حكايه زهره شيماء منير ١

في إحدى الكافيهات

كانت تتحرك بين الزبائن ووتضع المشاريب كانت تشعر بالدور قليلا وعدم التركيز

اقتربت منها صديقتها وتدعى هاله
هاله:زهره انتي شكلك مش مركز ارتاحي انتي جمب جنا وانا هكمل مكانك

نظرت زهره الى ابنتها النائمه على احد المقاعد ويبدو عليها وجهها التعب هي لاتسطيع ان تذهب بها الي احدى الدكاتره فالنقود التي كانت معها اشترت بها بعض العلاج من إحدى الصيدليات
تحدثت وهي تحاول كبت دموعها وتمنعهم من النزول اصل انا منمتش امبارح كويس جنا كانت تعبانه خالص وسخونه على ما عرفت اخرج الصبح وجبتلها علاج

هاله:طيب ارتاحي شويه وانا هكمل مكانك

زهره باعتراض مش هينفع المدير لو شافنا هيعمل مشكله وانا مش ناقصه مشاكل وكفايه انه بيسمحلى انام هنا انا وبنتي بالليل بدل ما ننام في الشارع

هاله :بس انتي..

قاطعتها زهره خلاص بقا ياهاله يلا نشوف شغلنا مش عايزه اعملك مشاكل
وكل واحده راحت على شغلها

______________________

حسام:بابا مشي ياماما؟؟؟

جيهان:ايوه ياحبيبي مشي راح على الشركه ..اخوك عامل ايه؟

حسام بسخريه اخويا كويس ومزاجه حلو وهينام ولا كإن في حاجه

جيهان:اكيد لانه مش غلطان

حسام بضيق خفيف ياماما بوصي للموضوع من كل جهاته الولد غلط فيه وشتمه تمام غلط ..بس مش لدرجة يضربه لحد مايوصله لحالته دي

جيهان:خلاص حل الموضوع ياحسام عشان خاطري

حسام بضيق اللي انتي خايفه عليه دا بيقول طلعو نفسكم من الموضوع ..بس طبعا مش هقدر اسيبه انا هطلع على المستشفى واشوف ايه الموضوع

وخرج حسام من الفيلا واخد عربيته وراح للمستشفى

وهناك قابل سعد علوان

سعد:تعالي يابشمنهدس حسام وانا اوريك ابني مفيش في جسمه حته سليمه

حسام :ياسعد بيه ابنك غلط في اخويا ومش بس كده وكمان كسرله عربيته ودي بكذا مليون وانا متاكد ان اخويا مش هيضربه كده غير لما هو يعمله حاجه تضايقه وبعدين دا طايش شباب سواء ابنك غلط او اخويا اللي غلط نلم الموضوع واحنا ياسيدي تكاليف المستشفى علينا لحد مايخرج من هنا
وخرج من جيبه ورقه
حسام:ودا شيك ب١٠ مليون جنيه هديه مني لكم بس مش عايز لاحس ولاخبر

سعد واخد الشيك:ماشي دا ..على فكره انا هاخد الفل س بس عشان ابقا اعالج ابني بيها

حسام بسخريه اه ما انا عارف
ثم اكمل وهو يضيع ايده على كتفه المهم زي ما قولتلك لاحس ولاخبر