بالهوى هيطلقك روايه جديده ج الاخير

قرب الهاتف من وجهه ثم قبل صورتها وقال:

-حقك عليا يا حبيبتي ..حقك عليا اخلص من صاموئيل واعوضك عن كل حاجة …هعتذر منك على أي حاجة غلط قولتها ..هفضل وراكي لحد ما تسامحيني …ده وعد

-بتحبها اووي كده ؟!

قالتها مايا وهي تقترب منه …انها تعرف ألم العشق جيدا …ألم تحب صاموئيل ولكن هذا الحب كان من طرف واحد …فهو دوما اعتبرها عشيقته …لم يهتم بها ابدا …كسرها مرارا حتى أنه حاول قـ,ـتلها مرة ولم يساعدها الا قيصر ….

-هي روحي !

قالها موسى بنبرة مختنقة لتتنهد مايا وهي تذهب وتجلس بجواره كم هذا مؤلم …مؤلم عندما تدفع حبك الحقيقي بيدك …كانت تشفق كثيرا على موسى هو لا يستحق هذا …كم تتمنى ان تساعده ولكن كيف؟!موسى لن يتحرر من مخاوفه الا بمـ,ـوت صاموئيل …

-أنت لازم تقـ,ـتل صاموئيل يا قيصر …لازم تقـ,ـتله…

نظر إليها موسى بصدمة لتهز له رأسها وتقول:

-هو واحد لا عنده قلب ولا ضمير …مش هيسيبك في حالك ولا هيسبني أنا كمان …صحيح أنا بحبه بس بحب نفسي اكتر …وخايفة ليقـ,ـتلني …عشان كده يا قيصر لازم نتخلص منه …لازم !!!

-الموضوع مش سهل خالص يا مايا …وانتِ عارفة …صاموئيل مش سهل وانتِ عارفة كده …ممكن ببساطة يقتـ,ـلنا احنا الاتنين …

هزت مايا رأسها مؤكده على كلامه وقالت:

-عندك حق …بس لحد امتى هنفضل خايفين ومستخبين منه ….قيصر انت الوحيد اللي وقفت في وشه….انت الوحيد اللي قدرت تكسره وتقدر تقتـ,ـله كمان …أنا هساعدك بس خلينا نتخلص منه …أنا مش عايزة أعيش في الرعب ده اكتر من كده لو سمحت حط ايدك في ايدي عشان أنا أعيش حياتي …وأنت تعيش حياتك مع حبيبتك من غير خوف …

كلماتها القوية بدأت تنفذ لعقله …كل مشاكله سوف تحل لو قـ,ـتله. ..وسوف يأخذ بثأر روان…

.♡♡♡♡♡♡♡♡♡♡

في اليوم التالي….

خرج من الحمام وهو يرتدي المئزر بينما يجفف شعره الذهبي جيدا …ذهب ووقف أمام المرآة وهو ينظر إلى انعكاسه ويتنهد بقوة ما زال يتذكر كلامها له …لقد وافقت عليه ولكنها لن تكون معه الآن…طلبت منه أن ينتظرها فهل هو قادر على هذا ؟!!دعك عينيه بتعب وهو يتذكر كلامها له …

….

-انا عايزة اغير حياتي …عايزة افتخر بنفسي وأليق بيك عشان اقدر إرتبط بيك …مش هسمح لأي حد أنه يشاور عليا ويقول اني الخدامة اغرت الدكتور …لازم يكون ليا مكانة في المجتمع…