صـ.ـدمه الماضي
صدمه الماضي
بصيت لحسام.. وبصيت لإيده اللي على كتف مرتي القديمة.. وعيني راحت للعيال اللي مستخبيين ورا رجل أمهم.
سيد قرب مني وهمس في ودني: يا بيك.. لو الشارع عرف إن عيال سليم العطار مكتوبين باسم راجل تاني.. هتبقى وصمة عار مش هتتمحي.. ولو الحاجة فاطمة عرفت هتولق الدنيا.. إحنا نجيب الرجالة ونلم العيال ونخلص من حسام ده!
لفت لسيد وبصيت له بعينين مرعبة.. سيد رجع خطوة لورا.روايات_مشيره_محمد
قلت له بصوت واطي بس يرعب: إنت تجرؤ تتكلم عن عيالي بالطريقة دي؟ تجرؤ تقولي أقتل الراجل اللي شال عيالي لما أنا رميتهم؟
سيد سكت وما قدرش ينطق.
قربت من خديجة.. وهي خافت ورجعت لورا وهي ضامة العيال..
قلت لها بصوت مكسور: أنا مش جاي أقتلك ولا جاي أخد العيال بالعافية يا خديجة.. أنا صحيح مجرم وعايش في الدم.. بس مش للدرجة دي.. مش هسحبهم من الحضن اللي طمنهم عشان أدخلهم جحيمي.
خديجة بصت لي باستغراب.. مش مصدقة إن ده سليم العطار الشرس.
كملت كلامي وبصيت لحسام: إنت راجل.. شلت شيلتي وقومت بالواجب اللي أنا هربت منه.. ومناخيرك اللي اتكسرت دي حقي عليك وأنا آسف عليها.. بس العيال دول دمائي.. العيال دول من صلبي.. ومش هسمح في يوم من الأيام إنهم يتربوا على كلمة “مجهول النسب” ولا إن سرهم ينكشف قدام الخلق.
حسام قال بصوت ناشف: وعايز إيه دلوقتي؟
قلت له: العيال هيتكتبوا باسمي.. سليم العطار.. بالنسب الحقيقي بتاعهم.. وده مش كلام للمناقشة.. مش عشان أسرقهم منك.. العيال هيفضلوا عايشين هنا مع أمهم ومعاك لو هي اختارتك.. أنا مش هجبر خديجة ترجع لي.. هي اختارت حياتها خلاص.. بس عيالي يرفعوا راسهم ويقولوا أبونا سليم العطار.. مش مقيدين باسم تاني!
خديجة قالت بعياط: وإنت فاكر إني هأمن عليك تاخدهم القليوبية في وسط النار اللي هناك؟
قلت لها والدموع في عيني: أنا هسيبهم هنا.. وهأمنلك الشقة دي والعمارة دي والحي ده كله.. هعملكم حراسة من بعيد لبعيد محدش يحس بيها.. وهتجيلي بيهم القليوبية كل شهر أسبوع.. يشوفوا أبوهم، ويشوفوا جدهم وأهلهم.. وأنا هتكفل بيهم وبكل قرش يصرفوه لغاية ما يكبروا.. وحسام هيفضل في نظرهم عمهم أو الراجل اللي رباهم.. هحترمه عشان صانك وصانهم لما أنا ضيعتكم.
حسام بصلخديجة بذهول، وخديجة كانت تبكي ومش عارفة تقول إيه.
