حكايه زهره شيماء منير ١

سعد:تمام متقلقش كله هيبقا تمام

___________________________________

نزل على الدرج

كان يرتدي قميص من اللون الابيض وبرموده من اللون الاسود

مازن وقرب من جيهان اللي كانت قاعده بتتكلم في الموبيل
جلس بالقرب منها

نهت مكالمتها بسرعه

ونظرت اليه بعتاب

جيهان:صحيت بدري يعني؟؟
مازن وعارف انها زعلانه قام وقعد جمبها
وضع قبله على رأسها خلاص بقا ياجيجي كفايه اللي جوزك عامله معايا الصبح

جيهان بضيق :جوزي ياقليل الادب مش باباك دا!!

مازن:هههههههه الله طيب ماهو جوزك بردوه

جيهان بدموع:كفايه كده يامازن بقا انا معتش قادره ادافع عنك

مازن وهو يمسح دموعها خلاص بقا ياجيجي والله انا ليا الحق والواد دا اصلا مش مظبوط وشكله كان شارب حاجه ونزل تكسير في عربتي ولما جيت اكلمه شتمني وزقني وشتمني بيكي وانا مقدرش امسك نفسي بعده مشوفتش نفسي بعدها اصلا واصحابي هما اللي بعدوني عنه

جيهان :كان هيبقا ليك الحق لو انت مضربتوش كده

مازن سيبك بقا الموضوع دا اخد اكتر من حجمه ..بقولك انا هاخد عربيتك هعدي اشوف الشغل في الصاله الرياضيه عامل ايه والف شويه

جيهان :طيب انت مفطرتش وبعدين بابا وحسام على وصول ونتغدى سوا

مازن ووقف:لا انا همشي مروان مستنيني في الصاله بقاله ساعه

ثم اقترب منها ووضعها قبله على رأسها هتعوزي مني حاجه ياجيجي

جيهان ونظرت له بحنان فمازن الابن المفضل لها هي تحب حسام ولكن مازن الاقرب لها على عكس حسام الاقرب لولده حتى في العمل قريب منه ويعمل معه في نفس الشركه لكن مازن قرر انه يفتح صاله رياضيه(الجيم)كبيره مبتعدا عن شغل والده واخوه

مازن اخد عربية جيهان لان طبعا عربيته في التوكيل بتتصلح

واتجه بها لطريقه للجيم

____________________________

دخل الشركه بخطوات سريعه
قابله عمر صديقه وابن خالته ويعمل معه في الشركه

عمر:ايه يابني دا احنا هنروح ايه كنت فين مش بترد على موبيلك

حسام:استنى بس ياعمر عليا انا مقعدش من الصبح

عمر:براحتك انا بس قلقت عليك

كانوا وصلوا عند مكتب حسام

حسام :مساكل اخويا مازن اللي مش بتنتهي

عمر واتكلم يفتور نوعا ما لان هو ومازن مش بيتفقوا نهائي على الرغم انهم من صلة القرابه هذه

عمر:ليه عمل ايه؟؟

سرد له حسام ما حدث

عمر:ربنا يهديه

تنهد حسام بضيق:ياارب ياعمر عشان انا خايف على بابا انت عارف انه مريض قلب وميستحملش