كلمه هدت بيت لسه جديد منال علي 1

“مكنتـش أتخـيل إن سـؤال بـسيط على سفـرة الغـدا هيقلـب العـيلة كلها، ويخـلي مـرات ابنـي تـسيب البيـت بعـد أسبـوعين جـواز! ومن يـومها، وكل واحـد بيحـكي الحـكاية بطـريقته… لكـن الحقـيقة كانـت مـختلفة.” بقلـم حكايات منـال علي
أنا أم، وعندي ولد وبنت. ابني لسه متجوز من حوالي أسبوعين، ولسه الفرح ريحته في البيت، وكلنا كنا فرحانين بيه وبعروسته. البنت شكلها مؤدبة وهادية، وكنت بقول لنفسي: “الحمد لله، ابني ربنا رزقه ببنت ناس.”
بعد كام يوم، ابني كلمني وقال:
“يا أمي، إحنا عاملين غدا عندنا الجمعة، ولازم تيجي إنتِ وأختي.”
فرحت جدًا. قولت أهو فرصة نقعد كلنا سوا، والعروسة تبدأ تدخل وسط العيلة.
يومها صحيت من بدري، وجهزت نفسي، وكلمت بنتي أفكرها بالميعاد.
قالتلي:
“أنا هاجي يا ماما… وخطيبي هيكون معايا.”
قولتلها:”أهلا وسهلا بيه، ده بقى من العيلة.”
وروحنا كلنا.بقلـم حكايات منـال علي
أول ما دخلنا الشقة، العروسة استقبلتنا بابتسامة كبيرة، وكانت باين عليها تعبانة من الوقفة في المطبخ، بس فرحانة إنها بتستضيفنا لأول مرة.
ريحة الأكل كانت مالية المكان.
بصراحة… كانت عاملة سفرة كبيرة.
محشي كرنب…ومحشي ورق عنب…وكوسة…
وبتنجان…وفراخ محمرة…وبط…وديك رومي…وسلطات…ورز…وحاجات كتير.
قولت في نفسي:
“البنت تعبت بجد.”
كلنا قعدنا على السفرة، وبنتي بدأت تبص على الأكل.
وفجأة سألت بهدوء:بقلـم حكايات منـال علي
“هو فيه لحمة؟”
العروسة استغربت وقالت:”لأ… أنا عملت طيور بس.”
بنتي بصت لخطيبها، وبعدها قالت:بقلـم حكايات منـال علي
“أصل أحمد مش بيحب الطيور خالص… ومبياكلهاش.”
العروسة اتوترت وقالت بسرعة:”والله أنا ماكنتش أعرف إنه جاي… أنا افتكرته عزومة للعيلة بس… ممكن أبعت دلوقتي أجيب لحمة والجزار قريب، وأعملها بسرعة.”
لكن بنتي وشها اتغير.
قالتلها بنبرة ضايقة:بقلـم حكايات منـال علي
“لأ خلاص… مفيش داعي.”
العروسة حاولت تصلح الموقف.
“لا والله بسيطة… عشر دقايق وتكون عندي.”
لكن بنتي قامت من مكانها وهي بتقول:”لسه هتبعتي تجيبي ولسه هتعملي؟ خلاص يا حبيبتي.”
خطيبها قام هو كمان، وهو واضح إنه متضايق، وقال:
“إحنا افتكرنا حاجة مهمة… لازم نمشي.”
أنا اتجمدت مكاني.
هو إيه اللي بيحصل ده؟
الناس جاية تتغدى…
وفجأة ماشية؟بقلـم حكايات منـال علي
العروسة فضلت واقفة مكانها، مش فاهمة تعمل إيه.
وابني؟قاعد ساكت.
ولا كلمة.
ولا حتى حاول يقعدهم.
خرجوا من الباب.
وساعتها حسيت إن الموقف كله اتحول لإحراج كبير.
خصوصًا إن خطيب بنتي أول مرة ييجي عند أخوها.
وأول انطباع خدُه كان بالشكل ده.
الغضب وقتها غطى على أي تفكير.
بصيت للعروسة وقلت:بقلـم حكايات منـال علي
“طالما مش قد العزايم… ماكنتيش عزمتينا.”
وشها اصفر.
فضلت ساكتة.
أنا كملت:”إزاي تعملي كل الأكل ده، وميبقاش فيه صنف لحمة واحد؟ ده أي عزومة لازم يبقى فيها اختيارات.”
هي حاولت تتكلم.
“والله يا طنط…”
لكن أنا كنت منفعلِة.
قاطعتها وقلت:بقلـم حكايات منـال علي
“إنتِ أحرجتينا قدام خطيب بنتي.”
وابني؟لسه ساكت.
قاعد يبص في الطبق قدامه.
ولا رفع عينه.
ولا قال كلمة.
يمكن سكوته هو اللي خلاني أتعصب أكتر.
ومن غير ما أفكر…
خرجت مني الجملة اللي غيرت كل حاجة.
قلت:”العيب مش عليكي… العيب على أمك… كان المفروض تعلمك الأصول قبل ما تجوزك.”
أول ما الجملة خرجت…
حسيت إن البيت كله سكت.
العروسة رفعت وشها وبصتلي.
كانت عينيها مليانة دموع.
لكن ما ردتش.
ولا قالت كلمة.
لفت ودخلت أوضتها.بقلـم حكايات منـال علي
وأنا كملت غداي وأنا لسه متضايقة.
ورجعنا بيتنا.
كنت فاكرة إن الموضوع هيعدي.
وإنها لما تهدى هتنسى.
لكن تاني يوم…
ابني كلمني.
صوته كان متغير.
وقال:بقلـم حكايات منـال علي
“يا أمي… هي خدت هدومها وراحت عند أهلها.”
اتصدمت.
قلت:”يعني إيه راحت؟”
قال:”قالت مش هترجع غير لما كرامتها ترجع.”
قولتله:”يعني بسبب كلمة؟”
قال بصوت هادي:”مش بسبب كلمة يا أمي… بسبب إن الكلمة كانت في أمها.”
سكت شوية…
وبعدين قال الجملة اللي خلت قلبي يقع…بقلـم حكايات منـال علي
“وأهلها دلوقتي طالبين يقعدوا معانا قعدة كبيرة… وقالوا الكلام اللي حصل مش هيعدي بسهولة.”
وقتها لأول مرة بدأت أسأل نفسي…
يا ترى… أنا فعلًا كنت بدافع عن بنتي؟… ولا في لحظة غضب كسرت بيت ابني بإيدي؟
يتبـع ……
صلوا على حبيبنا و شفيعنا محمد ﷺ 🤍❣️
لايـك و كومنت بـتم وهينزل القصه في التعليقات بعد ساعة 🎁👇🏼👇🏼🎁