عمو ايمن مشيرة محمد

فتحت الظرف الكبير وإيديا بتترعش كأني شايلة قنبلة موقوتة نادية كانت واقفة ساكتة وبتداري نظرات الشفقة اللي في عينيها وأيمن كان حاطت إيديه الاثنين على وشه ومش قادر يرفع عينه في عيني طلعت من الظرف كراسة كبيرة بجلاد أزرق ومجموعة أوراق متدبسة وكتالوجات لمدارس خاصة وأماكن رعاية ورسائل مكتوبة بخط إيده اللي بدا يرتجف شوية
مسكت الكراسة وفتحت أول صفحة لقيت مكتوب بخط كبير وواضح خريطة حياة حبيبة لما أختفي
قلبي اتعصر وعيني دمعت ركبي لمسوا الأرض من غير ما أحس وقعدت على الكرسي وأنا بقرا الكلام اللي كاتبه أيمن كان كاتب كل التفاصيل الصغيرة والكبيرة اللي أي حد في الدنيا ممكن يتخيلها أو ما يتخيلهاش
أول صفحة كانت بعنوان المصاريف والتأمين
كاتب فيها أرقام حسابات بنكية وبند كامل عن شهادة استثمار عاملها باسم حبيبة من خمس شهور أول ما عرف بمرضه كاتب بالحرف المبلغ ده مش من حقي ده لحبيبة عشان جامعتها ومصاريف دراستها لو نورا حصلها أي ظرف في الشغل أو الممرضات تعبوا وما قدرتش تشتغل شيفتات زيادة أنا أمنتها لغاية ما تتخرج من الجامعة
الصفحة اللي بعدها كانت بعنوان الصيانة والبيت
كاتب جدول كامل بأعطال الشقة اللي بياخد باله منها من سنين السباك اسمه عم أحمد ورقمه كذا وما بياخدش كتير ومين يتصل بيه لو الكهربا قطعت أو التكييف باخ وزيت العربية بيتغير كل خمسة آلاف كيلو في الورشة اللي في أول الشارع وكاتب اسم الميكانيكي وأمانته
والصفحة الثالثة كانت الأكثر وجعاً كانت بعنوان حاجات حبيبة بتحبها وما حدش يعرفها غيري
كاتب لما تكون زعلانة بلاش تضغط عليها سيبها عشر دقائق واعملها كوباية لبن بالشوكلاتة دافية وهاتلها ورقة ورسم ألوان هي مش بتحب تحكي وهي متضايقة هي بتحب ترسم ولما تخلص رسم هتجي تحكيلك كل حاجة لوحدها وعيد ميلادها سنة أربعة وعشرين الكيكة لازم تكون بالفراولة مش بالشوكلاتة لأنها غيرت رأيها الشهر اللي فات وما قالتش لنورا عشان ما تتعبهاش
بصيت لأيمن والدموع مغرقة وشي وقلت بصوت متقطع ايه ده يا أيمن أنت عملت كل ده إمتى
أيمن رفع راسه بالعافية عينه كانت حمرا ومطفية وقال بصوت مخنوق من يوم ما الدكتور قاللي إن الخلايا بتضمور في مخي وإن بعد سنة أو سنتين بالكتير مش هبقى فاكر اسمي ولا فاكر مين حبيبة ولا مين أنتِ قلت لنفسي أنا عندي وقت محدد ولازم أخلص فيه كل التزاماتي تجاهكم قبل ما أتحول للغريب اللي هتشوفوه ومش هتعرفوه
نادية مديرة المعسكر مسحت دمعة نزلت من عينها وقالت بالراحة يا نورا أيمن جه هنا من شهرين قبل ما المعسكر يبدأ وقابلني في المكتبي هنا وسألني عن كل إجراءات الأمان وعن مصاريف المعسكر للسنين الجاية ودفع مقدم ثلاث سنين قدام لحبيبة وقاللي لو جه يوم ورجعت هنا مش فاكر أنا مين أو بتصرف غريب أرجوكي كلمي نورا فوراً وديلها الظرف ده
أيمن بص للأرض وقال أنا كنت خايف أكون عبء يا نورا طول عمري في حياتكم الشخص اللي بتعتمدوا عليه السند اللي لما تقعوا بتلاقوه لو أتحولت للراجل المريض اللي محتاج حد يرعاه ويغيرله وينسى أساميكم أنا كنت هموت من الخوف مش عايز حبيبة تشوفني وأنا بنسى أسمها ومش عايزك أنتِ تشيلي همي فوق هم الشغل والبنت والمصاريف
قمت من على الكرسي وقربت منه ومسكت إيديه الاثنين جامد وقلتله بصوت حاد بس فيه حنية وغضب في نفس الوقت أنت غبي يا أيمن أنت افتكرت إننا بنحبك عشان أنت بتصلح الحنفية وبتركن العربية وبتقضيلنا الطلبات أنت فاكر إن مكانتك عندنا مجرد خدامات بتعملها وخلاص
أيمن بصلي بذهول وقلتله أنت عيلتنا يا أيمن حبيبة ما بتقولكش يا أعمو أيمن عشان أنت بتجيب الكيكة أو بتوصلها المدرسة حبيبة بتبص لك كأبه الأب اللي ما شافتهوش في حياتها وأنا ما