وجع الفراق القسم التانى

صافى اتفضل انزل بقى نام تحت اهو كوكو نام

اجابها بعند لاء طبعا افرضى صحى يقول ايه

عادت لوسادتها فى ضيق .مدذراعه امامه فلامستها فنظرت اليه غاضبة

صافى شيل ايدك

اجابها وهو يتصنع النوم قائلا بصوت عالى

يعنى اوديها فين انا مش بستريح الا كده

صافى بصوت هامس طب وطى صوتك هتصحى الولد

اجابها ببرود طيب نامى انتى بس وانا هسكت

ادارت وجهها عنه وهى تتمتم فسألها بإستفزاز

سارى بتقولى حاجة

لم تجبه .بعد وقت استغرقا بالنوم .فى الصباح فتحت صافى عيناها بتكاسل فوجدت كريم قد اختفى وذراع سارى تحيط خصرها بقوة .ابعدت يده بعصبية ففتح عيناه وهو يعيد ذراعه مرة اخرى اليها بقوة اكبر بعدما اقترب اكثر منها قائلا لها باستفزاز

سارى الله ..اول مرة اصحى الصبح الاقى القمر فى وشى كده .

زمت شفتيها وهى تبعد ذراعه عنها لتنهض بعيدا عنه .غيرت ملابسها داخل الحمام لفستان بحر صيفى قصير بحمالات

نظر اليها مشدوها قبل ان يدرك حاله فسألها انتى هتنزلى كده لتحت

اجابته اه فى ايه

اجابها بضيق بس الفستان مش قصير اوووى ومكشوف من فوق

اجابته ساخرة ده على اساس انك مكنتش بتسمح لزوجاتك السابقات كلهم بلبس مكشوف عن ده على الاقل انا بلبسه وانا على البحر ووسط اهلى

قالتها وغادرت الغرفه للاسفل

لحق بها بعد قليل فوجدها تقف بالمطبخ الامريكانى لتعد الافطار بينما جلست امها تقيس الضغط لابيها .اقترب منها من الخلف قائلا وهو يشم رائحه شعرها الاكل ريحته حلووة اوووى

ارادت ان تستدير الا انه همس فى اذنها

سارى ابوكى بيبص علينا .وانتى عارفه انه ذكى ولماح

نظرت مكان والداها فوجدتهم منشغليين بلعب الطاوله .اغتاظت من كذبه عليه فلكزته پعنف فى صدره قائله له

صافى انت نصاب وعمرك ماهتتغير

جذبها من خصرها اليه وهو يدفن رآسه فى رقبتها بصوت أجش

سارى كفاية بقى ياصافى ..بلاش نضيع وقت اكتر من كده .انا حاسس بيكى واكييد انتى كمان حاسة بيا

ابعدته قائله اه حاسة برغبة مش بمشاعر

قالتها وتركته مكانه بينما حملت هى الاطباق للخارج

فى المساء لعب طاوله مع ابيها

استمتع فعلا بحكاياته عن عمله كمراسل صحفى على الجبهه وقت الحړب وتسجيلاته مع شخصيات شهيرة كرؤساء دول وقيادات وفنانين ورياضيين طوال مشواره الرياضى .نهض ابيها لياخذ حقنته بعدما طلب من صافى ان تحل مكانه فى اللعب .ففعلت بتحد .اعجبه اصراراها على الفوز .كانت متمكنة بالفعل باساسيات اللعبة وخباياها..شيئا فشئ أحس انه يخسر جولاته امامها وكريم يسخر منها .فازت فقفزت واقفه تهلل وهى تحضن كريم .اغتاظ منها فباغتها وحملها فجاة هى وكريم وسار بهم للبحر .رماهم فيه بملابسهم وكريم يقهقه بصوت عالى .رمى نفسه ورائهم .اخذا يتقاذفان بالمياه وهم يلهون فى سعادة .