روايه تحفه جديده

_ للدرجة دي؟

_ إللي معصبني و قاهرني إنك مش حاسه بغلطك كأنك عملتي حاجة عادية!! قومي يا مريم نطلع، قومي مفيش فايدة في الكلام معاها، لسانك مايخاطبش لساني أنتِ فاهمة !! و أنا هغير كالون الشقة لأن مش واثق فيكي

لقيت كلمته بتبص ليا بعتاب و بتقول

_عجبك كدا مستريحة خدي حاجتك خديها

_ لا مش باخد حاجة حد غيري استخدمها … بقرف .

سبتهم و طلعت وهو طلع ورايا وكان لسه هيتكلم لكن قولت

_ماكنتش مصدقني

_مريم متضغطيش عليا، و حقك أنا جبته

_ مش كفاية، أنت هتشتري ليا زي كل الحاجات إللي اختك اخدتها، لأن مش هستخدم حاجة مكان حد، ولا هلبس مكان حد، و كالون الباب يتغير، أنا مش هأمن على نفسي وهي معاها مفتاح

_ ممكن متكبريش الموضوع، هي أخدت عقابها

_اخدت عقاب على حاجة هي مش مصدقة أنها غلطانة فيها، و إللي تستغل عدم وجودي و تطلع تدور في حاجتي و تسرقها، ممكن تطلع تعمل كل حاجة

_ ممكن متتكلميش بالأسلوب دا، مهما كان أختي وكلامك جارح

_ و الخوف و التشتت إللي أنا كنت عايزة فيه دا ماكنش جارح ليا!! إن أعيش و أنا خايفة من البيت ودماغي شغالة و مرعوبة من كل حركة دا ماكنش مؤلم ليا!!

_حقك عليا، بس أنا مصدوم، مصدوم أوي أنا دلعتها لدرجة إن هي مش عارفة إن الغلط غلط

_ لا هي عارفة إنها غلط، بس بتعاند، لو مش عارفة كانت طلبت مني و أنا ماكنتش هتأخر عليها