اصدقائي قنبله ذريه ٣

….

ﻓﻲ ﺍﻟﻴﻮﻡ ﺍﻟﺘﺎﻟﻲ …
ﺍﻧﻄﻠﻘﻮﺍ ﺇﻟﻰ ﻣﺪﻳﻨﺔ ﺍﻟﻤﻼﻫﻲ ﻭﺭﺍﻓﻘﺘﻬﻢ ﻧﺎﺩﻳﺔ ﺣﺘﻰ ﻻ ﺗﺘﺮﻙ
ﻓﺮﺻﺔ ﻟﺮﻧﺎ ﺑﺎﻟﺘﻘﺮﺏ ﻟﺰﻭﺟﻬﺎ، ﺻﻌﺪﻭﺍ ﺃﻭﻻً ﺇﻟﻰ ﺇﺣﺪﻯ
ﺍﻷﻟﻌﺎﺏ ﺍﻟﺨﻔﻴﻔﺔ ﺍﻟﺘﻲ ﺗﺸﺒﻪ ﺍﻟﺴﺎﻗﻴﺔ ﻭﻋﻨﺪﻣﺎ ﻫﺒﻄﻮﺍ ﻣﻨﻬﺎ
ﺗﻤﺴﻜﺖ ﻧﺎﺩﻳﺔ ﺑﻌﻠﻲ ﻭﻫﻲ ﺗﻘﺎﻭﻡ ﺍﻹﻋﻴﺎﺀ ﺍﻟﺬﻱ ﺃﺻﺎﺑﻬﺎ ،
ﺳﺨﺮ ﻣﻨﻬﺎ ﺍﻷﻭﻻﺩ ﻛﺜﻴﺮﺍً ﺣﺘﻰ ﻋﻠﻲ ﻧﻔﺴﻪ : ﻭﺇﻳﻪ ﺍﻟﻠﻲ
ﺗﻌﺒﻚ ﻓﻲ ﺍﻟﻠﻌﺒﺔ ﺩﻱ؟ … ﺩﻱ ﻟﻌﺒﺔ ﺃﻃﻔﺎﻝ ﺃﺻﻼً
ﻧﺎﺩﻳﺔ ﻣﺒﺮﺭﺓ: ﺃﻧﺎ ﺑﺄﺩﻭﺥ ﺑﺴﺮﻋﺔ
ﻋﻠﻲ: ﺩﻱ ﺃﻗﻞ ﻟﻌﺒﺔ ﻫﻨﺎ ﺇﻧﺘﻲ ﻟﺴﻪ ﻣﺎ ﺷﻮﻓﺘﻴﺶ ﺣﺎﺟﻪ
ﻧﺎﺩﻳﺔ ﺑﺰﻋﺮ : ﻻ ﻻ ﺃﻧﺎ ﻣﺶ ﻫﺄﻟﻌﺐ ﺗﺎﻧﻲ ﻛﺪﺍ ﻛﻔﺎﻳﺔ ﻋﻠﻴﺎ
ﺃﻭﻱ
ﻫﺰ ﻋﻠﻲ ﻛﺘﻔﻴﻪ: ﺍﻟﻠﻲ ﻳﺮﻳﺤﻚ
ﺍﺳﺘﻤﺘﻌﻮﺍ ﺑﻠﻌﺐ ﺑﻘﻴﺔ ﺍﻷﻟﻌﺎﺏ ﻭﺭﻓﻀﺖ ﻧﺎﺩﻳﺔ ﺇﻋﺎﺩﺓ
ﺍﻟﻤﺤﺎﻭﻟﺔ ﻓﻲ ﻟﻌﺒﺔ ﺃﺧﺮﻯ ﺑﻞ ﺗﺸﺒﺜﺖ ﺑﻌﻠﻲ ﻭﻣﻨﻌﺘﻪ ﺃﻥ
ﻳﻠﻌﺐ ﻣﻊ ﺍﻷﻭﻻﺩ ﻣﺪﻋﻴﺔ ﺍﻟﺨﻮﻑ ﻭﺍﻹﻋﻴﺎﺀ ﻭﻻ ﺗﺮﻳﺪ ﺍﻟﺒﻘﺎﺀ
ﺑﻤﻔﺮﺩﻫﺎ.
ﺷﺎﺭﻛﺖ ﺭﻧﺎ ﺍﻷﻭﻻﺩ ﻓﻲ ﻛﻞ ﺍﻷﻟﻌﺎﺏ ﺍﻟﺘﻲ ﻳﺮﻳﺪﻭﻥ
ﺍﻹﺳﺘﻤﺘﺎﻉ ﺑﻬﺎ ﺩﻭﻥ ﺃﻱ ﺗﻌﺐ ﻣﻤﺎ ﺃﺛﺎﺭ ﺇﻋﺠﺎﺏ ﻋﻠﻲ ﺑﻬﺎ
ﻓﻴﺒﺪﻭ ﺃﻥ ﺍﻟﻤﺮﺍﺕ ﺍﻟﺘﻲ ﺃﺗﺖ ﺑﻬﺎ ﻫﻨﺎ ﻣﻊ ﺍﻷﻭﻻﺩ ﺑﺪﻭﻧﻪ ﻗﺪ
ﺃﻛﺴﺒﺘﻬﺎ ﻣﻨﺎﻋﺔ ﺷﺪﻳﺪﺓ .
ﺣﺎﻥ ﺍﻟﺪﻭﺭ ﻋﻠﻰ ﺑﻴﺖ ﺍﻟﺮﻋﺐ ﺭﻛﺒﺖ ﺭﻧﺎ ﻓﻲ ﻋﺮﺑﺔ ﻭﺍﺣﺪﺓ
ﻣﻊ ﺃﻣﺠﺪ ﺍﻟﺬﻱ ﺟﻠﺲ ﺑﺠﺎﻧﺒﻬﺎ ﻭﻛﺮﻡ ﻣﻦ ﺍﻟﻄﺮﻑ ﺍﻷﺧﺮ
ﻭﺻﻌﺪﺕ ﻧﺎﺩﻳﺔ ﻫﺬﻩ ﺍﻟﻤﺮﺓ ﺑﺮﻓﻘﺔ ﻋﻠﻲ ﻓﻲ ﺍﻟﻌﺮﺑﺔ ﺍﻟﺘﻲ
ﺗﻠﻴﻬﻢ ﺑﻌﺪ ﺃﻥ ﺗﺄﻛﺪﺕ ﺃﻥ ﺍﻟﻌﺮﺑﺔ ﻟﻦ ﺗﺪﻭﺭ ﺑﻬﺎ.
ﺃﻧﺘﻬﺖ ﺍﻟﺪﻭﺭﺓ ﻭﻫﻤﺖ ﺭﻧﺎ ﺑﺎﻟﻨﺰﻭﻝ ﻋﻨﺪﻫﺎ ﺭﺃﺕ ﻳﺪﺍً ﺗﻤﺘﺪ
ﺇﻟﻴﻬﺎ ﻟﻤﺴﺎﻋﺪﺗﻬﺎ ﺃﻣﺴﻜﺖ ﺑﻬﺎ ﻭﻫﺒﻄﺖ ﻟﺘﻔﺎﺟﺄ ﺑﺎﻟﺸﺨﺺ
ﺍﻟﺬﻱ ﻗﺪﻡ ﻟﻬﺎ ﺍﻟﻤﺴﺎﻋﺪﺓ ﻳﻘﻮﻝ ﻣﺒﺘﺴﻤﺎً: ﻫﻮ ﺍﻟﺠﻤﻴﻞ ﺇﺯﺍﻱ
ﻟﻮﺣﺪﻩ ﻫﻨﺎ؟
ﻟﻢ ﺗﺠﺪ ﻓﺮﺻﺔ ﻟﻺﺟﺎﺑﺔ ﻹﻥ ﻋﻠﻲ ﺃﻣﺴﻜﻬﺎ ﻣﻦ ﻳﺪﻫﺎ ﺑﻘﻮﺓ
ﻭﻗﺎﻝ ﺑﻐﻀﺐ ﻣﻜﺘﻮﻡ : ﻣﺎ ﺃﻧﺎ ﻣﻌﺎﻫﺎ ﺃﻫﻮ ﻭﻻ ﺃﻧﺎ ﻣﺶ ﻣﺎﻟﻲ
ﻋﻴﻨﻚ؟
ﺍﻧﺴﺤﺐ ﺍﻟﺮﺟﻞ ﻓﻮﺭﺍً ﻋﻨﺪﻣﺎ ﺭﺃﻯ ﺍﻟﺸﺮﺍﺭ ﻳﺘﻄﺎﻳﺮ ﻣﻦ ﻋﻴﻦ
ﻋﻠﻲ ، ﺟﺮﻫﺎ ﺟﺮﺍً ﺇﻟﻰ ﺃﻗﺮﺏ ﻛﺎﻓﻴﺘﺮﻳﺎ ﻭﻗﺪ ﺃﻣﺴﻚ ﻛﺮﻡ
ﺑﻴﺪﻫﺎ ﺍﻟﺤﺮﺓ ﻭﺃﻣﺴﻚ ﺃﻣﺠﺪ ﺑﻴﺪ ﻛﺮﻡ ﺍﻷﺧﺮﻯ ﻭﻟﺤﻘﺖ ﺑﻬﻢ
ﻧﺎﺩﻳﺔ ﺣﺎﻧﻘﺔ .
ﺃﺟﻠﺴﻬﺎ ﻋﻠﻲ ﺑﻐﻀﺐ ، ﺩﻟﻜﺖ ﻳﺪﻫﺎ ﻣﻦ ﻗﻮﺓ ﻗﺒﻀﺘﻪ ﺳﺄﻟﻪ
ﺑﻐﻀﺐ : ﺇﺯﺍﻱ ﻳﺎ ﻫﺎﻧﻢ ﺗﺴﻤﺤﻲ ﻟﻮﺍﺣﺪ ﻏﺮﻳﺐ ﻳﻤﺴﻚ
ﺇﻳﺪﻙ ؟
ﺭﻧﺎ : ﻭﺍﻟﻠﻪ ﺃﻧﺎ ﻣﺎ ﺷﻮﻓﺘﺶ ﻭﺷﻪ ﻭﻣﺎ ﺗﻮﻗﻌﺘﺶ ﺇﻧﻪ ﻭﺍﺣﺪ
ﻏﺮﻳﺐ ﻫﻴﺠﺮﺅ ﻳﻌﻤﻞ ﻛﺪﺍ
ﻋﻠﻲ ﺳﺎﺧﺮﺍً: ﺃﻭﻣﺎﻝ ﺗﻮﻗﻌﺘﻲ ﻣﻴﻦ ﺇﻥ ﺷﺎﺀ ﺍﻟﻠﻪ ؟
ﺭﻧﺎ ﺑﺴﺨﺮﻳﺔ ﻣﺮﻳﺮﺓ : ﺃﺑﺪﺍً ، ﺗﻮﻗﻌﺖ ﺟﻮﺯﻱ ﻳﺠﻲ ﻳﻤﺪ ﻟﻲ
ﺇﻳﺪﻩ ﻋﺸﺎﻥ ﻳﺴﺎﻋﺪﻧﻲ ﻣﺶ ﺃﻛﺘﺮ
ﻫﺮﺏ ﺑﻌﻴﻨﻴﻪ ﻣﻨﻬﺎ ، ﻃﻠﺐ ﻛﺮﻡ : ﻣﺎﻣﺎ ﺃﻧﺎ ﻋﺎﻳﺰ ﺃﻛﻞ
ﻫﺎﻣﺒﺮﺟﺮ
ﺃﻣﺠﺪ: ﻭﺃﻧﺎ ﻋﺎﻳﺰ ﺑﻴﺘﺰﺍ
ﻃﻠﺐ ﻋﻠﻲ ﺍﻟﻄﻌﺎﻡ ﻭﺑﻌﺪ ﺗﻨﺎﻭﻟﻪ ﺗﺎﺑﻌﻮﺍ ﺟﻮﻟﺘﻬﻢ ﻓﻲ ﻣﺪﻳﻨﺔ
ﺍﻟﻤﻼﻫﻲ .
ﺗﻮﻗﻒ ﻛﺮﻡ ﺃﻣﺎﻡ ﻟﻌﺒﺔ ﺍﻟﻨﺸﺎﻥ ﻭﺟﺬﺏ ﻭﺍﻟﺪﺗﻪ : ﻣﺎﻣﺎ
ﻣﺎﻣﺎ … ﺃﻧﺎ ﻋﺎﻳﺰ ﺍﻟﻘﺮﺩ ﺩﺍ
ﻧﺎﺩﻳﺔ: ﻫﻬﻬﻬﻬﻪ ﺷﺒﻬﻚ ﻓﻌﻼً ﺗﺼﺪﻕ ؟
ﻛﺮﻡ ﺑﻤﻜﺮ ﻓﻘﺪ ﺍﻋﺘﺎﺩ ﻋﻠﻰ ﺗﻠﻚ ﺍﻟﺘﻌﻠﻴﻘﺎﺕ ﻣﻦ ﺃﺻﺪﻗﺎﺋﻪ ﻓﻲ
ﺍﻟﻤﺪﺭﺳﺔ ﻭﺗﻌﻠﻢ ﻛﻴﻒ ﻳﺠﻴﺐ ﻋﻠﻴﻬﺎ ﺩﻭﻥ ﺃﻥ ﻳﻬﺘﺰ: ﻻ ﺃﻧﺎ
ﻛﻨﺖ ﻫﺄﺟﻴﺒﻪ ﻋﺸﺎﻥ ﺍﺩﻳﻬﻮﻟﻚ ﻫﺪﻳﺔ … ﺃﺻﻞ ﺗﻘﺮﻳﺒﺎً ﺳﻤﻌﺖ
ﺣﺪ ﺑﻴﻘﻮﻝ ﺇﻧﻪ ﻗﺮﻳﺒﻚ
ﺻﺎﺣﺖ ﻧﺎﺩﻳﺔ ﺑﺤﻨﻖ: ﻋﺎﺟﺒﻚ ﺍﻟﻠﻲ ﺍﺑﻨﻚ ﺑﻴﻘﻮﻟﻪ
ﻋﻠﻲ ﻣﺤﺬﺭﺍً : ﺃﻛﻴﺪ ﻫﻴﺒﻘﻰ ﺃﺣﺴﻦ ﻣﻦ ﺍﻟﻠﻲ ﺃﻧﺎ ﻛﻨﺖ
ﻫﺄﻗﻮﻟﻪ
ﺛﻢ ﻭﺟﻪ ﺣﺪﻳﺜﻪ ﻟﻜﺮﻡ : ﺃﻧﺎ ﻫﺄﻟﻌﺐ ﻭﺃﺣﺎﻭﻝ ﺃﺟﻴﺒﻬﻮﻟﻚ
ﻛﺮﻡ ﺑﺸﻚ: ﺑﺘﻌﺮﻑ ﺗﻠﻌﺐ ﻧﺸﺎﻥ؟
ﻋﻠﻲ: ﻣﺎ ﺃﻧﺎ ﺑﺎﻗﻮﻟﻚ ﻫﺄﺣﺎﻭﻝ
ﻫﺰ ﻛﺮﻡ ﻛﺘﻔﻴﻪ : ﻻ ﻣﺶ ﻋﺎﻳﺰ … ﻣﺎﻣﺎ ﻫﻲ ﺍﻟﻠﻲ ﻫﺘﻌﻠﺐ
ﻭﺗﺠﻴﺒﻪ
ﻋﻠﻲ ﺿﺎﺣﻜﺎً : ﻭﻫﻲ ﻣﺎﻣﺎ ﺑﺘﻌﺮﻑ ﺗﻠﻌﺐ ﺃﺻﻼً؟
ﺃﻣﺠﺪ ﻣﺪﺍﻓﻌﺎً: ﻣﺎﻣﺎ ﺩﻱ ﺣﺮﻳﻔﻪ … ﻫﻲ ﺍﻟﻠﻲ ﺟﺎﺑﺘﻠﻲ
ﺍﻟﻤﺨﺪﺓ ﺍﻟﻠﻲ ﻓﻲ ﺃﻭﺿﺘﻲ ﻭﺑﻨﺎﻡ ﻋﻠﻴﻬﺎ ﺩﻱ ﻗﺒﻞ ﻛﺪﺍ ،
ﻭﺟﺎﺑﺖ ﻟﻜﺮﻡ ﻣﺴﺪﺱ ﺍﻟﻤﺎﻳﻪ ﺍﻟﻠﻲ ﺑﻴﻐﺮﻗﻨﺎ ﺑﻴﻪ
ﻋﻠﻲ ﺑﺈﻋﺠﺎﺏ: ﺩﺍ ﺇﻧﺘﻲ ﺣﺮﻳﻔﻪ ﺑﻘﻰ ﻭﺃﻧﺎ ﻣﺎ ﺍﻋﺮﻓﺶ
ﺭﻧﺎ ﻣﺎﺯﺣﺔ: ﺩﻱ ﺃﻗﻞ ﺣﺎﺟﻪ ﻋﻨﺪﻱ
ﻧﺎﺩﻳﺔ ﺑﺘﺤﺪﻱ: ﻃﺐ ﻣﺎ ﺗﻮﺭﻳﻨﺎ ﺑﺪﻝ ﻣﺎ ﺇﺣﻨﺎ ﺑﻨﺴﻤﻊ ﺑﺲ
ﺃﺷﺎﺭ ﻛﺮﻡ ﻋﻠﻰ ﺍﻟﺪﻣﻴﺔ ﺍﻟﺘﻲ ﻳﺮﻳﺪﻫﺎ ﻭﺃﺷﺎﺭ ﺃﻣﺠﺪ ﻋﻠﻰ
ﺩﻣﻴﺔ ﺃﺧﺮﻯ ﻟﻪ ﻭﺑﺪﺃﺕ ﺭﻧﺎ ﺑﺎﻟﺘﺮﻛﻴﺰ ﻓﻲ ﺍﻟﻠﻌﺒﺔ ﻟﺘﺤﻀﺮ
ﻷﻭﻻﺩﻫﺎ ﻣﺎ ﺃﺭﺍﺩﻭﻩ.
ﻫﺘﻒ ﻛﺮﻡ ﺑﺤﻤﺎﺱ ﺑﻌﺪ ﺃﻥ ﺃﻣﺴﻚ ﺑﻠﻌﺒﺘﻪ ﺑﻴﻦ ﻳﺪﻳﻪ: ﻫﻴﻴﻴﻪ
ﻭﺃﺧﺪﺗﻬﺎ ﻭﺃﺧﺪﺗﻬﺎ
ﻋﻠﻲ ﻣﺒﺘﺴﻤﺎً ﺑﺈﻋﺠﺎﺏ: ﺩﺍ ﺇﻧﺘﻲ ﻓﻌﻼً ﺣﺮﻳﻔﻪ ﻟﻮ ﻣﺎ ﻛﺎﻧﺘﺶ
ﺍﻟﻜﻠﻤﺔ ﺩﻱ ﻗﻠﻴﻠﺔ ﻋﻠﻴﻜﻲ ﻛﻤﺎﻥ
ﺗﺬﻛﺮ ﻋﻨﺪﻣﺎ ﺟﺎﺀﻭﺍ ﻓﻲ ﺑﺪﺍﻳﺔ ﺯﻭﺍﺟﻬﻢ ﺇﻟﻰ ﻫﻨﺎ ﻭﻗﺪ ﺃﺻﺮﺕ
ﻋﻠﻰ ﺃﻥ ﺗﻠﻌﺐ ﻫﺬﻩ ﺍﻟﻠﻌﺒﺔ ﻭﺑﻌﺪ ﻓﺸﻠﻬﺎ ﻋﺪﺓ ﻣﺮﺍﺕ
ﻭﺳﺨﺮﻳﺘﻪ ﻣﻨﻬﺎ ، ﻭﻗﻒ ﺧﻠﻔﻬﺎ ﻭﺃﻣﺴﻚ ﺑﻴﺪﻳﻬﺎ ﻭﺳﺎﻋﺪﻫﺎ
ﻋﻠﻰ ﺿﺒﻂ ﺍﻟﻨﺸﺎﻥ ، ﺗﺬﻛﺮ ﻛﻢ ﻛﺎﻥ ﺳﻌﻴﺪﺍً ﻋﻨﺪﻣﺎ ﺃﺻﺎﺑﺖ
ﺍﻟﻬﺪﻑ ﻭﺇﻟﺘﻔﺘﺖ ﺇﻟﻴﻪ ﺑﺤﺒﻮﺭ ﻭﺍﻟﺴﻌﺎﺩﺓ ﺗﺘﺴﺎﺑﻖ ﻓﻲ ﻋﻴﻨﻴﻬﺎ
ﻟﺘﺼﻞ ﺇﻟﻴﻪ ، ﻛﻴﻒ ﺗﻘﺎﺑﻠﺖ ﻧﻈﺮﺍﺗﻬﻤﺎ ﺍﻟﻌﺎﺷﻘﺔ ﻭﺍﺗﺴﻌﺖ
ﺇﺑﺘﺴﺎﻣﺘﻬﻤﺎ.
ﻋﺎﺩ ﺇﻟﻰ ﺍﻟﻮﺍﻗﻊ ﻋﻠﻰ ﺻﻮﺕ ﻛﺮﻡ ﺳﺎﺧﺮﺍً ﻣﻦ ﺷﻘﻴﻘﻪ : ﻭﺇﻳﻪ
ﺍﻟﻠﻌﺒﺔ ﺍﻟﺒﻨﺎﺗﻲ ﺍﻟﻠﻲ ﺃﻧﺖ ﺟﻴﺒﺘﻬﺎ ﺩﻱ ؟ … ﺩﺑﺪﻭﺏ ﻟﻮﻧﻪ
ﺑﺎﻣﺒﻪ ﻭﻣﺎﺳﻚ ﻗﻠﺐ ﻋﻠﻴﻪ
” I love you ”
ﺃﻣﺠﺪ: ﺃﻧﺎ ﻣﺎ ﺟﺒﺘﺶ ﺍﻟﻠﻌﺒﺔ ﺩﻱ ﻟﻴﺎ
ﻛﺮﻡ ﻏﺎﻣﺰﺍً: ﺃﻭﻣﺎﻝ ﻟﻤﻴﻦ ﻳﺎ ﺣﺒﻴﺐ ؟
ﻧﻬﺮﻩ ﻋﻠﻲ: ﻣﺎ ﺗﻜﻠﻤﺶ ﺍﺧﻮﻙ ﻛﺪﺍ ﻳﺎ ﻛﺮﻡ
ﺃﻣﺠﺪ ﻣﺒﺘﺴﻤﺎً: ﺳﻴﺒﻪ ﻳﺎ ﺑﺎﺑﺎ … ﺃﻧﺎ ﻓﻌﻼً ﺟﻴﺒﺘﻪ ﻟﺤﺒﻴﺒﺘﻲ
ﻧﺎﺩﻳﺔ ﻣﺘﻌﺠﺒﺔ: ﻫﻮ ﺃﻧﺖ ﺑﺘﺤﺐ؟
ﺍﻗﺘﺮﺏ ﺃﻣﺠﺪ ﻣﻦ ﺭﻧﺎ ﻭﺃﻫﺪﺍﻫﺎ ﺍﻟﺪﻣﻴﺔ ﻗﺎﺋﻼً: ﺑﺤﺐ ﻣﺎﻣﺎ
ﺃﻛﺘﺮ ﻭﺍﺣﺪﺓ ﻓﻲ ﺍﻟﺪﻧﻴﺎ
ﺗﻨﺎﻭﻟﺘﻬﺎ ﻣﻨﻪ ﺭﺍﻛﻌﺔ ﺑﺠﻮﺍﺭﻩ ﻭﺿﻤﺘﻪ ﺑﻘﻮﺓ: ﻭﺃﻧﺎ ﺑﺄﺣﺒﻚ ﺃﻛﺘﺮ
ﻭﺍﺣﺪ ﻓﻲ ﺍﻟﺪﻧﻴﺎ … ﺭﺑﻨﺎ ﻳﺨﻠﻴﻚ ﻟﻴﺎ
ﺇﻟﺘﻔﺘﺖ ﻧﺎﺩﻳﺔ ﺇﻟﻰ ﻛﺮﻡ ﻗﺎﺋﻠﺔ ﺑﺈﺑﺘﺴﺎﻣﺔ ﻣﺰﻳﻔﺔ: ﻭﺃﻧﺖ ﻳﺎ
ﻛﺮﻡ ﻣﺶ ﻫﺘﺪﻳﻨﻲ ﺍﻟﻠﻌﺒﺔ ﺑﺘﺎﻋﺘﻚ؟
ﻛﺮﻡ: ﻭﺃﺩﻳﻬﺎﻟﻚ ﻟﻴﻪ؟
ﻧﺎﺩﻳﺔ: ﺃﻧﺖ ﻣﺶ ﻗﻮﻟﺖ ﺃﻧﻚ ﻋﺎﻳﺰﻫﺎ ﻋﺸﺎﻥ ﺷﺒﻬﻲ؟
ﺿﻢ ﺍﻟﻠﻌﺒﺔ ﺇﻟﻴﻪ ﺑﻘﻮﺓ: ﺩﻱ ﻣﺎﻣﺎ ﺍﻟﻠﻲ ﺟﺎﺑﺘﻬﺎﻟﻲ ﻓﻤﺶ
ﻫﺎﺩﻳﻬﺎ ﻟﺤﺪ ﻟﻮ ﻋﺎﻳﺰﺓ ﻭﺍﺣﺪﺓ ﺧﻠﻲ ﺑﺎﺑﺎ ﻳﻠﻌﺐ ﻭﻳﻜﺴﺐ
ﻭﻳﺠﻴﺒﻬﺎﻟﻚ
ﺗﺼﺎﻋﺪ ﺍﻟﻐﻴﻆ ﺑﺪﺍﺧﻠﻬﺎ ﺑﻴﻨﻤﺎ ﻗﺎﻝ ﻋﻠﻲ ﻧﺎﻇﺮﺍً ﻓﻲ ﺳﺎﻋﺘﻪ:
ﻣﺶ ﻳﻼ ﺑﻘﻰ؟ ﺍﻟﻮﻗﺖ ﺍﺗﺄﺧﺮ
ﻭﺍﻓﻖ ﺍﻟﺠﻤﻴﻊ ﻓﻘﺪ ﺍﻧﻬﻜﻬﻢ ﺍﻟﺘﻌﺐ ﻭﻛﺜﺮﺓ ﺍﻟﻠﻌﺐ.
ﻓﺠﺮﺍً …
ﻫﻤﺖ ﺭﻧﺎ ﺑﺎﻟﺨﺮﻭﺝ ﻣﻦ ﺍﻟﺤﻤﺎﻡ ﻋﻨﺪﻣﺎ ﺍﺻﻄﺪﻣﺖ ﺑﺠﺴﺪ
ﻋﻠﻲ ، ﻛﺎﻧﺖ ﻋﻠﻰ ﻭﺷﻚ ﺍﻟﻮﻗﻮﻉ ﻋﻘﺐ ﺍﻹﺻﻄﺪﺍﻡ ﻭﻟﻜﻨﻪ
ﺃﺣﺎﻃﻬﺎ ﺑﺬﺭﺍﻋﻴﻪ ﺟﻴﺪﺍً ﺣﺘﻰ ﺍﺳﺘﻌﺎﺩﺕ ﺗﻮﺍﺯﻧﻬﺎ ، ﺣﺎﻭﻟﺖ
ﺇﺯﺍﺣﺘﻪ ﻋﻨﻬﺎ ﻭﻟﻜﻨﻪ ﻟﻢ ﻳﺴﺘﺠﺐ ﻭﺳﺄﻟﻬﺎ ﻣﺒﺘﺴﻤﺎً : ﻫﻮ ﺩﺍ
ﺑﻘﻰ ﺍﻟﻮﻗﺖ ﺑﺘﺎﻋﻚ ﻛﻞ ﻳﻮﻡ ؟ … ﺍﻟﻠﻲ ﺑﺘﺼﺤﻲ ﻓﻴﻪ؟
ﺃﺟﺎﺑﺘﻪ ﻭﻫﻲ ﻻ ﺗﺘﻮﻗﻒ ﻋﻦ ﻣﺤﺎﻭﻟﺔ ﺇﺑﻌﺎﺩﻩ ﻋﻨﻬﺎ: ﺃﻩ …
ﻋﺸﺎﻥ ﺑﺄﺻﻠﻲ ﻗﻴﺎﻡ ﻗﺒﻞ ﺃﺩﺍﻥ ﺍﻟﻔﺠﺮ
ﻋﻠﻲ ﻣﺘﻌﺠﺒﺎً: ﻭﺩﺍ ﻣﻦ ﺇﻣﺘﻰ ؟
ﺭﻧﺎ : ﻛﻨﺖ ﺑﺄﺻﻠﻴﻪ ﻣﻦ ﺯﻣﺎﻥ ﺑﺲ ﻋﻠﻰ ﻓﺘﺮﺍﺕ … ﻟﻜﻦ
ﺍﻟﺤﻤﺪﻟﻠﻪ ﺑﺪﺃﺕ ﺃﻧﺘﻈﻢ ﻓﻴﻪ ﺃﻫﻮ
ﻗﺎﻝ ﻣﺒﺘﺴﻤﺎً: ﺗﻘﺒﻞ ﺍﻟﻠﻪ
ﺛﻢ ﺃﺿﺎﻑ ﺑﺨﺒﺚ: ﻃﺐ ﻣﺎ ﺗﻴﺠﻲ ﺗﻄﻴﻌﻲ ﺭﺑﻨﺎ ﻭﻧﻌﻤﻞ ﺣﺎﺟﻪ
ﺗﺎﻧﻴﺔ ﺳﻮﺍ
ﻧﻈﺮﺕ ﻟﻪ ﻣﺼﺪﻭﻣﺔ ﻓﺄﻛﻤﻞ: ﺑﻘﺎﻟﻲ ﻛﺘﻴﺮ ﻣﺎ ﻗﺮﺑﺘﺶ ﻣﻨﻚ ،
ﻭﺣﺸﺘﻴﻨﻲ ﺃﻭﻱ
ﺳﺄﻟﺘﻪ : ﻃﺐ ﻭﻣﺮﺍﺗﻚ ﺍﻟﺘﺎﻧﻴﺔ ؟
– ﻣﺎﻟﻬﺎ ؟
-ﻣﺶ ﻫﺘﻀﺎﻳﻖ؟ … ﺩﺍ ﺃﻧﺘﻮﺍ ﻟﺴﻪ ﻣﺘﺠﻮﺯﻳﻦ ﺟﺪﻳﺪ
-ﺳﻴﺒﻚ ﻣﻨﻬﺎ … ﺍﻟﻤﻬﻢ ﺇﻧﻚ ﻭﺣﺸﺘﻴﻨﻲ ﺃﻭﻱ
ﺃﺗﻰ ﺻﻮﺕ ﻧﺴﺎﺋﻲ ﻣﻦ ﺧﻠﻔﻪ ﻳﺴﺄﻟﻪ: ﺑﺘﻌﻤﻞ ﺇﻳﻪ ﻋﻨﺪﻙ ﻳﺎ
ﻋﻠﻲ ؟
ﻗﺎﻝ ﺩﻭﻥ ﺃﻥ ﻳﺴﺘﺪﻳﺮ ﺇﻟﻴﻬﺎ: ﺑﺄﻛﻠﻢ ﻣﺮﺍﺗﻲ ﻳﺎ ﻧﺎﺩﻳﺔ
ﻧﺎﺩﻳﺔ: ﻃﺐ ﺗﻌﺎﻟﻰ ﻗﻮﻟﻲ ﺃﻧﺎ ﺍﻟﻠﻲ ﻋﺎﻳﺰ ﺗﻘﻮﻟﻬﻮﻟﻬﺎ … ﻣﺶ
ﺃﻧﺎ ﻣﺮﺍﺗﻚ ﺑﺮﺩﻭ ﻭﻻ ﺇﻳﻪ ﻳﺎ ﺃﺳﺘﺎﺫ ﻋﻠﻲ ؟
ﺗﺮﻛﺘﻬﻢ ﺭﻧﺎ ﻣﺴﺮﻋﺔ ﺇﻟﻰ ﻏﺮﻓﺘﻬﺎ ﻭﺟﻠﺴﺖ ﺗﺒﻜﻲ ﻭﺗﻨﺪﺏ
ﺣﻈﻬﺎ ﻭﻣﺎ ﻳﺤﺪﺙ ﻟﻬﺎ ﻭﻓﺠﺄﺓ ﺗﺬﻛﺮﺕ ﻭﻋﺪﻫﺎ ﻟﻬﺪﻯ ﺑﺄﻥ
ﺗﺴﺘﻌﻴﻦ ﺑﺎﻟﺼﺒﺮ ﻭﺍﻟﺼﻼﺓ ﻛﻠﻤﺎ ﺷﻌﺮﺕ ﺑﻀﻴﻖ ﺍﻟﺤﺎﻝ ﻓﻨﻬﻀﺖ
ﻭﺑﺪﺃﺕ ﺑﺼﻼﺓ ﺭﻛﻌﺘﻴﻦ ﺗﻔﺮﻳﺞ ﻫﻢ ﻭﻟﺤﻘﺘﻬﺎ ﺑﻘﻴﺎﻡ ﺍﻟﻠﻴﻞ.
ﺍﺳﺘﻴﻘﻈﺖ ﻓﺠﺮﺍً ﺗﺸﻌﺮ ﺑﺎﻟﻌﻄﺶ ﻓﺨﺮﺟﺖ ﺇﻟﻰ ﺍﻟﻤﻄﺒﺦ
ﻟﺘﺮﻭﻱ ﻋﻄﺸﻬﺎ ، ﺷﻌﺮﺕ ﺑﺸﺨﺺ ﻳﺤﺪﻕ ﺑﻬﺎ ﺃﺛﻨﺎﺀ ﺗﻨﺎﻭﻟﻬﺎ
ﻟﻜﻮﺏ ﺍﻟﻤﺎﺀ ، ﺇﻟﺘﻔﺘﺖ ﻟﺘﺠﺪ ﻋﻠﻲ ﻳﻘﻒ ﻋﻠﻰ ﺑﺎﺏ ﺍﻟﻤﻄﺒﺦ.
ﺳﺄﻟﻬﺎ : ﺇﻳﻪ ﺍﻟﻠﻲ ﻣﺼﺤﻴﻜﻲ ﺩﻟﻮﻗﺘﻲ ؟
ﺭﻓﻌﺖ ﻛﻮﺏ ﺍﻟﻤﺎﺀ ﺃﻣﺎﻡ ﻭﺟﻬﻬﺎ : ﻋﻄﺸﺖ
ﺍﻗﺘﺮﺏ ﻣﻨﻬﺎ ﻭﺍﺿﻌﺎً ﻳﺪﻩ ﺣﻮﻝ ﺧﺼﺮﻫﺎ: ﺃﻧﺎ ﻛﻤﺎﻥ ﻋﻄﺸﺎﻥ ،
ﺑﺲ … ﻋﻄﺸﺎﻧﻚ ﺇﻧﺘﻲ
ﺩﻓﻌﺖ ﺇﻟﻴﻪ ﺑﻜﺄﺱ ﺍﻟﻤﺎﺀ : ﺇﺗﻔﻀﻞ … ﺻﺤﺔ ﻭﻫﻨﺎ
– ﺭﻓﻀﺘﻲ ﺗﺎﻛﻠﻲ ﺃﻭ ﺗﺄﻛﻠﻲ ﺍﻟﻮﻻﺩ ﻣﻦ ﺍﻷﻛﻞ ﺍﻟﻠﻲ ﻋﻤﻠﺘﻪ
ﻧﺎﺩﻳﺔ ﻋﺎﻟﻌﺸﺎ ﻟﻴﻪ؟
ﺗﻮﻗﻔﺖ ﻋﻠﻰ ﺑﺎﺏ ﺍﻟﻤﻄﺒﺦ ﻭﺍﺳﺘﺪﺍﺭﺕ : ﺃﻧﺖ ﺣﺮ ﻛُﻞ ﺃﻧﺖ ﻣﻦ
ﺃﻛﻠﻬﺎ ﻟﻜﻦ ﺃﻧﺎ ﺑﺄﻛﻞ ﻭﻻﺩﻱ ﻋﺸﺎﻥ ﻫﻤﺎ ﻭﻻﺩﻱ … ﺇﻧﻤﺎ ﻫﻲ
ﻫﺘﺄﻛﻠﻬﻢ ﻟﻴﻪ ؟
– ﻳﻤﻜﻦ ﻋﺸﺎﻥ ﺗﻘﺮﺏ ﻣﻨﻲ
– ﻭﻳﻤﻜﻦ ﻋﺸﺎﻥ ﺗﺬﻟﻬﻢ ﺑﻠﻘﻤﺘﻬﻢ ﺍﻟﻠﻲ ﻫﻲ ﻋﻤﻠﺘﻬﺎ ﻟﻬﻢ
-ﺧﺎﻳﻔﺔ ﻳﺤﺒﻮﻫﺎ ﺃﻛﺘﺮ ﻣﻨﻚ ﻭﺗﺎﺧﺪ ﻣﻜﺎﻧﻚ ؟
ﻧﻈﺮﺕ ﻟﻪ ﻫﺎﺯﺋﻪ: ﻳﻤﻜﻦ ﺗﻘﺪﺭ ﺗﻌﻤﻞ ﺩﺍ ﻣﻌﺎﻙ ﺃﻧﺖ … ﻟﻜﻦ
ﻣﻊ ﻭﻻﺩﻱ ﻻ
– ﺩﺍ ﻏﺮﻭﺭ؟
– ﻟﻮ ﻗﻮﻟﺖ ﻣﺎ ﺗﻘﺪﺭﺵ ﺗﻌﻤﻞ ﻣﻌﺎﻙ ﻛﺪﺍ ﺳﺎﻋﺘﻬﺎ ﻛﺎﻥ ﻣﻤﻜﻦ
ﺍﺳﻤﻴﻬﺎ ﻏﺮﻭﺭ ﻟﻜﻦ ﻓﻲ ﺣﺎﻟﺔ ﻭﻻﺩﻱ ﺗﻘﺪﺭ ﺗﻘﻮﻝ … ﻏﺮﻳﺰﺓ
ﺍﻷﻣﻮﻣﺔ
ﺃﺿﺎﻓﺖ: ﺃﺻﻞ ﺩﻭﻝ ﺗﺮﺑﻴﺘﻲ … ﻭﺗﺮﺑﻴﺘﻲ ﻣﺎ ﺗﻌﺮﻓﺶ ﻳﻌﻨﻲ
ﺇﻳﻪ ﺿﻌﻒ ﺗﻌﺮﻑ ﺑﺲ ﺍﻟﻘﻮﺓ … ﻗﻮﺓ ﺍﻟﺸﺨﺼﻴﺔ ﻭﻗﻮﺓ
ﺍﻟﻨﻈﺮ ﻋﺸﺎﻥ ﻳﻌﺮﻓﻮﺍ ﺍﻟﻠﻲ ﻗﺪﺍﻣﻬﻢ ﺑﻴﺤﺒﻬﻢ ﺑﺠﺪ ﻭﻻ ﺑﻴﻌﻤﻞ
ﻛﺪﺍ ﻟﺴﺒﺐ ﻓﻲ ﺩﻣﺎﻏﻪ
ﺿﻴﻖ ﺣﺪﻗﺘﻴﻪ: ﻗﺼﺪﻙ ﺇﻧﻪ ﻋﻨﺪﻫﺎ ﻫﺪﻑ ﻣﻦ ﺟﻮﺍﺯﻫﺎ ﻣﻨﻲ؟
ﻫﺰﺕ ﻛﺘﻔﻴﻬﺎ: ﺻﺎﺣﺐ ﺍﻟﻌﻘﻞ ﻳﻔﻬﻢ
ﺗﺮﻛﺘﻪ ﻳﺘﺨﺒﻂ ﻓﻲ ﺃﻓﻜﺎﺭﻩ ﻭﺃﺩﺕ ﺻﻼﺓ ﺍﻟﻘﻴﺎﻡ ﺑﺄﻧﺘﻈﺎﺭ ﺃﺫﺍﻥ
ﺍﻟﻔﺠﺮ.
ﺍﺭﺗﻔﻊ ﺃﺫﺍﻥ ﺍﻟﻔﺠﺮ ﻣﻌﻠﻨﺎً ﺑﺪﺀ ﻳﻮﻡ ﺟﺪﻳﺪ ، ﻧﻬﻀﺖ ﻟﺘﺼﻠﻲ
ﺑﻌﺪ ﺃﻥ ﺗﺄﻛﺪﺕ ﻣﻦ ﺍﺳﺘﻴﻘﺎﻅ ﺻﺪﻳﻘﺎﺗﻬﺎ ، ﺟﻠﺴﺖ ﺗﺘﻠﻮ
ﺍﻷﺫﻛﺎﺭ ﻋﻨﺪﻣﺎ ﺩﺧﻠﺖ ﻭﺍﻟﺪﺗﻬﺎ ﻗﺎﺋﻠﺔ: ﺩﻭﺩﻭ ﺣﺒﻴﺒﺘﻲ … ﺃﻧﺎ
ﻗﻮﻟﺖ ﺃﻛﻴﺪ ﺻﺎﺣﻴﻪ ﻣﺎ ﻧﻤﺘﻴﺶ
– ﺻﺒﺎﺡ ﺍﻟﺨﻴﺮ ﻳﺎ ﻣﺎﻣﺎ
– ﺻﺒﺎﺡ ﺍﻟﻨﻮﺭ ﻳﺎ ﺣﺒﻴﺒﺘﻲ … ﺇﻧﺘﻲ ﻧﺎﺯﻟﻪ ﺇﻧﻬﺎﺭﺩﻩ ؟
– ﺃﻩ ﻫﺄﺳﻠﻢ ﻛﺘﺎﺏ ﺟﺪﻳﺪ ﺧﻠﺼﺖ ﺗﺮﺟﻤﺘﻪ
– ﺭﺑﻨﺎ ﻣﻌﺎﻛﻲ ﻭﻳﻮﻗﻔﻠﻚ ﻭﻻﺩ ﺍﻟﺤﻼﻝ
-ﺧﻴﺮ ﻳﺎ ﻣﺎﻣﺎ ﻋﺎﻳﺰﺓ ﺇﻳﻪ؟
– ﻫﺄﻛﻮﻥ ﻋﺎﻳﺰﺓ ﺇﻳﻪ ﻳﻌﻨﻲ ﻳﺎ ﻋﻤﺮﻱ؟
– ﺃﺻﻞ ﺣﺒﻴﺒﺘﻲ ﻭﻋﻤﺮﻱ ﻭﺩﻋﻮﺍﺕ ﻛﺪﺍ ﻋﺎﻟﺼﺒﺢ ﻣﻦ ﻏﻴﺮ ﻻ
ﺇﺣﻢ ﻭﻻ ﺩﺳﺘﻮﺭ ﻳﺒﻘﻰ ﺃﻛﻴﺪ ﻓﻴﻪ ﺣﺎﺟﻪ
– ﻫﻮ ﺃﻧﺎ ﻣﻜﺸﻮﻓﺔ ﺃﻭﻱ ﻛﺪﺍ ؟
-ﻳﺎ ﺣﺒﻴﺒﺘﻲ ﺩﻱ ﻣﺶ ﻋﺸﺮﺓ ﻳﻮﻡ ﺩﻱ ﺳﻨﻴﻦ
– ﻃﻴﺐ ﺑﺼﻲ ﺑﻘﻰ ﻣﻦ ﻏﻴﺮ ﻣﺎ ﺗﺘﻌﺼﺒﻲ ﻭﻻ ﺗﺘﻀﺎﻳﻘﻲ ….
ﻗﺎﻃﻌﺘﻬﺎ ﻫﺪﻯ ﺑﻬﺪﻭﺀ: ﻳﺒﻘﻰ ﻓﻴﻪ ﻋﺮﻳﺲ
ﻫﻠﻠﺖ ﺍﻷﻡ ﺑﻔﺮﺡ: ﻳﻌﻨﻲ ﻣﻮﺍﻓﻘﺔ ؟
ﺃﺟﺎﺑﺘﻬﺎ ﺑﺤﺰﻡ: ﻻ !
ﺗﺮﺟﺘﻬﺎ ﺍﻷﻡ : ﻃﺐ ﺷﻮﻓﻴﻪ ﺑﺲ
– ﻣﺎﻣﺎ ﻟﻮ ﺳﻤﺤﺘﻲ ﻣﺶ ﻗﺎﺩﺭﺓ … ﺃﻧﺎ ﺑﺄﺣﺲ ﻧﻔﺴﻲ
ﺭﺧﻴﺼﺔ ﻟﻤﺎ ﻛﻞ ﻭﺍﺣﺪ ﻳﺠﻲ ﻳﺘﻔﺮﺝ ﻋﻠﻴﺎ ﻭﻳﻘﻠﺐ ﻓﻲ ﺍﻟﺒﻀﺎﻋﺔ
ﻭﻣﺎ ﺗﻌﺠﺒﻮﺵ ﻭﻳﻤﺸﻲ
ﺻﺎﺣﺖ ﺍﻷﻡ ﻣﺴﺘﻬﺠﻨﺔ: ﺭﺧﻴﺼﺔ؟ … ﺩﺍ ﺇﻧﺘﻲ ﻏﺎﻟﻴﺔ ﻭﺑﻨﺖ
ﺍﻟﻐﺎﻟﻲ ﻭﻣﻘﺎﻣﻚ ﻣﺤﻔﻮﻅ
– ﻳﺒﻘﻰ ﺗﺴﺒﻴﻨﻲ ﻟﺤﺪ ﻣﺎ ﻳﺠﻴﻠﻲ ﻧﺼﻴﺒﻲ
ﺯﻓﺮﺕ ﺍﻷﻡ ﻣﺴﺘﺴﻠﻤﺔ: ﺧﻼﺹ ﻳﺎ ﺑﻨﺘﻲ ﺍﻟﻠﻲ ﻳﺮﻳﺤﻚ
ﺗﺮﻛﺘﻬﺎ ﺍﻷﻡ ، ﻧﻈﺮﺕ ﺇﻟﻰ ﺍﻟﺴﻤﺎﺀ ﻣﻦ ﻧﺎﻓﺬﺓ ﻏﺮﻓﺘﻬﺎ ﻗﺎﺋﻠﺔ :
ﻳـــﺎ ﺭﺏ !