الروايه الجديدة 3

النهاردا معادي مع الداكتور خليل عشان الچهاز الچديد و كنت رايدة امشي بدري شوية عشان الحج العيادة

مضغ لقيماته بهدوء شديد و قال

روحي مطرح ما تحبي أني برا حساباتك أصلا

سألته بنبرة حزينة قائلة

لساتك زعلان مني

رد على سؤالها بسؤالا آخر و قال

مين أني و الله ما زعلان أنت عندك حج مش أني الراچل اللي ينفعك چايز يكون..

ردت وجيدة مقاطعة بهدوء

أني عارفة إني كنت غبية في تصرفي ديه بس صدجني أني كان جصدي اوچعك كيف ما وچعتني مش اكتر

ابتسم لها بمرارة و قال

وجعك وصل و خدتي حجك زعلانة ليه اعتقد إنك لازم تفرحي أنت خدتي بتارك مني و جدرتي تردي حجك مش كده

أني آسفة يا خالد و الله ما كان جصدي واصل

متعتذريش يا بت الناس الموضوع انتهى خلاص و صدجيني م زعلان منيك واصل أني بس زعلان على حاچة تانية

سألته بفضول و قالت

حاچة إيه دي

أجابها

بهدوء

خسړت صفقة كابيرة جوي و كانت ها تنجلني نجلة تانية واصل

ردت قائلة

احسن

نظر لها و لم يعقب علي شماتتها كنها ردت مصححة نيتها قائلة

مش جصدي و الله يا خالد أني جصدي إن أنت بتتعب و تشجى و في الآخر تعبك كله بيروح لحد تاني واصل ليه كده يا واد الناس

جصدك إيه

جصدي إنك تفتح شركة چديدة مش شرط يا سيدي شركة كفاية مكتب صغير

بعد ما كنت مدير تنفيذي وفي شركة أبوي ابجى صاحب مكتب صغير !!

ردت شارحة و هي تقف عن المقعد و تلملم بقايا الطعام

الصغير مسيره يكبر يا خالد و بعدين ما أنت ياما اشتغلت و رچعت بيتك الفچر و الآخر خدت إيه و لا حاچة لكن لما تتبعب و تشچى في مالك هتلاجي تعبك ديه بعد كده و لعيالك من بعدك .

حمل باقي الصحون و سار خلفها بنفس خطواتها البسيطة و بدأ يحدثها عن الفمرة التي القتها في ملعبه ولج المطبخ خلفها و قال

ايوة بس المكتب هياخد وجت كبير على ما النلس تعرفه !!

ردت وجيدة بنبرة تحفيزية قائلة

بالعكس مين جال كده أنت ليك ماشاء الله علاقات كاتيرة جوي و زينة مع الناس تجدر تعمل كل ديه و أكتر في بحر سنة بالكتير

بدأت الفكرة تروق له و هو يؤكد على حديثها قائلا

سنة إيه بالعكس بعلاقاتي ديه هتبجى في ست أشهر بالكاتير ديه غير الدعايا اللي ها عملها في كل مقان

شفت بجى لما بتفكر بتعمل شغل زين ازاي

أني من بكرا الصبح ها مشي في إچراءت المكتب و افتحه

رد بتساؤل قائلا

بس هافتح المكتب ديه فين

افتحه في حتة زينة و تكون الرچل بتدب فيها عشان يتشهر بسرعة