يونس كامله
يونس كامله
ثواني ولقيت الكل فوق رأسه وكانوا تقريبا اكتر من عشره
بص نحيه يونس اللي كان متابع اللي بيحصل بعيون واسعه وهو مش قادر يتحرك نحيتي
الكوتش بحده:
– يالا يارجاااااله
-هار اسو*ووود
قولتها بنبره صوت كلها خوف وانا بلطم فوق خدي بطريقه هستيريه لما شوفت يجي عشر أشخاص بيقربوا من يونس جس*مهم ميقلش عن المدرب بتاعهم
خبطت فوق دماغي وانا بنط في مكاني :
– ياختااااااي ياختااااااي الواد هيروح في شربه ميه ياخرابي يالهووووتي
كنت لسه هقرب منهم احاول إنقاذ ما يمكن إنقاذه بس للاسف اتلموا عليه وعملوا منه بطاطس سوري
كان بيتوجع من ضربهم وانا واقفه مصدومه مكنتش أتوقع أن الموضوع هيوصل لكده
قلبي وجعني عليه كل ما اسمع صوته بيتوجع احس كأن الض*رب بيجي فيا انا
طب اعمل ايه انا لازم اتحرك لازم اروح اوقفهم لازم اروح اقولهم ابعدوا عنه ده جوزي
مينفعش اقف متكتفه بالشكل ده
قلبي اتنفض برعب لما لمحت دم بينزل من مناخيره ووشه
جريت نحيتهم وانا ب*صرخ فيهم بلهفه وفزع:
– ارجوكم خلاص
وقفوا عن اللي بيعملوا ولفولي باستغراب وهما مش فاهمين سبب طلبي !
قرب مني المدرب بتاعهم باستغراب :
– خلاص ايه ؟
بلعت ريقي والدموع بتلمع في عيني وانا بقول بنبره كلها دموع :
