العروسه القبيحه شروق خالد ٢
العروسه القبيحه شروق خالد ٢
ثم أخرجت ظرفًا أخيرًا من الصندوق.
«كان خايف من حاجة تانية.»
ياسين فتح الظرف.
وكان جواه صورة واحدة.
صورة قديمة جدًا.
ظهر فيها فؤاد، وسامح الشناوي، ورجل ثالث.
ياسين أول ما شاف الرجل الثالث…
وشه اتجمد.
«مستحيل.»
سلمى سألته:
«مين ده؟»
رفع الصورة ببطء.
«ده الدكتور محمود.»
أم سلمى هزت راسها.
«أيوه.»
ثم قالت:
«والدكتور محمود مش مجرد دكتور.»
«ده كان شريك أبوكي في كل حاجة.»
وقبل ما يستوعبوا الكلام، رن موبايل ياسين.
رقم مجهول.
رد.
مافيش غير نفس واحد في الناحية التانية.
ثم صوت رجل قال:
«مبروك يا ياسين… وصلت للحقيقة.»
ياسين سأل:
«إنت مين؟»
الرجل ضحك.
«أنا الشخص الوحيد اللي يقدر يقولك مين اللي ق/تل أبوك وأمك.»
سكت لحظة.
«ولو عايز تعرف… تعالى لوحدك.»
ثم أغلق الخط.
ياسين بص لسلمى.
لكن قبل ما يتكلم، وصلت رسالة على موبايله.
صورة حديثة.
صورة الدكتور محمود.
واقف قدام مكان مجهول.
وفي إيده ورقة مكتوب عليها:
«المرحلة التانية بدأت.»
سلمى بصت للصورة.
ثم رفعت عينيها لياسين.
«إحنا لسه ما خلصناش.»
ياسين شد على الصورة.
وقال:
«لأ… إحنا لسه ابتدينا.»
حكايات شروق خالد
ياسين فضل واقف مكانه، عينه ثابتة على الصورة.
كان الدكتور محمود واقف قدام مبنى قديم، وفي إيده ورقة مكتوب عليها: «المرحلة التانية بدأت.»
سلمى قربت منه.
«مين بعت الصورة؟»
«رقم مجهول.»
«ممكن يكون فخ.»
«أكيد فخ.»
أم سلمى قالت بصوت ضعيف:
«مش فخ… دي رسالة.»
ياسين بص لها.
«إنتي عارفة المكان ده؟»
هزت راسها.
«أيوه.»
وأشارت للصورة.
«ده المستشفى القديم اللي كان أبوكي بيستخدمه.»
سلمى اتجمدت.
«المستشفى اللي كانوا بيقولوا إني كنت بتعالج فيه؟»
أمها ردت:
«ماكانش علاج يا بنتي.»
«أمال كان إيه؟»
«كان سجن.»
سكت ياسين.
«هو لسه شغال؟»
«من بره؟ لأ. اتقفل من سنين.»
«ومن جوه؟»
أمها بصت له.
«جوه لسه فيه أسرار.»
في اللحظة دي، دخل ضابط للغرفة.
«مدام سلمى، لازم تنزلوا تحت. المكان مش آمن.»
ياسين رد:
«الدكتور محمود هرب؟»
الضابط هز راسه.
«مش موجود في الفيلا.»
«وفؤاد؟»
«اتقبض عليه.»
سلمى قالت بسرعة:
«فينه؟»
«في عربية الترحيلات.»
ياسين بص للضابط.
«مين كان مسؤول عن تأمين العربية؟»
الضابط استغرب السؤال.
«ليه؟»
«رد عليا.»
الضابط سكت لحظة.
«المقدم حسام.»
ياسين بص لسلمى.
«هو الشخص اللي كلمته قبل ما ندخل الفيلا.»
