روايه تحفه جديده
روايه تحفه جديده
_ و عملالي نفسك مظلو.مة كمان! جايبة البجاحة دي منين يا حرامية ؟؟
نوح و مامته دخلوا، ولو هي كانت فكراني هخاف وهما شايفني بضر..بها تبقى غلطانة، دي سارقة نص حاجتي و معايشاني في رعب !
_في أي! قومي يا مريم سبيها في أي!!
_ بتسرق حاجتي يا نوح، بتطلع شقتي و بتسرق حاجتي، شوف أهو العلامة إللي حطيتها على البادي اسبلاش بتاعي، لا و بتبجح و تقولي فلوس أخويا!!!
بص ليها بصدمة، مش مستوعب إنها بتطلع تسرق من شقته!! حاولت مامته تبرر الموضوع، و تداري عليه بإرتباك
_في أي يا ولاد حصل أي! أنتم أخوات مع بعض أي المشكلة تستخدموا مع بعض!
_لا إحنا مش أخوات، و هي مش إسمها بنستخدم مع بعض، إسمها سرقة، تطلع شقتي من ورايا معرفش إزاي وتاخد حاجتي من ورايا وتقول ما اختش تبقى سرقة، وهي لو طلبت مني باحترام أو من أخوها ماكنش حد قال لا، لكن دي قلة أدب
لكن مامته قالت بتوتر وهي مش عارفة تحل المشكلة
_ قول لمراتك حاجة يابني
_اقول أي يا ماما، هي بتطلع فوق إزاي أصلًا، انطقي بتطلعي إزاي، و بتدخلي إزاي!!
لما فضلت ساكته، مسكها من دراعها جامد، وزعق فيها بغضب، وهو مش مستوعب إن أخته فعلًا بتعمل كدا
_انطقي طلعتي الشقة ازاي من ورايا و أنا إللي قولت مستحيل أختي تعمل كدا!، انطقي بدل ما أمد أيدي عليكي!!
_ عايز تضربني! عايز تضربني عشان مراتك، بدل ما تقولي خدي إللي عايزاه!
_ هو عمرك قولتي عايزة حاجة وقولت لك لا! عمري حرمتك من حاجة عشان تمدي إيدك، و تدخلي مكان من ورا صاحبته و تاخدي حاجتها!! دي إسمها سرقة .. سرقة دا أنا أقـ.طع إيدك أنتِ فاهمة! انطقي بتطلعي ازاي!!
ماتكلمتش غير لما مسكها من شعرها وكان فقد أعصابه، و أنا كنت بتفرج و مافكرتش أتدخل، لأن لازم تاخد عقابها، على مد أيديها، و إنها تكون بجحة، كل شخص لازم يعرف حدوده
_ كان .. كان في مفتاح احتياطي من زمان أنت سايبة في اوضتك، و أنا لقيته .. كنت .. كنت بدخل بيه
_ بتحوري كل التحوير دا؟! بتدخلي البيت من ورا صاحبته، و تسرقي حاجتها، يا خسارة تربيتنا فيكي، هي دي تربيتنا!! أنا مش مصدق إنك تعملي كدا! طب أنا قصرت معاكي في أي!!
_هي مش دي فلوسك! مش الحاجة دي بفلوسك أي المشكلة أستخدمها
_دي مش حاجتك، مش من حقك تستخدميها، و بتتعدي على حرمة البيت و بتطلعي بمنتهى البجاحة وقلة الأدب! دا مش ببتك، ودي مش حاجتك، و إللي عملتيه دا هتتعاقبي عليه و هتعتذري، و قومي هاتي كل الحاجة إللي سرقتيها من الشقة، ورجعلك ما تدخلش بيتي تاني
