بعد الطلاق ١

فلاااااااش باااك

تضع الطعام علي السفره بتنسيق ودقه……..خفق قلبها خفقة لها مذاق مختلف….. مذاق تتلذذ لشعوره….. حين احست بجسده الذي احتواها من الخلف تسربت رائحته الي أنفها بستمتاع……اسندت برأسها علي صدره ليقبلها هو علي وجنتها بمداعبه…….

هدي ببتسامه: كنت لسه هاجي أصحيك

حمزه وقبلها ثانياً: من اول ما قومتي من حـ,ـضني وانا صحيت

هدي وهي تستدير حتي اصبحت وجهه مقابل لوجها لفت يداها حول حصره تضمه إليها قائله: طيب يلا جهزت الفطار علشان متتأخرش

ابتعدت عنه ليجلس هو ومن ثم جلست الي جانبه

بدأ هو بتناول الطعام…..

لتتنحنح هدي قائله: حمزه انت أخر مره روحت فيها لماما احلام كانت أمتا

وهو يكمل من طعامه: اول الشهر

هدي بحنو: مينفعش كده يا حمزه دي مامتك لازم تسأل عليها علطول

حمزه:ما انتي عارفه يا هدي أنا مشغول إزاي بنزل بدري المدرسه وبعد المدرسه بشتغل دروس لساعه سبعه وبرجع يا دوب اتغدا وانام وحتي يوم اجازتي ما بصدق انام فيها 8ساعات علي الاقل وبعدها بردو في دروس اعمل ايه بقا

هدي:لا يا حمزه حاول تخلي يوم في الاسبوع لماما إيه رأيك تفضي نفسك النهارده ونتغدا معاها

حمزه بنفي:لا النهارده صعب خليها الاسبوع الجاي ونقول لمازن وماما حنان كمان

هدي بتعقل:تمام بس إحنا الي نجيب طلبات العزومه وكمان يا حمزه إحنا لازم نخصص جزء من مرتبك لماما وخديجه

حمزه بهدوء:ماما بتقبض كل شهر معاش بابا وخديجه اتخرجت واشتغلت مش محتجين حاجه وانا مش مقصر

هدي بإصرار:بردو يا حمزه دول مامتك واختك ومسؤلين منك

امسك بيداها يلثمها بحب ورقه قائلاً:ربنا يخليكي ليا يا حبيببتي وميحرمنيش من طيبتك وحنيتك عليا وعلي أهلي يا يارب……..

بااااااااك

افاقت علي صوت تلك الطرقات التي تنزل علي الباب بستمرار

مسحت دموعها المنسابه علي وجنتها بهدوء ونهضت تفتح الباب لتجد اخاها يقف أمامها يبتسم لها بحنان……..

مازن وخطي لداخل الغرفه قائلاً بمرح: واقفه علي الباب مش عايزاني ادخل ولا إيه

هدي ابتسمت: انت تدخل اي مكان براحتك يا حبيبي ده بيتك

مازن واقترب منها وهو يسحبها معه من يداها ليجلس بها علي الفراش قائلاً بهدوء: بصي يا هدي مينفعش نوقف حياتنا علي حاجه حصلت وانتهت في الماضي مينفعش تقفلي قلبك بالطريقه دي

هدي: انا….. قاطعها

مازن بتعقل: انا مش هجبرك توافقي او ترفضي انا كل الي عايزه منك تدي نفسك فرصه يا هدي فكري يا حبيببتي فكري شويه هستني يومين واوعدك القرار الي تاخديه هيكون اخر قرار لانك مش صغيره وعارفه مصلحتك بس وانتي بتفكري متفكريش في نفسك بس فكري في مامتك وفيا وأهم حاجه مستقبلك وكرامتك يا هدي كرامتك