زوجته الأولي ج الاخير

_ طنط أم عمر لقت الونس فى والدتك وفرحانه بوجودها.

_ وماما كمان بتستناها تطلع، شوفتى بقى دا اللى بقولك عليه، أحنا لقينا بينكم ونس زى ما بتقولى مش لقينه بين أهلنا وبيتنا، بقيت أحس أن هناك اللمة كدابه أوى، جنبكم عرفت يعنى إيه لمة وعيلة وناس تخاف عليكي، يمكن علشان كده حبيت ياسين لأنه منكم وشبهكم وأخد طباعكم.

_ بس ماتنسيش يا ورد أن كل مكان فيه الحلو وفيه الوحش وأنتى شوفتى هنا نماذج ل ده ول ده وأكيد عندك ناس حلوة هناك .

_ موجودين بس أصحاب المصالح أكتر.

_هونى على نفسك يا روحى يا عالم لسه إيه هيحصل وحطى فى أعتبارك أن أى مكان ربنا بيحطك فيه أكيد فيه الخير ليكى، تعرفى أنا مكنتش أتخيل فى يوم إنى أتجوز يزيد، أنا كنت معجبه بيه ف صغرى بس بعد ما أتجوزت أحمد خلاص كل ده أختفى، لكن لما قرب منى تانى حبه أتجدد فى قلبي كأن ربنا عوضنى بيه وبحبه ليا، كنت فى الأول رافضه تماماً لكن دلوقت بحمد ربنا على وجوده وبدعى وجوده يستمر فى حياتى للأبد، ف ربنا له حكمة فى كل حاجة بتحصل وهو واحده الأدرى بيها سبحانه وتعالى، ممكن نفهمها أوقات، أوقات تانية مش بنعرفها، لكن الحمد لله فى كل حين .

أبتسمت ورد لحديث سارة ثم أردفت.

_ ونعم بالله .

_ تعالى بقي ندخل مالك لجداته علشان تيجي معايا المحل نستلم البضاعة الجديدة ونرصها .

تحمست ورد للفكرة فصفقت بيديها لتتحرك فوراً.

ترتدى بنطال من الچينز يعلوه تيشيرت قطنى طويل الأكمام ترفع كميه قليلاً عاقدة شعرها كالضفيرة تعمل بجد وفرحة غامرة مع صديقتها، بعد الأنتهاء من تجهيز المحل ورص البضاعة وقفت ورد تنظر لعملها بفخر بادٍ على وجهها ما جعل سارة تبتسم من تلك اللطيفة التى أمامها .

_ الحمد لله خلصنا شغل، شايفه الديكوريشن اللى عملته حلو إزاى ؟

أبتسمت سارة وهزت رأسها بتعب .

_جميل يا ورد .

_بيتهيئلى لو جبنا الحاجات دى هنا هيبقي أشيك .

_ لا لا لا كده خلاص أحنا غيرنا أماكن الحاجات كلها، أنا تعبت، ثم المغرب قرب يأذن وعايزه أطلع أطمن على مالك .

_ تمام تعالى يلا وناكل مع ماما وطنط زمانهم عاملين أكل حلو .

_ تمام .

دون أستئذان، دون إلقاء سلام، دخلت سمر المحل بملابسها باهظة الثمن الأنيقة التى لا تليق على تلك الأماكن تنظر بتعالى إلى المكان حولها .

حينها رأتها الأخرى أنقبــ,,ـــــض قلبها وعلمت أن دخولها إلى هنا لن يمر على خير، لتتحدث الثالثة بجهل هويه الواقفة أمامها .