يا كل كلي الكاتبة روز امين

لتتقابل أعينهما وتحدثت باستنكار
غدا إيه اللي بتتكلم عنه يا محمود؟ إنت عاوز حد يشوفني معاك ويروح يقول لبابا ولا لحد من إخواتي والدنيا تولع؟!
قطب جبينه مستنكرًا لتسترسل هي بإبانة
ده غير إن لا يمكن أخون ثقة بابا فيا.
تحدث ملقيًا عليها اللوم
براحتك يا جنة، فضلي إنتِ كده ارفضي أي محاولة ليا، وضيعي من إيدينا أي فرصة بحاول أخلقها علشان نقرب فيها من بعض ونستمتع بوجودنا بحجج فارغة.
بس دي مش حجج فارغة يا محمود، إنت عارف كويس أوي لو موضوعنا اتعرف إيه اللي ممكن يحصل…
نطقتها بحزن لتسترسل بنبرة محبطة
أنا أصلًا مش عارفة إزاي طاوعت قلبي ومشيت وراه وحبيتك وأنا عارفة نهاية الحكاية.
مش عاوز أشوف نظرة الانكسار واليأس دي في عينيكِ مرة تانية…
نطقها بحدة ليسترسل بتأكيد حاد
مفهوم يا جنة.
نظرت عليه وتنهدت بيأس، ليسترسل بنبرة حماسية
عاوزك تتأكدي إن مهما كانت الصعاب اللي هتقابلنا، حبنا في الآخر هو اللي هينتصر. ربنا مش هيتخلى أبدًا عننا.
ابتسمت له بارتياح بعدما طمأنتها كلماته لتتحدث بنبرة تفاؤلية
أنا واثقة فيك يا محمود، وعندي يقين إن بكرة شايل لنا أجمل أيام.
ابتسم لها ثم تحدث بعدما أراد مداعبتها ليرى غيرتها العمياء عليه والتي تجعله يصل لمنتهى السعادة
طب وبالنسبة للغدى، سيادتك هتتعطفي وتيجي معايا ولا أخدها من قصيرها وأعلق مُزة من اللي هيموتوا على البدلة الميري دول، وأروح أتغدى معاها ونتسلى؟
اشتعلت عيناها لتنظر إليه شزرًا وهي تتحدث من بين أسنانها
إمشي من قدامي يا محمود بدل ما أرتكب فيك جناية على الصبح.
أموت فيك وإنتِ شرسة…
نطقها بغمزة من إحدى عينيه تحت خجلها، ليتحدث بنبرة جادة وهو يعدل من ياقة حلته استعدادًا للرحيل
خلي بالك على نفسك يا حبيبتي.
نطقت بابتسامة مشرقة
وإنت كمان.
بحبك…
نطقها بهمس قبل أن يتحرك ويستقل سيارته لينطلق بها مسرعًا تحت سعادة قلبها العاشق ونظرات الفتيات لها.
ووووويتبع…