وهو سايب ثروة ضخمة، والعقود كلها باسم أمك. وأنا كنت عايزها.»
ياسين بص له.
«يعني ق/تلت الناس عشان الفلوس.»
«مش أنا لوحدي.»
فؤاد أشار ناحية نوال.
«هي اللي بدأت.»
نوال ظهرت من بعيد.
وقالت:
«وأنت اللي كملت.»
سلمى بصت للاتنين.
«كلكم ق/تلتوا ودمرتوا حياة ناس… عشان الفلوس.»
نوال قالت:
«العيلة ما بتعيش بالطيبة.»
سلمى ردت:
«عشان كده العيلة دي هتنتهي.»
وفجأة ظهرت الشرطة.
«الكل يرفع إيده!»
فؤاد حاول يهرب.
لكن ياسين أمسكه.
في نفس اللحظة، دخل الضابط حسام ومعاه قوة كبيرة.
«فؤاد الدمنهوري، إنت متهم بالق/تل والتعذيب والاختطاف وتزوير مستندات.»
فؤاد بص لياسين.
«إنت فاكر إنك كسبت؟»
ياسين رد:
«أنا مش عايز أكسب.»
وبص لسلمى.
«أنا عايزها تعيش.»
بعد دقائق، اتقبض على فؤاد ونوال، وتم نقل الدكتور محمود للمستشفى تحت حراسة مشددة.
لكن ياسين ماكانش بيفكر فيهم.
كان بيدور على أمه.
رجع للغرفة اللي كانت ظاهرة في التسجيل.
فتح الباب.
ماكانش فيه حد.
سلمى بصت حواليها.
«اختفت.»
سامح دخل وراهم.
وقف قدام كرسي فاضي.
وعينه دمعت.
«هي كانت هنا.»
ياسين قال:
«فينها؟»
سامح أشار لورقة على الترابيزة.
ياسين أخدها.
كان مكتوب فيها:
«سامح… لو رجعت، يبقى الوقت جه إني أمشي. خلي ياسين يعرف الحقيقة، وخلي سلمى تختار مستقبلها بنفسها.»
سلمى سألت:
«هي راحت فين؟»
سامح هز راسه.
«ماعرفش.»
ياسين ضغط على الورقة.
«مش هسيبها.»
سامح حط إيده على كتفه.
«هتلاقيها.»
بعد أيام، بدأت القض/ية تهز البلد كلها.
الملفات اتفتحت.
أسماء ناس اختفوا ظهرت.
حسابات سرية اتكشفت.
والأطباء اللي زوروا تقارير سلمى اتقبض عليهم واحد ورا التاني.
أما فيلا الدمنهوري، فتحولت من قصر كبير الناس كانت بتخاف منه، لمكان مليان محامين وشرطة وخبراء.
