اصدقائي قنبله ذريه ٣

….

ﺩﻗﺖ ﺍﻟﺴﺎﻋﺔ ﺍﻟﺜﺎﻧﻴﺔ ﺑﻌﺪ ﺍﻟﻈﻬﺮ ﻣﻌﻠﻨﺔ ﻣﻮﻋﺪ ﺑﺪﺀ ﺍﻹﺟﺘﻤﺎﻉ
ﺗﺒﻌﻬﺎ ﻓﺘﺢ ﺍﻟﺒﺎﺏ ﻣﻦ ﻗﺒﻞ ﺃﺣﺪ ﺍﻟﻌﺎﻣﻠﻴﻦ ﺑﺎﻟﻤﻨﺘﺠﻊ ﻳﺘﺒﻌﻪ
ﺩﺧﻮﻝ ﺇﻣﺮﺃﺓ ﺭﺷﻴﻘﺔ ﺗﺮﺗﺪﻱ ﻣﻼﺑﺲ ﺗﺘﺼﻒ ﺑﺎﻹﺣﺘﺸﺎﻡ
ﻭﺍﻟﻌﻤﻠﻴﺔ ﺗﺪﻝ ﻋﻠﻰ ﺃﻥ ﺻﺎﺣﺒﺘﻬﺎ ﺳﻴﺪﺓ ﺃﻋﻤﺎﻝ ، ﺗﻠﺤﻖ ﺑﻬﺎ
ﻣﺴﺎﻋﺪﺗﻪ ﻭﺍﻟﺴﻜﺮﺗﻴﺮﺓ ﺍﻟﺨﺎﺻﺔ ﺑﻬﺎ ﻭﺍﻟﺘﻲ ﻻﺗﺨﺘﻠﻒ ﻓﻲ
ﻣﻼﺑﺴﻬﺎ ﻛﺜﻴﺮﺍً ﻋﻦ ﺭﺋﻴﺴﺘﻬﺎ.
ﺟﻠﺴﺘﺎ ﻋﻠﻰ ﺍﻟﻤﻘﺎﻋﺪ ﺍﻟﻤﺨﺼﺼﺔ ﻟﻬﻢ ﺣﻮﻝ ﻃﺎﻭﻟﺔ
ﺍﻹﺟﺘﻤﺎﻋﺎﺕ ﻭﻧﺰﻋﺖ ﺍﻟﺮﺋﻴﺴﺔ ﻧﻈﺎﺭﺗﻬﺎ ﺍﻟﺸﻤﺴﻴﺔ ﻭﻗﺎﻟﺖ
ﻣﺒﺘﺴﻤﺔ: ﺍﻟﺴﻼﻡ ﻋﻠﻴﻜﻢ
ﻫﺘﻔﺖ ﺑﻮﺳﻲ ﺑﺤﻨﻖ : ﺇﻧﺘﻲ!
ﺑﺎﺳﻞ ﺑﺪﻫﺸﺔ : ﺩﻳﻤﺎ ؟!
ﺗﺴﺎﺋﻞ ﺷﺎﺩﻱ: ﺃﻧﺘﻮﺍ ﺗﻌﺮﻓﻮﻫﺎ ؟
ﺭﺍﻣﻲ : ﺃﻩ ﺩﻱ ﺩﻳﻤﺎ ﺍﻟﻔﺎﺭﻭﻕ ﻣـ …
ﻗﺎﻃﻌﻪ ﺑﺎﺳﻞ: ﺇﻧﺘﻲ ﻋﺮﻓﺘﻲ ﻣﻨﻴﻦ ﺇﻧﻲ ﻋﺎﻳﺰ ﺷﺮﻳﻚ؟
ﺃﺟﺎﺑﺘﻪ ﺩﻳﻤﺎ ﻣﺒﺘﺴﻤﺔ ﺑﺜﻘﺔ: ﻓﻲ ﺩﻧﻴﺎ ﺍﻷﻋﻤﺎﻝ ﻣﺎﻓﻴﺶ ﺣﺎﺟﻪ
ﺑﺘﺴﺘﺨﺒﻰ ﻳﺎ ﺃﺳﺘﺎﺫ ﺑﺎﺳﻞ
ﺃﺿﺎﻓﺖ : ﻣﻤﻜﻦ ﻧﺒﺪﺃ ﺍﻹﺟﺘﻤﺎﻉ ﻟﻮ ﻣﺎ ﻋﻨﺪﻛﻮﺵ ﻣﺎﻧﻊ ؟
ﺭﺍﻣﻲ ﻣﺎﻧﻌﺎً ﺃﺣﺪ ﻣﻦ ﺍﻹﻋﺘﺮﺍﺽ: ﺍﻟﺸﻐﻞ ﺷﻐﻞ ﻳﺎ ﺑﺎﺳﻞ
ﻭﻻ ﺇﻳﻪ؟
ﺃﻭﻣﺄ ﺑﺎﺳﻞ ﻣﻮﺍﻓﻘﺎً ﻭﻋﺎﺩ ﺑﻨﻈﺮﻩ ﺇﻟﻰ ﺩﻳﻤﺎ ﺍﻟﺘﻲ ﺗﺠﻠﺲ
ﺃﻣﺎﻣﻪ ﺑﺜﻘﺔ ﺷﺪﻳﺪﺓ.
ﺃﺷﺎﺭﺕ ﺩﻳﻤﺎ ﻟﻤﺮﻳﻢ ﺑﺈﺧﺮﺍﺝ ﺍﻷﻭﺭﺍﻕ ﺍﻟﺘﻲ ﺗﺤﺘﺎﺟﻬﺎ ﻭﺑﺪﺀ
ﺍﻹﺟﺘﻤﺎﻉ ﻓﻲ ﺗﺒﺎﺣﺚ ﺑﺸﺄﻥ ﻣﻤﻴﺰﺍﺕ ﺍﻟﻤﻨﺘﺠﻊ ﻭﻓﻀﻞ ﺩﺧﻮﻟﻬﺎ
ﺷﺮﻳﻜﺔ ﻓﻲ ﻫﺬﺍ ﺍﻟﻤﺸﺮﻭﻉ.
ﺩﻳﻤﺎ ﻭﻫﻲ ﺗﺘﺼﻔﺢ ﺍﻷﻭﺭﺍﻕ ﺃﻣﺎﻣﻬﺎ: ﻗﺒﻞ ﻣﺎ ﺃﻓﻜﺮ ﺃﺷﺎﺭﻙ
ﻓﻲ ﺍﻟﻤﺸﺮﻭﻉ ﺩﺍ ﺃﻭ ﺃﻛﻠﻤﻜﻮﺍ ﻋﺸﺎﻥ ﻧﺠﺘﻤﻊ ﻭﻧﺘﻨﺎﻗﺶ ﻓﻴﻪ
ﺃﻧﺎ ﺩﺭﺳﺘﻪ ﻣﻦ ﻛﻞ ﺍﻟﺠﻮﺍﻧﺐ ﻭﻋﺮﻓﺖ ﻛﻞ ﺣﺎﺟﻪ ﻓﻴﻪ …
ﻳﻌﻨﻲ ﻛﻼﻣﻜﻮﺍ ﻣﺎ ﺃﺿﺎﻓﻠﻴﺶ ﺟﺪﻳﺪ
ﺑﺎﺳﻞ : ﺃﻭﻣﺎﻝ ﻋﺎﻳﺰﺓ ﻧﺘﻜﻠﻢ ﻑ ﺇﻳﻪ؟
ﺩﻳﻤﺎ ﺑﻘﻮﺓ: ﻓﻲ ﺍﻟﺘﻌﺪﻳﻼﺕ ﺍﻟﻠﻲ ﻫﺘﺤﺼﻞ ﻓﻴﻪ
ﺑﻮﺳﻲ ﺑﻐﻀﺐ : ﺗﻌﺪﻳﻼﺕ؟ … ﺗﻌﺪﻳﻼﺕ ﺇﻳﻪ ﺩﻱ ﻛﻤﺎﻥ؟!
ﺩﻳﻤﺎ: ﻓﻴﻪ ﺣﺎﺟﺎﺕ ﻛﺘﻴﺮ ﻣﺎ ﻋﺠﺒﺘﻨﻴﺶ ﻓﻲ ﺍﻟﻤﺸﺮﻭﻉ …
ﻭﻋﺸﺎﻥ ﻛﺪﺍ ﺃﻧﺎ ﻗﺮﺭﺕ ﻧﺘﻘﺎﺑﻞ ﻭﻧﺘﻨﺎﻗﺶ ﻓﻴﻬﺎ ﻋﺸﺎﻥ ﺗﺘﻌﺪﻝ
ﺑﺎﺳﻞ ﺑﺜﻘﺔ: ﺍﻟﻤﺸﺮﻭﻉ ﺩﺍ ﺑﻘﺎﻟﻪ ﺳﻨﻴﻦ ﻣﺪﺭﻭﺱ ﻛﻞ ﻛﺒﻴﺮﺓ
ﻭﺻﻐﻴﺮﺓ ﻓﻴﻪ ﻭﻣﺎ ﺍﻋﺘﻘﺪﺵ ﺇﻧﻪ ﻣﺤﺘﺎﺝ ﺗﻌﺪﻳﻼﺕ ﺃﻭ ﻓﻴﻪ ﺃﻱ
ﻏﻠﻄﺔ
ﺩﻳﻤﺎ ﺑﺴﺨﺮﻳﺔ: ﺃﻣﺎ ﻫﻮ ﻣﺪﺭﻭﺱ ﻛﻮﻳﺲ ﺃﻭﻱ ﻛﺪﺍ ﺍﺣﺘﺠﺖ
ﺷﺮﻳﻚ ﻟﻴﻪ ﻑ ﻭﻗﺖ ﺻﻐﻴﺮ ﻣﻦ ﺑﺪﺍﻳﺘﻪ ؟
ﺑﺎﺳﻞ ﻣﺘﻨﺤﻨﺤﺎً : ﺩﻱ ﻏﻠﻄﺔ ﻣﻨﻲ ﺃﻧﺎ ﻣﺶ ﻣﻦ ﺍﻟﻤﺸﺮﻭﻉ
ﺩﻳﻤﺎ ﺑﺘﻌﻘﻞ : ﻃﺐ ﻣﺎ ﺃﻧﺖ ﺍﻟﻠﻲ ﻋﺎﻣﻞ ﺍﻟﻤﺸﺮﻭﻉ … ﻭﺃﻧﺖ
ﺑﺸﺮ ﺯﻳﻚ ﺯﻳﻨﺎ ﻭﺑﺘﻐﻠﻂ
ﺭﺍﻣﻲ : ﻭﺇﻳﻪ ﺍﻟﺘﻌﺪﻳﻼﺕ ﺍﻟﻠﻲ ﻋﺎﻳﺰﻩ ﺗﻀﻴﻔﻴﻬﺎ ؟
ﺑﻮﺳﻲ: ﺃﻧﺖ ﻣﻦ ﻛﻞ ﻋﻘﻠﻚ ﻋﺎﻳﺰ ﺗﺴﻤﻌﻠﻬﺎ ؟
ﺗﻜﻠﻢ ﺷﺎﺩﻱ ﺃﺧﻴﺮﺍً ﺑﻌﺪ ﺻﻤﺘﻪ ﺍﻟﺬﻱ ﺩﺍﻡ ﺍﻹﺟﺘﻤﺎﻉ ﺑﺄﻛﻤﻠﻪ:
ﺇﺗﻔﻀﻠﻲ ﻳﺎ ﺃﺳﺘﺎﺫﺓ ﺩﻳﻤﺎ ﺍﻋﺮﺿﻲ ﺍﻟﺘﻌﺪﻳﻼﺕ ﻋﻠﻴﻨﺎ
ﺑﺪﺃﺕ ﺩﻳﻤﺎ: ﺃﻭﻻً ﺍﻟﺨﻤﺮﺓ … ﺗﺘﻤﻨﻊ ﻣﻦ ﺍﻟﻤﻨﺘﺠﻊ ﻛﻠﻪ
ﻭﻳﺘﻤﻨﻊ ﻛﻤﺎﻥ ﻋﻤﻞ ﺍﻷﻛﻞ ﺑﻴﻬﺎ
ﻗﺎﻃﻌﺘﻬﺎ ﺑﻮﺳﻲ ﻏﺎﺿﺒﺔ: ﻧﻌﻢ؟ ! … ﺩﺍ ﻣﺎﻓﻴﺶ ﻣﻨﺘﺠﻊ ﻭﻻ
ﻣﻜﺎﻥ ﺳﻴﺎﺣﻲ ﻣﺎﻓﻴﻬﻮﺵ ﺧﻤﺮﺓ
ﺩﻳﻤﺎ ﺑﻬﺪﻭﺀ : ﻣﺶ ﻻﺯﻡ ﻧﺒﻘﻰ ﺯﻱ ﺑﻘﻴﺖ ﺍﻟﻨﺎﺱ ﻭﺧﺼﻮﺻﺎً
ﻟﻮ ﺣﺎﺟﻪ ﺣﺮﺍﻡ
ﺑﻮﺳﻲ: ﻣﺶ ﻋﺎﻳﺰﺓ ﻣﺎ ﺗﺸﺮﺑﻴﺶ ﻣﻨﻬﺎ ﻟﻜﻦ ﻣﺎﻟﻜﻴﺶ ﺩﻋﻮﺓ
ﺑﻐﻴﺮﻙ ﻳﺸﺮﺑﻬﺎ ﻭﻻ ﻷ
ﺩﻳﻤﺎ: ﺃﻩ ﻣﺎﻟﻴﺶ ﺩﻋﻮﺓ ﺑﻴﻪ ﻟﻮ ﻛﺎﻥ ﺟﺎﻳﺒﻬﺎ ﻣﻦ ﺑﺮﻩ ﻣﻌﺎﻩ
ﻟﻜﻦ ﻣﺶ ﺃﻧﺎ ﺍﻟﻠﻲ ﺃﻗﺪﻣﻬﺎﻟﻪ ﺑﺈﻳﺪﻱ ﻓﻴﻪ ﺣﺪﻳﺚ ﻟﺮﺳﻮﻝ
ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ ﺑﻴﻨﻬﻰ ﻋﻦ ﻛﺪﺍ
ﻣﺮﻳﻢ: ﻗﺎﻝ ﺭﺳﻮﻝ ﺍﻟﻠﻪ ﺻﻞّ ﺍﻟﻠﻪ ﻋﻠﻴﻪ ﻭﺳﻠﻢ – “: ﺃﺗﺎﻧﻲ
ﺟﺒﺮﻳﻞ ﻓﻘﺎﻝ: ﻳﺎ ﻣﺤﻤﺪ ﺇﻥ ﺍﻟﻠﻪ ﻟﻌﻦ ﺍﻟﺨﻤﺮ ، ﻭﻋﺎﺻﺮﻫﺎ ،
ﻭﻣﻌﺘﺼﺮﻫﺎ ، ﻭﺷﺎﺭﺑﻬﺎ ، ﻭﺣﺎﻣﻠﻬﺎ ، ﻭﺍﻟﻤﺤﻤﻮﻟﺔ ﺇﻟﻴﻪ ،
ﻭﺑﺎﺋﻌﻬﺎ ، ﻭﻣﺒﺘﺎﻋﻬﺎ ، ﻭﺳﺎﻗﻴﻬﺎ ، ﻭﻣﺴﻘﻴﻬﺎ ”
ﺑﻮﺳﻲ ﺳﺎﺧﺮﺓ : ﺃﻩ ﻣﺎ ﺩﺍ ﺍﻟﻠﻲ ﺇﻧﺘﻲ ﻓﺎﻟﺤﻪ ﻓﻴﻪ ﻗﺎﻝ ﺍﻟﻠﻪ
ﻭﻗﺎﻝ ﺍﻟﺮﺳﻮﻝ
ﺷﺎﺩﻱ ﺑﻬﺪﻭﺀ: ﻛﻤﻠﻲ ﻭﻗﻮﻟﻲ ﺭﺃﻳﻚ
ﺛﻢ ﺇﻟﺘﻔﺖ ﺇﻟﻰ ﺑﻮﺳﻲ ﻣﻀﻴﻔﺎً: ﻭﻳﺎﺭﻳﺖ ﻧﺴﻤﻊ ﻟﻸﺧﺮ ﻗﺒﻞ ﻣﺎ
ﻧﺤﻜﻢ
ﺩﻳﻤﺎ: ﺛﺎﻧﻴﺎً ﻛﻞ ﺍﻟﻮﺟﺒﺎﺕ ﺍﻟﻠﻲ ﺑﺘﺘﻌﻤﻞ ﺑﻠﺤﻢ ﺃﻭ ﺩﻫﻦ
ﺍﻟﺨﻨﺰﻳﺮ ﺗﺘﻠﻐﻲ ﻳﻌﻨﻲ ﻣﺎﻓﻴﺶ ﻟﺤﻢ ﺧﻨﺎﺯﻳﺮ ﻳﺪﺧﻞ ﺍﻟﻤﻨﺘﺠﻊ.
ﺛﺎﻟﺜﺎً ﺣﻤﺎﻣﺎﺕ ﺍﻟﺴﺒﺎﺣﺔ …
ﺑﻮﺳﻲ: ﻫﻨﻠﻐﻴﻬﺎ ﻫﻲ ﻛﻤﺎﻥ ؟
ﺷﺎﺩﻱ : ﻣﺪﺍﻡ ﺑﻮﺳﻲ ﻳﺎ ﺭﻳﺖ ﺑﻼﺵ ﻣﻘﺎﻃﻌﺔ ﻳﺎ ﺗﺘﻔﻀﻠﻲ
ﺗﺨﺮﺟﻲ
ﺑﻮﺳﻲ ﻣﺴﺘﻬﺠﻨﺔ : ﺑﺎﺳﻞ ؟!
ﺑﺎﺳﻞ ﺑﻬﺪﻭﺀ ﺩﻭﻥ ﺃﻥ ﻳﻨﻈﺮ ﺇﻟﻴﻬﺎ ﻭﻗﺪ ﺟﺬﺑﻪ ﺣﺪﻳﺚ ﺩﻳﻤﺎ :
ﺷﺎﺩﻱ ﻣﻌﺎﻩ ﺣﻖ ﺍﻗﻌﺪﻱ ﺳﺎﻛﺘﺔ ﺃﻭ ﺍﻃﻠﻌﻲ ﺑﺮﻩ
ﺭﺍﻣﻲ : ﻛﻤﻠﻲ ﻳﺎ ﻣﺪﺍﻡ ﺩﻳﻤﺎ
ﺩﻳﻤﺎ: ﺣﻤﺎﻣﺎﺕ ﺍﻟﺴﺒﺎﺣﺔ ﺗﺒﻘﻰ ﻣﻨﻔﺼﻠﺔ ﻳﻌﻨﻲ ﺣﻤﺎﻣﺎﺕ
ﺍﻟﺴﺒﺎﺣﺔ ﺑﺘﺎﻋﺖ ﺍﻟﺮﺟﺎﻟﻪ ﻟﻮﺣﺪﻫﺎ ﻭﺑﺘﺎﻋﺖ ﺍﻟﺴﺘﺎﺕ ﻟﻮﺣﺪﻩ …
ﻓﻴﻪ ﺳﺘﺎﺕ ﻛﺘﻴﺮ ﺑﺘﺒﻘﻰ ﻋﺎﻳﺰﺓ ﺗﻨﺰﻝ ﻭﻣﺶ ﻋﺎﺭﻓﺔ ﻹﻧﻪ
ﺑﻴﺒﻘﻰ ﻓﻲ ﺭﺟﺎﻟﻪ ﻭﻣﺶ ﺑﺘﻘﺪﺭ ﺗﻨﺰﻝ ﻗﺪﺍﻣﻬﻢ … ﻭﻓﻴﻪ
ﺭﺟﺎﻟﻪ ﺑﺘﺮﻓﺾ ﻧﺰﻭﻝ ﺍﻟﺰﻭﺟﺎﺕ ﻓﻲ ﺍﻟﻤﺎﻳﻪ ﻗﺪﺍﻡ ﺭﺟﺎﻟﻪ
ﺗﺎﻧﻴﺔ.
ﺷﺎﺩﻱ ﺑﻬﺪﻭﺀ: ﻃﺐ ﻭﺑﺎﻟﻨﺴﺒﻪ ﻟﻠﺮﺍﺟﻞ ﻟﻤﺎ ﻳﺤﺐ ﻳﻨﺰﻝ ﻣﻊ
ﻭﺍﺣﺪﺓ ﺗﺒﻌﻪ ﺃﻭ ﺗﺨﺼﻪ
ﺩﻳﻤﺎ: ﺍﻟﻠﻲ ﺃﻧﺎ ﺃﻋﺮﻓﻪ ﺇﻧﻪ ﻫﻨﺎ ﻓﻴﻪ ﺷﺎﻟﻴﻬﺎﺕ ﻓﻴﻬﺎ ﺑﺴﻴﻦ
ﻳﻘﺪﺭ ﻳﺎﺧﺪ ﺷﺎﻟﻴﻪ ﻣﻦ ﺩﻭﻝ ﻭﻳﻨﺰﻟﻮﺍ ﻓﻴﻪ ﺑﺮﺍﺣﺘﻬﻢ ﻭﻣﻤﻜﻦ
ﻧﻄﻮﺭ ﺍﻟﺸﺎﻟﻴﻬﺎﺕ ﺩﻱ ﺑﺈﻧﻨﺎ ﻧﻌﻤﻞ ﻋﻠﻰ ﺣﻤﺎﻡ ﺍﻟﺴﺒﺎﺣﻪ ﺇﺯﺍﺯ
ﻳﺪﺧﻞ ﺍﻟﺸﻤﺲ ﻭﺍﻟﻠﻲ ﺟﻮﺍ ﻳﺸﻮﻑ ﺍﻟﻠﻲ ﺑﺮﻩ ﺑﺲ ﺍﻟﻌﻜﺲ
ﻣﺎ ﻳﺤﺼﻠﺶ … ﻭﺍﻟﺸﺎﻟﻴﻬﺎﺕ ﺍﻟﻠﻲ ﺑﺪﻭﻥ ﺑﺴﻴﻦ ﺧﺎﺹ ﻣﻤﻜﻦ
ﻧﻌﻤﻠﻬﺎ ﺑﺴﻴﻦ ﻭﻳﺎﺧﺪ ﺟﺰﺀ ﻣﻦ ﺍﻟﺠﻨﻴﻨﺔ ﺑﺘﺎﻋﺘﻪ ﻭﻳﺒﻘﻰ ﻓﻴﻪ
ﺟﺰﺀ ﻣﺨﺼﺺ ﻟﻸﻃﻔﺎﻝ ﻣﺎﻳﻜﻮﻧﺶ ﻋﻤﻴﻖ
ﺑﺎﺳﻞ : ﻓﻴﻪ ﺣﺎﺟﻪ ﺗﺎﻧﻲ؟
ﺩﻳﻤﺎ: ﻓﻴﻪ ﺍﻟﺸﺎﻃﺊ ﺑﺘﺎﻉ ﺍﻟﺒﺤﺮ … ﻳﻄﺒﻖ ﻋﻠﻴﻪ ﻧﻔﺲ ﺍﻟﻜﻼﻡ
ﺍﻟﺴﺘﺎﺕ ﻟﻴﻬﺎ ﺷﺎﻃﺊ ﻭﺍﻟﺮﺟﺎﻟﻪ ﻟﻴﻬﺎ ﺷﺎﻃﺊ ﻭﻣﻤﻜﻦ ﻧﺨﺼﺺ
ﺟﺰﺀ ﻭﻧﻌﻤﻠﻪ ﺷﺎﻃﺊ ﺑﺲ ﻣﺶ ﻟﻠﻨﺰﻭﻝ ﻟﻠﻘﺎﻋﺪﺓ ﺑﺲ …
ﻳﻌﻨﻲ ﻭﺍﺣﺪ ﻭﻣﺮﺍﺗﻪ ﻋﺎﻳﺰﻳﻦ ﻳﻘﻌﺪﻭﺍ ﻋﺎﻟﺸﻂ ﺳﻮﺍ ﻭﻛﺪﺍ …
ﻭﻓﻴﻪ ﻛﻤﺎﻥ ﺍﻟﻤﺤﻼﺕ … ﺃﻧﺎ ﻻﺣﻈﺖ ﺃﻧﻪ ﻛﻞ ﺍﻟﻤﺤﻼﺕ ﺍﻟﻠﻲ
ﻫﻨﺎ ﻣﺎﺭﻛﺔ ﻭﻣﺸﻬﻮﺭﺓ ﺗﻤﺎﻡ … ﺑﺲ ﻣﺎﻓﻴﺶ ﻭﻻ ﻣﺤﻞ
ﻣﺤﺠﺒﺎﺕ … ﺃﻧﺎ ﻫﺎﺯﻭﺩ ﻣﺤﻼﺕ ﺍﻟﻤﺤﺠﺒﺎﺕ ﺷﻮﻳﺔ ﻭﻃﺒﻌﺎً
ﻣﺎﻓﻴﺶ ﺩﻳﺴﻜﻮ ﻭﻻ ﻣﻠﻬﻰ ﻟﻴﻠﻲ
ﺷﺎﺩﻱ : ﺗﻤﺎﻡ … ﺃﻧﺎ ﺷﺎﻳﻒ ﻛﻞ ﺍﻟﻜﻼﻡ ﺩﺍ ﻣﺎﻓﻴﻬﻮﺵ
ﻣﺸﻜﻠﺔ
ﺭﺍﻣﻲ : ﻫﻮ ﻛﻼﻡ ﺣﻠﻮ ﺑﺲ ﻛﺪﺍ ﺍﻋﺘﻘﺪ ﺍﻷﺭﺑﺎﺡ ﻫﺘﻘﻞ
ﺩﻳﻤﺎ: ﺃﻧﺎ ﻋﺎﻳﺰﺓ ﺍﻟﻔﻠﻮﺱ ﺍﻟﻠﻲ ﻫﺘﺠﻴﻨﻲ ﻣﻦ ﺍﻟﻤﺸﺮﻭﻉ ﺩﺍ
ﺗﺒﻘﻰ ﺣﻼﻝ %100 ﺣﺘﻰ ﻟﻮ ﻗﻠﻴﻠﺔ … ﺍﻟﻔﻠﻮﺱ ﻗﻴﻤﺘﻬﺎ
ﻓﻲ ﺭﺿﺎ ﺭﺑﻨﺎ ﻋﻨﻬﺎ … ﻟﻮ ﺭﺑﻨﺎ ﺭﺍﺿﻲ ﻋﻨﻬﺎ ﻫﻴﺨﻠﻲ ﻓﻴﻬﺎ
ﺑﺮﻛﺔ
ﻣﺮﻳﻢ ﻣﺘﺪﺧﻠﺔ: ﺑﻌﺪ ﺇﺫﻧﻜﻮﺍ ﻣﻤﻜﻦ ﺃﺿﻴﻒ ﺣﺎﺟﻪ ؟
ﺑﺎﺳﻞ : ﺍﺗﻔﻀﻠﻲ
ﻣﺮﻳﻢ: ﻣﺎ ﺍﻋﺘﻘﺪﺵ ﺍﻷﺭﺑﺎﺡ ﺩﻱ ﻫﺘﻘﻞ ﻭﻟﻮ ﻗﻠﺖ ﻣﺶ
ﻫﺘﺒﻘﻰ ﻟﺪﺭﺟﺔ ﻛﺒﻴﺮﺓ … ﻟﻮ ﻋﻠﻰ ﺍﻷﻓﻮﺍﺝ ﺍﻟﺴﻴﺎﺣﻴﺔ ﻓﺪﻭﻝ
ﺑﻴﺒﻘﻮﺍ ﺃﺟﺎﻧﺐ ﻭﺑﻴﺤﺒﻮﺍ ﺍﻟﺤﺎﺟﺎﺕ ﺍﻟﺠﺪﻳﺪﺓ ﺍﻟﻤﺨﺘﻠﻔﺔ ﻋﻦ ﺍﻟﻠﻲ
ﻣﺘﻌﻮﺩﻳﻦ ﻋﻠﻴﻪ ﺯﻱ ﺑﺎﻟﻈﺒﻂ ﻟﻤﺎ ﺑﻴﺮﻭﺣﻮﺍ ﺍﻟﻤﺴﺎﺟﺪ ﺍﻟﻘﺪﻳﻤﺔ
ﺑﺮﻏﻢ ﺇﻧﻬﻢ ﻣﺶ ﻣﺴﻠﻤﻴﻦ … ﺩﺍ ﻟﻤﺠﺮﺩ ﺍﻟﻔﻀﻮﻝ ﻟﺪﻳﺎﻧﺔ
ﺗﺎﻧﻴﺔ ﻭﺣﺎﺟﻪ ﻣﺶ ﻣﻨﺘﺸﺮﺓ ﻋﻨﺪﻫﻢ … ﻟﻤﺎ ﻧﺒﻘﻰ ﻋﺎﻣﻠﻴﻦ
ﻧﻈﺎﻡ ﻭﺳﻴﺎﺳﺔ ﻣﺨﺘﻠﻔﺔ ﻋﻦ ﺍﻟﻤﻨﺘﺠﻌﺎﺕ ﻭﺍﻷﻣﺎﻛﻦ ﺍﻟﺘﺎﻧﻴﺔ ﺩﻱ
ﻫﺘﺒﻘﻰ ﺩﻋﺎﻳﺔ ﻟﻴﻨﺎ ﺇﻧﻬﻢ ﻳﺠﻮﺍ ﻳﺤﻜﻤﻮﺍ ﺑﻨﻔﺴﻬﻢ ، ﺍﻹﺧﺘﻼﻑ
ﺩﺍ ﺣﺎﺟﻪ ﺣﻠﻮﺓ ﻭﻻ ﻭﺣﺸﺔ … ﻭﺃﻧﺎ ﻣﺎ ﺍﻋﺘﻘﺪﺵ ﺇﻧﻪ ﻣﺶ
ﻫﻴﻌﺠﺐ ﺣﺪ
ﺑﺎﺳﻞ : ﺗﻤﺎﻡ … ﻫﻨﺪﺭﺱ ﺍﻟﻤﻮﺿﻮﻉ … ﺑﺲ ﻟﻮ ﺍﺗﺮﻓﺾ
ﻫﻴﺤﺼﻞ ﺇﻳﻪ؟
ﺃﻏﻠﻘﺖ ﺩﻳﻤﺎ ﺍﻟﻤﻠﻒ ﺍﻟﺬﻱ ﺃﻣﺎﻣﻬﺎ ﻭﺃﺟﺒﺘﻪ ﺑﻼ ﻣﺒﺎﻻﺓ: ﻭﻻ
ﺣﺎﺟﻪ … ﻣﺶ ﻫﺄﻛﻮﻥ ﺷﺮﻳﻜﺔ ﻓﻲ ﺍﻟﻤﻜﺎﻥ ﺩﺍ
ﻧﻬﻀﺖ ﻣﻀﻴﻔﺔ : ﻓﻜﺮﻭﺍ ﺑﺮﺍﺣﺘﻜﻮﺍ ﺑﺲ ﺃﻧﺎ ﺑﻜﺮﻩ ﻫﺄﻣﺸﻲ
ﻭﺃﺗﻤﻨﻰ ﺍﺳﻤﻊ ﺭﺃﻳﻜﻮﺍ ﻗﺒﻠﻬﺎ ﻹﻧﻪ ﻣﺎ ﺍﺿﻤﻨﺶ ﻭﻗﺘﻲ ﻭﺇﺫﺍ
ﻛﻨﺖ ﻫﺄﻗﺪﺭ ﺃﺟﻲ ﻫﻨﺎ ﺗﺎﻧﻲ … ﻋﻦ ﺇﺫﻧﻜﻮﺍ
ﻏﺎﺩﺭﺕ ﻭﻟﺤﻘﺖ ﺑﻬﺎ ﻣﺮﻳﻢ ، ﺍﺑﺘﺴﻢ ﺷﺎﺩﻱ ﺑﺈﻋﺠﺎﺏ ﻗﺎﺋﻼً:
ﻫﻲ ﺩﻱ ﺍﻟﺸﺨﺼﻴﺔ ﺍﻟﻠﻲ ﻛﻨﺖ ﺑﺄﺩﻭﺭ ﻋﻠﻴﻬﺎ ﻣﻦ ﺯﻣﺎﻥ
ﺑﺎﺳﻞ ﺑﺘﻤﻌﻦ: ﻗﺼﺪﻙ ﺇﻳﻪ ؟
ﺷﺎﺩﻱ : ﻗﺼﺪﻱ ﺇﻧﻪ ﻣﺎﻛﻨﺘﺶ ﺑﺎﺭﺗﺒﻂ ﺑﺒﻨﺖ ﻹﻧﻪ ﻣﺎﻻﻗﺘﺶ
ﻓﻴﻬﺎ ﺍﻟﻠﻲ ﻳﺸﺪﻧﻲ ﺑﺲ ﺩﻳﻤﺎ ﻛﻞ ﺣﺎﺟﻪ ﻓﻴﻬﺎ ﺷﺪﺗﻨﻲ
ﻻﺣﻆ ﺭﺍﻣﻲ ﻧﻈﺮﺍﺕ ﺑﺎﺳﻞ ﺍﻟﺘﻲ ﺗﻜﺎﺩ ﺗﺤﺮﻕ ﺷﺎﺩﻱ ﺑﻤﻜﺎﻧﻪ
ﻓﻠﻜﺰﻩ ﻗﺎﺋﻼً : ﻣﺎ ﺧﻼﺹ ﻳﺎ ﻋﻢ ﺷﺎﺩﻱ ﻣﺶ ﻻﻗﻲ ﻏﻴﺮ ﺩﻱ ؟
ﺷﺎﺩﻱ : ﻣﺎ ﻋﺸﺎﻥ ﻣﺶ ﻻﻗﻲ ﻏﻴﺮﻫﺎ ﺩﺧﻠﺖ ﺩﻣﺎﻏﻲ …
ﻭﻫﺘﺒﻘﻰ ﺑﺘﺎﻋﺘﻲ
ﺑﺎﺳﻞ ﺑﻐﻀﺐ: ﻣﺎ ﺗﺤﺎﺳﺐ ﻋﻠﻰ ﻛﻼﻣﻚ ﻳﺎ ﺷﺎﺩﻱ
ﺑﻮﺳﻲ ﺑﻀﻴﻖ: ﻭﻣﺎﻟﻚ ﻭﻣﺎﻟﻬﺎ ﻳﺎ ﺳﻲ ﺑﺎﺳﻞ؟
ﺷﺎﺩﻱ ﻣﺘﻌﺠﺒﺎً : ﻭﻓﻴﻬﺎ ﺇﻳﻪ ؟ ﻫﻲ ﺗﻘﺮﺑﻠﻚ؟
ﺭﺍﻣﻲ : ﺩﻱ ﺩﻳﻤﺎ ﻣﺮﺍﺗﻪ ﺍﻷﻭﻟﻰ ﻳﺎ ﺷﺎﺩﻱ
ﺷﺎﺩﻱ : ﻫﻲ ﺩﻱ؟ … ﺩﺍ ﺃﻧﺎ ﺍﻓﺘﻜﺮﺕ ﻋﻤﻮ ﻣﺮﺍﺩ ﺩﺑﺴﻚ ﻓﻲ
ﻭﺍﺣﺪﺓ ﺣﻮﻟﻪ ﻭﺷﻜﻠﻬﺎ ﻣﺎﻟﻮﺵ ﻣﻼﻣﺢ … ﺩﺍ ﻋﻤﻲ ﺩﺍ ﺫﻭﻗﻪ
ﺭﻭﻋﺔ ، ﺩﻱ ﻣﺰﺓ
ﺃﻣﺴﻚ ﺑﺎﺳﻞ ﺑﺸﺎﺩﻱ ﻣﻦ ﻳﺎﻗﺘﻪ : ﻣﺎ ﺗﺘﻠﻢ ﻳﺎ ﺷﺎﺩﻱ ﺑﺪﻝ ﻣﺎ
ﺃﻟﻤﻚ
ﺷﺎﺩﻱ ﺑﻼ ﻣﺒﺎﻻﺓ : ﻭﻫﻮ ﺃﻧﺎ ﻟﺴﻪ ﻋﻤﻠﺖ ﺣﺎﺟﻪ؟
ﺑﺎﺳﻞ : ﻗﺼﺪﻙ ﺇﻳﻪ؟
ﺷﺎﺩﻱ ﻣﺒﻌﺪﺍً ﺫﺭﺍﻋﻲ ﺑﺎﺳﻞ ﻋﻨﻪ: ﻗﺼﺪﻱ ﺇﻧﻪ ﺃﻧﺖ ﻣﺶ
ﻋﺎﻳﺰﻫﺎ ﻭﺇﻻ ﻣﺎ ﻛﻨﺘﺶ ﺳﻴﺒﺘﻬﺎ ﻭﺇﺗﺠﻮﺯﺕ ﺑﻮﺳﻲ … ﻭﺇﺫﺍ
ﻛﺎﻧﺖ ﻣﺎ ﺗﻠﺰﻣﻜﺶ ﻓﻬﻲ ﺗﻠﺰﻣﻨﻲ
ﺩﻓﻌﻪ ﺑﺎﺳﻞ ﻏﺎﺿﺒﺎً ﻭﻏﺎﺩﺭ ﺍﻟﻘﺎﻋﺔ .
ﻟﺤﻖ ﺑﺎﺳﻞ ﺑﺪﻳﻤﺎ ﻣﻨﺎﺩﻳﺎً ، ﺗﻮﻗﻔﺖ ﺩﻳﻤﺎ : ﻓﻲ ﺣﺎﺟﻪ ؟
ﻧﻈﺮ ﺇﻟﻰ ﻣﺮﻳﻢ: ﻣﻤﻜﻦ ﺃﻛﻠﻤﻚ ﻋﻠﻰ ﺇﻧﻔﺮﺍﺩ ؟
ﺍﺳﺘﺄﺫﻧﺖ ﻣﺮﻳﻢ : ﻃﺐ ﻋﻦ ﺇﺫﻧﻜﻮﺍ ﻫﺄﺧﺪ ﺍﻟﻤﻔﺘﺎﺡ ﻭﺃﻃﻠﻊ
ﺍﺭﺗﺎﺡ ﺷﻮﻳﺔ
ﻋﻨﺪ ﻣﻜﺘﺐ ﺍﻹﺳﺘﻘﺒﺎﻝ
ﻟﺒﻨﻰ ﻣﺘﺴﺎﺋﻠﺔ : ﻣﺶ ﻏﺮﻳﺒﺔ ﻭﺍﺣﺪ ﻭﺳﻜﺮﺗﻴﺮﺗﻪ ﻳﺤﺠﺰﻭﺍ ﺃﻭﺿﺔ
ﻭﺍﺣﺪﺓ؟
ﻫﺰ ﻛﺮﻳﻢ ﻛﺘﻔﻴﻪ: ﻣﺎﻟﻨﺎﺵ ﺩﻋﻮﺓ
ﻟﺒﻨﻰ: ﺍﻟﻠﻪ ﺃﻋﻠﻢ ﺑﻴﻨﻬﻢ ﺇﻳﻪ …
ﻛﺮﻳﻢ ﺑﻐﻀﺐ: ﻣﺶ ﻗﻮﻟﺖ ﻣﺎﻟﻨﺎﺵ ﺩﻋﻮﺓ؟ … ﻛﻞ ﻭﺍﺣﺪ ﺣﺮ
ﻭﻛﻞ ﻭﺍﺣﺪ ﻫﻮ ﺍﻟﻠﻲ ﻫﻴﺘﺎﺣﺴﺐ ﻋﻠﻰ ﺃﻋﻤﺎﻟﻪ
ﻟﺒﻨﻰ ﻣﺴﺘﺮﺿﻴﺔ: ﻃﺐ ﺧﻼﺹ ﻫﺪﻱ ﻧﻔﺴﻚ
ﻛﺮﻳﻢ ﻣﺘﻨﻬﺪﺍً: ﺍﻟﺠﻨﺎﺡ ﺟﺎﻫﺰ؟
ﻟﺒﻨﻰ: ﺃﻩ ﻛﻠﻪ ﻋﻠﻰ ﺳﻨﺠﺔ ﻋﺸﺮﺓ
ﻭﻗﻒ ﻛﺮﻳﻢ ﻳﺮﺍﺟﻊ ﺑﻌﺾ ﺍﻷﻭﺭﺍﻕ ﻭﻫﻮ ﻳﻨﻈﺮ ﻟﻠﺒﺤﺮ ﻟﻴﻬﺪﺃ
ﻓﻠﺒﻨﻰ ﺑﺮﻏﻢ ﻃﻴﺒﺘﻬﺎ ﻭﺣﺴﻨﻬﺎ ﺇﻻ ﺃﻧﻬﺎ ﺗﺘﺪﺧﻞ ﻓﻲ ﺷﺌﻮﻥ
ﺍﻟﻐﻴﺮ ﻭﻓﻴﻤﺎ ﻻ ﻳﻌﻨﻴﻬﺎ ﻭﻫﺬﺍ ﻣﻦ ﺃﻛﺜﺮ ﺍﻷﻣﻮﺭ ﺍﻟﺘﻲ ﻳﺒﻐﻀﻬﺎ .
ﺍﻗﺘﺮﺑﺖ ﻣﺮﻳﻢ ﻣﻦ ﻣﻜﺘﺐ ﺍﻹﺳﺘﻘﺒﺎﻝ ﻣﺒﺘﺴﻤﺔ: ﻟﻮ ﺳﻤﺤﺘﻲ
ﻛﻨﺖ ﻋﺎﻳﺰﺓ ﻣﻔﺘﺎﺡ ﺍﻷﻭﺿﺔ ﺑﺎﺳﻢ …
ﻟﻢ ﺗﻌﺮﻑ ﺑﺄﻱ ﺍﺳﻢ ﺣُﺠﺰﺕ ﺍﻟﺤﺠﺮﺓ ﻓﺪﻳﻤﺎ ﺭﻓﻀﺖ ﺃﻥ ﻳﻌﺮﻑ
ﺑﺎﺳﻞ ﻫﻮﻳﺘﻬﺎ ﺣﺘﻰ ﺗﻘﺎﺑﻠﻪ ﻭﺟﻬﺎً ﻟﻮﺟﻪ ﻓﺎﺣﺘﺎﺭﺕ ﻣﺎﺫﺍ ﺗﻘﻮﻝ
ﻋﻨﺪﻣﺎ ﻫﺘﻔﺖ ﺍﻟﻔﺘﺎﺓ ﻟﺘﻨﻘﺬﻫﺎ: ﺇﻧﺘﻲ ﺳﻜﺮﺗﻴﺮﺓ ﺍﻟﺸﺮﻳﻚ
ﺍﻟﺠﺪﻳﺪ ؟
ﺗﻨﻬﺪﺕ ﻣﺮﻳﻢ ﺑﺮﺍﺣﻪ : ﺃﻳﻮﻩ ﺃﻧﺎ
ﻟﺒﻨﻰ ﻣﺮﺣﺒﺔ: ﺃﻧﺎ ﻟﺒﻨﻰ ﻣﺴﺎﻋﺪﺓ ﻣﺪﻳﺮ ﺍﻟﻤﻨﺘﺠﻊ
ﺳﻠﻤﺖ ﻋﻠﻴﻬﺎ ﻣﺮﻳﻢ ﺑﺈﺑﺘﺴﺎﻣﺘﻬﺎ ﺍﻟﺠﻤﻴﻠﺔ : ﻭﺃﻧﺎ ﻣﺮﻳﻢ
ﺳﻜﺮﺗﻴﺮﺓ ﺍﻟﺸﺮﻳﻚ ﺍﻟﺠﺪﻳﺪ … ﺍﻟﻤﺤﺘﻤﻞ
ﺷﻌﺮ ﻛﺮﻳﻢ ﺑﺄﻥ ﻫﺬﺍ ﺍﻟﺼﻮﺕ ﻟﻴﺲ ﺑﻐﺮﻳﺐ ﻋﻠﻰ ﺃﺫﻧﻴﻪ ﻭﻟﻜﻦ
ﻻ ﻳﺴﺘﻄﻴﻊ ﺗﺬﻛﺮﻩ ﺇﻻ ﻋﻨﺪﻣﺎ ﺳﻤﻊ ﺍﻻﺳﻢ ﺇﻟﺘﻔﺖ ﺑﺴﺮﻋﺔ
ﻟﻴﺮﻯ ﻟﺒﻨﻰ ﺗﺴﻠﻢ ﻋﻠﻰ ﺍﻟﻔﺘﺎﺓ ﻭﺗﺮﺣﺐ ﺑﻬﺎ.
ﺭﺃﺗﻪ ﻟﺒﻨﻰ ﻓﻘﺎﻟﺖ : ﺃﻫﻮ ﺍﻟﻤﺪﻳﺮ ﻭﺍﻗﻒ … ﺩﺍ ﺍﻷﺳﺘﺎﺫ ﻛﺮﻳﻢ
ﻭﺩﻱ ﺍﻷﺳﺘﺎﺫﺓ ﻣﺮﻳﻢ … ﺳﻜﺮﺗﻴﺮﺓ ﺍﻟﺸﺮﻳﻚ ﺍﻟﺠﺪﻳﺪ ﻳﺎ ﻛﺮﻳﻢ
ﻟﻮ ﺳُﻜﺐ ﻋﻠﻴﻬﺎ ﺩﻟﻮ ﻣﻦ ﺍﻟﻤﺎﺀ ﻟﻜﺎﻥ ﺃﻓﻀﻞ ﻣﻦ ﻫﺬﺍ
ﺍﻟﺘﻌﺮﻳﻒ.
ﻟﺒﻨﻰ ﻭﻫﻲ ﻻ ﺗﺪﺭﻙ ﻣﺎ ﺃﺻﺎﺏ ﺍﻹﺛﻨﻴﻦ ﺟﺮﺍﺀ ﻫﺬﺍ ﺍﻟﺘﻘﺪﻳﻢ:
ﺑﺲ ﻣﺶ ﻏﺮﻳﺒﺔ ﺻﺎﺣﺐ ﺍﻟﺸﻐﻞ ﻭﺍﻟﺴﻜﺮﺗﻴﺮﺓ ﻳﻨﺰﻟﻮﺍ ﻓﻲ
ﻧﻔﺲ ﺍﻟﺠﻨﺎﺡ ﺳﻮﺍ ؟
ﻣﺮﻳﻢ: ﻻ ﻋﺎﺩﻱ … ﺇﺣﻨﺎ ﺻﺤﺎﺏ ﺃﺻﻼً
ﺭﻓﻌﺖ ﻟﺒﻨﻰ ﺣﺎﺟﺒﻴﻬﺎ ﺇﺳﺘﻐﺮﺍﺑﺎً ﺑﻴﻨﻤﺎ ﻫﺘﻒ ﻛﺮﻳﻢ ﺑﻐﻀﺐ :
ﻫﻮ ﺑﻘﻰ ﺇﻧﻪ ﺍﻟﻮﺍﺣﺪﺓ ﺗﻘﻌﺪ ﻣﻊ ﺭﺋﻴﺴﻬﺎ ﻓﻲ ﺍﻟﺸﻐﻞ ﻓﻲ
ﺃﻭﺿﺔ ﻭﺍﺣﺪﺓ ﻋﺎﺩﻱ ﻭﺑﻜﻞ ﺑﺠﺎﺣﻪ ﺗﺘﻘﺎﻝ ﻛﺪﺍ ؟
ﻟﺒﻨﻰ: ﺑﺮﺍﺣﻪ ﻳﺎ ﻛﺮﻳﻢ ﻣﺶ ﻛﺪﺍ
ﻣﺮﻳﻢ: ﻭﻓﻴﻬﺎ ﺇﻳﻪ ﻳﻌﻨﻲ؟ .. ﺃﻧﺎ ﻣﺶ ﺷﺎﻳﻔﺔ ﺇﻧﻲ ﻏﻠﻄﺖ
ﻓﻲ ﺣﺎﺟﻪ
ﻛﺮﻳﻢ ﻭﻏﻀﺒﻪ ﻳﺰﺩﺍﺩ : ﻭﺇﻧﺘﻲ ﺑﻘﺎﻟﻚ 3 ﺳﻨﻴﻦ ﻣﺨﺘﻔﻴﺔ ﻋﺸﺎﻥ
ﺗﻨﺰﻟﻲ ﻓﻲ ﻓﻨﺎﺩﻕ ﻣﻊ ﺭﺋﻴﺴﻚ ﻓﻲ ﺍﻟﺸﻐﻞ؟
ﻭﺃﺿﺎﻑ ﺳﺎﺧﺮﺍً: ﻭﻳﺎ ﺗﺮﻯ ﻛﺎﻡ ﺭﺋﻴﺲ ﻋﺪﻳﺘﻲ ﻋﻠﻴﻬﻢ ﻳﺎ
ﺃﻧﺴﺔ ﻳﺎ ﻣﺤﺘﺮﻣﺔ
ﻟﻢ ﺗﺸﻌﺮ ﻣﺮﻳﻢ ﺑﻤﺎ ﻓﻌﻠﺘﻪ ﺇﻻ ﺑﻌﺪ ﺃﻥ ﻫﻮﺕ ﻋﻠﻰ ﻭﺟﻬﻪ
ﺑﺼﻔﻌﺔ ﺩﻭﺕ ﻓﻲ ﺍﻟﻤﻜﺎﻥ ﺑﺄﺳﺮﻩ.