حماده كان وقف في الصاله

حماده كان واقف في صالة السفر في مطار القاهرة بيبص على الساعة كل دقيقتين قلبه بيدق بسرعة مش عشان الطيارة هتفوته لأ عشان هو اصلا مش مسافر هو جاي يوصل صاحبه ممدوح اللي كان طاير على دبي يبدأ شغل جديد هناك وممدوح حضنه وقاله خلي بالك من نفسك يا حماده ومتطولش في المطار زحمة وقرف حماده ضحك وقاله يا عم امشي انت بس وانا هطلب قهوة واقعد شوية الجو في المطار احسن من زحمة شبرا المهم ممدوح دخل على جوازات وحماده لف عشان يخرج لمحها واقفة عند الكاونتر اللي قدامه بالظبط بنت لابسة فستان ابيض بسيط وشايلة شنطة سفر كبيرة وعينها فيها دموع محبوسة كانت بتحاول تمسك نفسها بس الدموع هتنزل يعني هتنزل حماده وقف مكانه معرفش ليه حس انه يعرفها من زمان مع انه اول مرة يشوفها في حياته قرب خطوة واتنين وبعدين لقى نفسه بيقولها لو سمحتي انتي كويسة البنت اتخضت وبصتله وقالتله انا كويسة الحمد لله شكرا حماده قالها لا باين انك مش كويسة بصراحة شكلك بتعيطي ولو محتاجة حاجة انا موجود هنا هي ضحكت ضحكة صغيرة موجوعة كده وقالتله لا مفيش حاجة انا بس متوترة شوية عشان اول مرة اسافر لوحدي قالها مسافرة فين قالتله مسافرة الكويت حماده قالها الكويت مرة واحدة ده انتي قلبك جامد بقى قالتله مش جامد ولا حاجة ده غصب عني حماده سكت شوية وبعدين قالها اسمك ايه قالتله اسمي حنين وهو اتصدم قالها حنين الاسم لايق

عليكي اوي قالتله وانت اسمك ايه قالها انا حماده مهندس على ما تفرج ولسه راجع من الامارات من شهرين بعد ما الشركة اللي كنت فيها قفلت قالتله ربنا يوفقك يا حماده هو قالها وانتي بتعملي ايه في حياتك قالتله انا خريجة تجارة انجليزي وكنت بشتغل في شركة سياحة بس دلوقتي خلاص مسافرة هتجوز هناك حماده حس كأن حد خبطه على دماغه قالها هتتجوزي قالتله اه خطيبي هناك بيشتغل مهندس بترول بقاله خمس سنين واهلي ضغطوا عليا اوافق عشان فرصة ومستقبل وكده وانت عارف كلام الاهالي حماده قالها وانتي موافقة قالتله وهي بتبص بعيد يعني مش عارفة هو انسان كويس ومحترم وابن ناس بس انا مش حاسة بحاجة ناحيته قلبي مش معاه حماده قالها امال قلبك مع مين سكتت وبصتله بصه طويلة قالتله معرفش يمكن لسه مقابلتوش او يمكن قابلته دلوقتي ومتأخر اوي الكلمة نزلت على حماده زي الصاعقة فضلوا ساكتين شوية وبعدين ندهوا على رحلتها في الميكروفون الرحلة رقم كذا المتجهة الى الكويت حنين اتنفضت وقالت يا لهوي لازم