حب اعمي 2
حب اعمي 2
لتنزل يدها ناظرة اليه بكره قائلة:
أنا بكرهك..بكرهك يانزار
أفاق من صدمته على كلماتها التى يدرك أنها تقصدها..فنظرتها تؤكد ذلك..وحروف كلماتها التى تقطر كرها تؤكد ذلك..ليقترب منها ممسكا ذراعها بغضب وهو يقول:
انتى بتقولى ايه يابدور..انتى اتجننتى؟
نفضت يده قائلة فى حدة:
بالعكس أنا عقلت..لأول مرة من يوم ما عرفتك..أشوفك على حقيقتك..أعرف اد ايه كنت عامية فى حبك..صدق من قال الحب أعمى..بس انا فتحت يانزار
ضرب كفا على كف قائلا بغضب:
لأ..ده انتى أكيد اتجننتى..أنا مش عارف بس ايه اللى مخليكى بالشكل ده
أمسكت هاتفها وفتحته ووجهته إليه وسط حيرته من تصرفاته ليرى ما يحتويه الفيديو وتتسع عينيه بصدمة..ليدرك سبب ثورتها..أغمض عينيه بألم ليفتحهما مجددا على نبرات صوتها التى فقدت الحياة وهى تقول:
طلقنى يانزار
اتسعت عينيه فى صدمة لايصدق ما تسمعه أذناه..ليردد قائلا فى دهشة:
بتقولى ايه؟
تغيرت ملامحها التى فقدت الحياة الى ملامح نافرة يعلوها الاشمئزاز وهى تقول :
بقولك طلقنى يانزار..لإنى بجد قرفت منك
شعر نزار بعروقه تنتفض غضبا ليقول بحدة:
احترمى نفسك يابدور..انتى ازاى تكلمينى كدة..خدى بالك من كلامك بدل ما أوريكى وشى التانى
أطلقت ضحكة ساخرة أصابته بالذهول فتلك أبدا ليست بدور التى احبها وتزوجها..توقفت بدور عن الضحك فجأة لتنظر الى عينيه قائلة بشراسة:
يابجاحتك ياأخى
نهرها قائلا بنفاذ صبر:
بدوووور
قالت بغضب:
بدور خلاص زهقت منك ومن حياتها معاك..أيوة زهقت..ضحيت عشانك بأهلى..استحملت كل حاجة عملتها فية وكل ده عشان فى يوم اتنيلت وحبيتك..لكن توصل للخيانة يبقى أدوس على قلبى بالجزمة..ويبقى خلاص خلصنا لإنك نزلت من نظرى يانزار..بجد نزلت من نظرى
اشتعلت عينيه غضبا وهو يقول فى حدة:
قلتلك يابدور خدى بالك من كلامك وياريت لو تخرسى خالص
صرخت بمرارة :
مش هخرس..أنا خلاص مبقتش طايقاك..بكرهك يانزار ..بكرهك
صفعها بقوة قائلا:
قلتلك اخرسى.. انتى ايه مبتفهميش؟
لم تصمت وكأنها مغيبة فى عالم آخر ترى كل ذكرياتها المريرة معه..لتقول بلوعة:
ياريتنى ما قابلتك….ياريتنى ما عرفتك..أنا بكره اليوم اللى شفتك فيه
صفعها مرة أخرى بقسوة وغضب لتدفعها صفعته جانبا بقوة لترتطم بطنها بالطاولة لتصرخ بألم وهى تقع أرضا ليندفع اليها نزار قائلا فى قلق:
بدور ..انتى كويسة؟بدور ردى علية؟
