اصدقائي قنبله ذريه ٣

….

الفصل الثامن عشر

ﺍﻟﺰﻳﻨﺔ ﺯﺍﺩﺕ ﺍﻟﻜﻨﻴﺴﺔ ﺟﻤﺎﻻً ﻭﺃﻋﻄﺘﻬﺎ ﺑﻬﺠﺔ ﺇﺿﺎﻓﻴﺔ ﻋﻠﻰ
ﺑﻬﺠﺔ ﺍﻟﺤﻀﻮﺭ ﺑﺰﻭﺍﺝ ﺷﺮﻳﻒ ﻭﻣﺎﺭﻱ ، ﻛﺎﻧﺖ ﺍﻷﺿﻮﺍﺀ
ﺍﻟﻤﻠﻮﻧﺔ ﺗﺘﺪﻟﻰ ﻣﻦ ﻛﻞ ﺍﻟﺠﻮﺍﻧﺐ ﻓﻲ ﺷﻜﻞ ﺳﻼﺳﻞ ﻃﻮﻟﻴﺔ
ﻭﺍﻟﻮﺭﺩ ﺍﻷﺑﻴﺾ ﻣﻨﺘﺸﺮ ﻓﻲ ﺍﻟﻤﻜﺎﻥ.
– ﺃﻧﺎ ﻣﺶ ﻣﺼﺪﻗﻪ ﺇﻧﻚ ﺟﻴﺖ
ﺭﺍﻣﻲ ﻣﺒﺘﺴﻤﺎً : ﻟﻴﻪ ﻳﻌﻨﻲ ؟
ﻫﺰﺕ ﻣﻴﺮﻧﺎ ﻛﺘﻔﻴﻬﺎ: ﻣﺎ ﺗﻮﻗﻌﺘﺶ ﺃﻧﻪ ﺷﺮﻳﻒ ﻫﻴﻌﺰﻣﻚ
ﺿﺤﻚ ﺭﺍﻣﻲ: ﻭﻻ ﺃﻧﺎ … ﺑﺼﺮﺍﺣﺔ ﻟﻤﺎ ﺍﺩﻳﺘﻪ ﺭﻗﻤﻲ ﻣﺎ
ﺗﻮﻗﻌﺘﺶ ﺃﻧﻪ ﻳﻮﻡ ﻣﺎ ﻫﻴﺘﺼﻞ ﺑﻴﺎ ﻳﺒﻘﻰ ﻋﺸﺎﻥ ﻳﻌﺰﻣﻨﻲ
ﻋﻠﻰ ﻓﺮﺣﻪ
ﻣﻴﺮﻧﺎ: ﺍﻹﺗﻨﻴﻦ ﻫﺎﻳﻦ ﻋﻠﻴﻬﻢ ﻳﻌﺰﻣﻮﺍ ﺍﻟﺪﻧﻴﺎ ﻛﻠﻬﺎ … ﺃﻧﺖ
ﻣﺶ ﺷﺎﻳﻒ ﺍﻟﻨﺎﺱ ﻗﺪ ﺇﻳﻪ … ﺃﻧﺎ ﺣﺎﺳﻪ ﺇﻧﻪ ﺇﺣﻨﺎ ﻓﻮﻕ
ﺑﻌﺾ
ﺭﺍﻣﻲ : ﻫﻬﻬﻬﻬﻬﻬﻪ ﺑﺲ ﺍﻟﻤﻜﺎﻥ ﺷﻜﻠﻪ ﻳﺴﺎﻉ ﻣﺎﻟﺤﺒﺎﻳﺐ ﺃﻟﻒ
ﻣﻴﺮﻧﺎ: ﺑﺲ ﺇﻳﻪ ﺍﻟﺸﻴﺎﻛﺔ ﺩﻱ؟ … ﺃﻧﺎ ﺃﻭﻝ ﻣﺮﺓ ﺃﺷﻮﻓﻚ
ﺑﺒﺪﻟﺔ ﻣﺶ ﻏﺮﻳﺒﺔ؟
– ﻟﻴﻪ ﻳﻌﻨﻲ؟
– ﻳﻌﻨﻲ ﺍﻟﻤﻔﺮﻭﺽ ﺭﺟﻞ ﺃﻋﻤﺎﻝ ﻭﻋﻤﺮﻙ ﻣﺎ ﻟﺒﺴﺖ ﺑﺪﻟﻪ
– ﻫﻬﻬﻬﻬﻬﻬﻪ ﻣﺶ ﻛﻞ ﺭﺟﺎﻝ ﺍﻷﻋﻤﺎﻝ ﺯﻱ ﺑﻌﻀﻬﻢ …
ﺍﻟﺒﺪﻟﻪ ﺑﺄﺣﺴﻬﺎ ﺑﺘﻜﺘﻔﻨﻲ ﻭﻓﻲ ﺭﺃﻳﻲ ﻣﺎ ﺗﺘﻠﺒﺴﺶ ﻏﻴﺮ ﻓﻲ
ﺍﻟﻤﻨﺎﺳﺒﺎﺕ
ﺃﺿﺎﻓﺖ: ﻭﺍﻟﺸﺮﻛﺎﺕ
– ﻭﺇﻧﺘﻲ ﻛﻤﺎﻥ ﺣﻠﻮﺓ ﺇﻧﻬﺎﺭﺩﻩ … ﻭﺍﻟﻔﺴﺘﺎﻥ ﻻﻳﻖ ﻋﻠﻴﻜﻲ
ﺟﺪﺍً
ﻧﻈﺮﺕ ﺇﻟﻰ ﻓﺴﺘﺎﻧﻬﺎ ﺑﺴﻌﺎﺩﺓ : ﺃﻳﻮﻩ ﻛﻠﻨﺎ ﻟﺒﺴﻨﺎ ﻧﺒﻴﺘﻲ ﻋﺸﺎﻥ
ﻧﺒﻘﻰ ﺍﻟــ
Bridesmaids
– ﻃﺐ ﻣﺎ ﺍﺧﺘﺎﺭﺗﻮﺵ ﻟﻮﻥ ﺃﻓﺘﺢ ﻣﻦ ﻛﺪﺍ ﻟﻴﻪ ؟
-ﻋﺸﺎﻥ ﻫﺪﻯ ﺻﺎﺣﺒﺘﻨﺎ ﻣﻨﻘﺒﺔ … ﺑﺎﻟﻌﺎﻓﻴﺔ ﺃﻗﻨﻌﻨﺎﻫﺎ ﺗﻠﺒﺲ
ﺍﻟﻠﻮﻥ ﺩﺍ ﻋﺸﺎﻥ ﻫﻲ ﻣﺶ ﺑﺘﻠﺒﺲ ﻏﻴﺮ ﺃﺳﻮﺩ ﻭﺑﻨﻲ ﻭﻛﺤﻠﻲ
ﻭﺃﻟﻮﺍﻥ ﻏﺎﻣﻘﺔ
– ﺃﻫﺎ
– ﻭﺑﻌﺪﻳﻦ ﺇﺣﻨﺎ ﺇﺗﻔﻘﻨﺎ ﺍﻹﻛﺴﺴﻮﺍﺭﺍﺕ ﺗﻜﻮﻥ ﺩﻫﺒﻲ ﻋﺸﺎﻥ
ﻧﻜﺴﺮ ﺍﻟﻠﻮﻥ
– ﻣﺎﻫﻮ ﻭﺍﺿﺢ ﺣﺰﺍﻡ ﺩﻫﺒﻲ ﻭﺷﻨﻄﺔ ﺩﻫﺒﻲ ﻭﺟﺰﻣﻪ ﺩﻫﺒﻲ
ﻭﺣﻠﻖ ﺩﻫﺒﻲ
– ﻫﻬﻬﻬﻬﻬﻬﻪ ﺧﻼﺹ ﺧﻼﺹ ﺇﻳﻪ … ﻭﺑﻌﺪﻳﻦ ﺃﻧﺖ ﻣﺎﻟﻚ
ﺑﺸﻐﻞ ﺍﻟﺒﻨﺎﺕ ﺩﺍ
– ﻣﺎﺷﻲ ﻳﺎ ﺳﺘﻲ ﺃﻧﺎ ﻏﻠﻄﺎﻥ
-ﺍﺳﻜﺖ ﺑﻘﻰ … ﺩﻱ ﺭﻧﺎ ﺟﺎﺕ ﺃﻫﻲ … ﺗﻌﺎﻟﻰ ﻧﺴﻠﻢ
ﻋﻠﻴﻬﺎ
ﺃﻃﻠﻘﺖ ﻣﻴﺮﻧﺎ ﺻﻔﻴﺮﺍً : ﺇﻳﺶ ﺇﻳﺶ ﻳﺎ ﻋﻢ ﺇﻳﻪ ﺍﻟﺤﻠﻮﺓ ﺩﻱ
ﺭﻧﺎ ﺿﺎﺣﻜﺔ : ﻭﺇﻧﺘﻲ ﻛﻤﺎﻥ ﺯﻱ ﺍﻟﻘﻤﺮ
ﻧﻈﺮﺕ ﻣﻴﺮﻧﺎ ﻟﻌﻠﻲ ﺑﺈﺣﺘﻘﺎﺭ ﺗﺤﻤﻠﻪ ﻓﻲ ﺿﻴﻖ.
ﻏﻤﺰﺗﻬﺎ ﺭﻧﺎ : ﻣﺶ ﺗﻌﺮﻓﻴﻨﺎ ؟
ﻣﻴﺮﻧﺎ ﻣﺴﺮﻋﺔ : ﺃﻩ ﺃﻩ … ﺭﺍﻣﻲ ﻓﺮﻳﺪ ﺩﻱ ﺭﻧﺎ ﺻﺤﺒﺘﻲ ﻭﺩﺍ
ﻋﻠﻲ ﺟﻮﺯﻫﺎ ﻭﺩﻭﻝ ﺑﻘﻰ ﺃﻣﺠﺪ ﻭﻛﺮﻡ ﺍﻟﺘﻮﺃﻡ ﺍﻟﺸﺮﻳﺮ
ﻛﺮﻡ ﻣﺪﻋﻴﺎً ﺍﻟﺤﺰﻥ: ﺑﻘﻰ ﺃﻧﺎ ﺷﺮﻳﺮ ﻳﺎ ﻣﻴﻤﻲ … ﺃﻣﺠﺪ
ﻣﺎﺷﻲ ﻟﻜﻦ ﺃﻧﺎ ﻻ
ﻣﻴﺮﻧﺎ: ﺑﻘﻰ ﺃﻣﺠﺪ ﺍﻟﻠﻲ ﺷﺮﻳﺮ ﻭﺃﻧﺖ ﻻ ، ﺇﻣﻤﻤﻤﻢ ﻃﺐ
ﻧﺸﻮﻑ ﺍﻟﻤﻮﺿﻮﻉ ﺩﺍ ﺑﻌﺪﻳﻦ ﻳﺎ ﻣﻼﻳﻜﺔ ﺗﻤﺸﻲ ﻋﻠﻰ ﺍﻷﺭﺽ
ﺿﺤﻚ ﺍﻟﺠﻤﻴﻊ ﻭﺳﺄﻟﺘﻬﺎ ﺭﻧﺎ: ﺃﻭﻣﺎﻝ ﻣﺎﺭﻱ ﻓﻴﻦ ﻭﺍﻟﺒﻨﺎﺕ ؟
ﻣﻴﺮﻧﺎ: ﻫﺪﻯ ﻟﺴﻪ ﻣﺎﺟﺎﺗﺶ ﻭ ﻣﺮﻳﻢ ﻭﺩﻳﻤﺎ ﻣﻌﺎﻫﺎ ﻓﻲ
ﺃﻭﺿﺔ ﻫﻨﺎ ﺗﺒﻊ ﺍﻟﻜﻨﻴﺴﺔ ﻣﻦ ﺍﻟﺼﺒﺢ ﻋﺸﺎﻥ ﻳﻈﺒﻄﻮﻫﺎ
ﺭﻧﺎ : ﻫﻬﻬﻬﻬﻬﻬﻬﻪ ﻳﻈﺒﻄﻮﻫﺎ؟ … ﻭﺇﻧﺘﻲ ﻣﺶ ﺑﺘﻈﺒﻄﻴﻬﺎ
ﻣﻌﺎﻫﻢ ﻟﻴﻪ؟
ﻣﻴﺮﻧﺎ: ﻭﺃﺳﻴﺐ ﺍﻟﻀﻴﻮﻑ ﻟﻮﺣﺪﻫﻢ ﻳﻌﻨﻲ؟
ﺃﻣﺴﻜﺖ ﺭﻧﺎ ﺑﻴﺪﻫﺎ: ﻃﺐ ﺗﻌﺎﻟﻲ ﺑﻘﻰ ﻭﺩﻳﻨﻲ ﻋﻨﺪ ﻣﺎﻣﺖ
ﻣﺎﺭﻱ ﻭﺑﺎﺑﺎﻫﺎ ﻋﺸﺎﻥ ﺃﺑﺎﺭﻛﻠﻬﻢ
ﻣﻴﺮﻧﺎ: ﻃﺐ ﻳﻼ ﺑﻘﻰ
– ﻭﺍﻟﻠﻪ ﺯﻱ ﺍﻟﻘﻤﺮ ﻳﺎ ﻣﺎﺭﻱ
ﻣﺎﺭﻱ ﺑﺸﻚ ﻭﻫﻲ ﺗﺘﻠﻔﺖ ﺃﻣﺎﻡ ﺍﻟﻤﺮﺁﺓ ﻗﻠﻘﺔ: ﺑﺠﺪ؟ …
ﺃﻭﻣﺎﻝ ﺃﻧﺎ ﻣﺶ ﺷﺎﻳﻔﺔ ﻛﺪﺍ ﻟﻴﻪ؟
ﻣﺮﻳﻢ ﺿﺎﺣﻜﺔ: ﻣﺶ ﺍﻟﻤﻬﻢ ﺇﻧﺘﻲ ﺗﺸﻮﻓﻲ ﺍﻟﻤﻬﻢ ﻫﻮ ﻳﺸﻮﻑ
ﻣﺎﺭﻱ ﺑﺤﻨﻖ : ﻫﻮ ﻳﻘﺪﺭ ﻳﺘﻜﻠﻢ!
ﺩﻳﻤﺎ: ﻫﻬﻬﻬﻬﻬﻪ ﺍﻟﻠﻪ … ﻫﻮ ﻣﻦ ﺃﻭﻟﻬﺎ ﻛﺪﺍ ﻭﻻ ﺇﻳﻪ ﻳﺎ
ﻣﺮﻣﺮ
ﻣﺎﺭﻱ : ﻫﻬﻬﻬﻬﻪ ﻃﺒﻌﺎً ﻳﺎ ﺑﻨﺘﻲ ﺃﻭﻣﺎﻝ ﺇﻳﻪ
ﻣﺮﻳﻢ: ﺇﻭﻋﻲ ﺗﻜﻮﻧﻲ ﻣﺤﻀﺮﺓ ﺍﻟﻘﻄﺔ ﻓﻲ ﺍﻟﺒﻴﺖ
ﻣﺎﺭﻱ : ﻫﻬﻬﻬﻬﻬﻬﻪ ﻛﺎﻥ ﻧﻔﺴﻲ ﺑﺲ ﻋﻨﺪﻱ ﺣﺴﺎﺳﻴﺔ ﻣﻦ
ﺍﻟﻘﻄﻂ
ﺩﻳﻤﺎ: ﻃﺐ ﺍﻟﺤﻤﺪﻟﻠﻪ … ﻧﻔﺪ ﺑﺠﻠﺪﻩ ﻫﻬﻬﻬﻬﻬﻬﻬﻬﻬﻬﻪ
ﺩﺧﻠﺖ ﻣﻴﺮﻧﺎ ﻫﺎﺗﻔﺔ: ﺇﻳﻪ ﻛﻞ ﺩﺍ ﻟﺴﻪ ﻣﺎ ﺧﻠﺼﺘﻮﺵ؟ … ﺩﺍ
ﺍﻟﻌﺮﻳﺲ ﺑﺮﻩ ﻭﻣﺴﺘﻨﻲ ﻋﻠﻰ ﻧﺎﺭ ﻭﺍﻟﻨﺎﺱ ﺍﺑﺘﺪﻭﺍ ﻳﺰﻫﻘﻮﺍ ﻳﺎ
ﻣﻤﻠﻴﻴﻦ
ﻗﺬﻓﺘﻬﺎ ﻣﺎﺭﻱ ﺑﺈﺣﺪﻯ ﺍﻟﻤﻨﺎﺷﻒ : ﺇﻣﺸﻲ ﻳﺎ ﺑﺖ ﻣﻦ ﻭﺷﻲ
ﻗﺎﻝ ﻳﺰﻫﻘﻮﺍ ﻗﺎﻝ
ﻣﻴﺮﻧﺎ: ﻫﻬﻬﻬﻬﻬﻪ ﻃﺐ ﻳﻼ ﺇﻧﺠﺰﻱ ﻋﺸﺎﻥ ﺷﺮﻳﻒ ﻭﺍﻗﻒ
ﻋﺎﻟﺒﺎﺏ ﺭﺟﻞ ﺑﺮﻩ ﻭﺭﺟﻞ ﺟﻮﺍ ، ﻭﻳﺎ ﺧﻮﻓﻲ ﺍﻟﺮﺟﻞ ﺍﻟﻠﻲ ﺑﺮﻩ
ﻫﻲ ﺍﻟﻠﻲ ﺗﻜﺴﺐ
ﻣﺎﺭﻱ ﺑﻐﻀﺐ: ﺑﺄﻣﺎﻧﺔ ﻳﺎ ﻣﻴﺮﻧﺎ ﻟﻮ ﻣﺎ ﻣﺸﻴﺘﻲ ﻣﻦ ﻭﺷﻲ
ﺩﻟﻮﻗﺘﻲ ﻫﺄﻗﻌﺪ ﻋﻠﻴﻜﻲ ﺃﺑﻄﻄﻚ
ﻣﻴﺮﻧﺎ ﻣﺘﺮﺍﺟﻌﻪ ﻭﺃﻏﻠﻘﺖ ﺍﻟﺒﺎﺏ ﺧﻠﻔﻬﺎ : ﺧﻼﺹ ﺃﺳﻒ ﻳﺎ
ﻭﺣﺶ
ﺳﻤﻠﺘﻬﺎ ﻣﺮﻳﻢ ﺑﺎﻗﺔ ﺍﻟﻮﺭﺩ ﺍﻟﺨﺎﺻﺔ ﺑﻬﺎ ﻗﺎﺋﻠﺔ: ﻳﻼ ﺑﻘﻰ ﻳﺎ
ﻋﺮﻭﺳﺔ ﺍﻟﻌﺮﻳﺲ ﻣﺴﺘﻨﻲ
ﻣﺎﺭﻱ ﻭﻫﻲ ﻋﻠﻰ ﻭﺷﻚ ﺍﻟﺒﻜﺎﺀ : ﻣﺶ ﻋﺎﻳﺰﻩ ﺃﺗﺠﻮﺯ
ﺍﺗﺠﻬﺖ ﺇﻟﻴﻬﺎ ﺩﻳﻤﺎ ﻣﻄﻤﺌﻨﺔ: ﻣﺎ ﺗﺨﺎﻓﻴﺶ ﻳﺎ ﻣﺎﺭﻱ … ﻣﺶ
ﻫﻮ ﺩﺍ ﺷﺮﻳﻒ ﺍﻟﻠﻲ ﻛﻨﺘﻲ ﻫﺘﻤﻮﺗﻲ ﻭﺗﺘﺠﻮﺯﻳﻪ ﻭﺃﻫﻮ ﺧﻼﺹ
ﻛﻠﻬﺎ ﺩﻗﺎﻳﻖ ﻭﺗﺒﻘﻮﺍ ﺳﻮﺍ ﻃﻮﻝ ﺍﻟﻌﻤﺮ
ﻣﺎﺭﻱ : ﺑﺲ ﺃﻧﺎ ﺧﺎﻳﻔﺔ ﺃﻭﻱ
ﺩﻳﻤﺎ: ﻣﺎ ﺗﺨﺎﻓﻴﺶ ﻹﻧﻪ ﻣﺎﻓﻴﺶ ﺣﺎﺟﻪ ﺗﺨﻮﻑ … ﻭﺑﻌﺪﻳﻦ ﻟﻮ
ﺍﻟﺠﻮﺍﺯ ﺑﻴﺨﻮﻑ ﺃﻭﻱ ﻛﺪﺍ ﻛﺎﻧﻮﺍ ﺍﻟﻨﺎﺱ ﺩﻱ ﻛﻠﻬﺎ ﻫﺘﺘﺠﻮﺯ
ﻟﻴﻪ ؟
ﻣﺎﺭﻱ ﺑﺤﻴﺮﺓ: ﻣﺶ ﻋﺎﺭﻓﺔ
ﺻﺮﺧﺖ ﻣﺮﻳﻢ: ﻳﺎ ﺧﺒﺮ!
ﻣﺎﺭﻱ ﺑﻔﺰﻉ : ﻓﻲ ﺇﻳﻪ؟!
ﻣﺮﻳﻢ: ﺍﻟﻤﻜﻴﺎﺝ ﻫﻴﺒﻮﻅ ﺇﻭﻋﻲ ﺗﻌﻴﻄﻲ
ﻟﻜﺰﺗﻬﺎ ﺩﻳﻤﺎ : ﻭﻗﻌﺘﻲ ﻗﻠﺒﻲ
ﻣﺎﺭﻱ : ﻫﻮ ﺃﻧﺎ ﺃﺧﻠﺺ ﻣﻦ ﻣﻴﺮﻧﺎ ﺗﻄﻠﻌﻴﻠﻲ ﺇﻧﺘﻲ؟
ﺩﻳﻤﺎ: ﻃﺐ ﻳﻼ ﺑﻘﻰ ﻋﺸﺎﻥ ﺗﺨﻠﺼﻲ ﻣﻨﻨﺎ ﻛﻠﻨﺎ
ﺩﺧﻞ ﻭﺍﻟﺪﻫﺎ ﻭﺻﺎﺭ ﻣﻌﻬﺎ ﺑﺎﻟﻤﻤﺮ ﺣﺘﻰ ﺳﻠﻤﻬﺎ ﻟﻌﺮﻳﺴﻬﺎ
ﻭﺑﻌﺪ ﺃﻧﺘﻬﺎﺀ ﻣﺮﺍﺳﻢ ﺯﻭﺍﺟﻬﻤﺎ ﺣﺎﻥ ﺍﻟﻮﻗﺖ ﻟﺘﻠﻘﻲ ﺍﻟﺒﺎﻗﺔ.
ﺍﺻﻄﻔﺖ ﺟﻤﻴﻊ ﻓﺘﺎﻳﺎﺕ ﺍﻟﺤﻔﻞ ﺧﻠﻒ ﺍﻟﻌﺮﻭﺱ ﻭﻛﺎﻧﺖ ﺍﻟﺒﺎﻗﺔ
ﻣﻦ ﻧﺼﻴﺐ ﻣﻴﺮﻧﺎ.
ﺟﺎﺀ ﺭﺍﻣﻲ ﻣﻦ ﺧﻠﻔﻬﺎ ﻭﻫﻤﺲ ﻓﻲ ﺃﺫﻧﻬﺎ: ﻣﺒﺮﻭﻙ
ﻣﻴﺮﻧﺎ: ﺍﻟﻠﻪ ﻳﺒﺎﺭﻙ ﻓﻴﻚ … ﻻﻳﻘﻴﻦ ﻋﻠﻰ ﺑﻌﺾ ﻣﺶ ﻛﺪﺍ ؟
ﻫﺰ ﺭﺃﺳﻪ ﻧﺎﻓﻴﺎً: ﻣﺶ ﻗﺼﺪﻱ ﻋﻠﻴﻬﻢ … ﻗﺼﺪﻱ ﻣﺒﺮﻭﻙ
ﻟﻴﻜﻲ
ﻣﻴﺮﻧﺎ ﺑﻌﺪﻡ ﻓﻬﻢ: ﺃﻧﺎ ؟ ﻋﻠﻰ ﺇﻳﻪ؟
ﺃﺷﺎﺭ ﻟﻠﺒﺎﻗﺔ: ﻋﺸﺎﻥ ﻫﺘﺘﺠﻮﺯﻱ ﻗﺮﻳﺐ
ﺿﺤﻜﺖ ﻣﻴﺮﻧﺎ: ﻳﺪﻳﻨﻲ ﻭﻳﺪﻳﻚ ﻃﻮﻟﺖ ﺍﻟﻌﻤﺮ
– ﻟﻴﻪ ﻳﻌﻨﻲ ؟
-ﻣﻴﻦ ﺍﻟﻠﻲ ﻫﻴﻘﺒﻞ ﻳﺘﺠﻮﺯ ﻭﺍﺣﺪﺓ ﺯﻳﻲ؟
-ﻓﻴﻪ ﻣﺜﻞ ﺳﻤﻌﺘﻪ ﻣﻦ ﺷﻮﻳﺔ ﻭﺍﺣﺪﺓ ﺑﺘﻘﻮﻟﻪ ﻟﺒﻨﺘﻬﺎ ” ﻛﻞ
ﻗﻤﺤﺔ ﻣﻌﻄﻮﺑﺔ ﻭﻟﻴﻬﺎ ﻛﻴﺎﻝ ﺃﻋﻤﺶ ”
-ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻳﻌﻨﻲ ﺇﻳﻪ ﻣﻌﻄﻮﺑﺔ
– ﺩﺍ ﻋﻠﻰ ﺃﺳﺎﺱ ﺇﻧﻚ ﻓﻬﻤﺘﻲ ﺃﻋﻤﺶ
ﻫﺪﻯ: ﻣﻴﺮﻧﺎ ﺗﻌﺎﻟﻲ ﻳﻼ ﻣﺎﺭﻱ ﻫﺘﻤﺸﻲ
ﻟﺤﻘﺖ ﺑﻬﺎ ﻣﻴﺮﻧﺎ ، ﺳﺄﻟﺘﻬﻢ ﻫﺪﻯ: ﻫﺘﻘﻀﻮﺍ ﺷﻬﺮ ﺍﻟﻌﺴﻞ
ﻓﻴﻦ؟
ﺷﺮﻳﻒ: ﻓﻲ ﺑﻴﺘﻨﺎ
ﻣﻴﺮﻧﺎ: ﻳﻌﻨﻲ ﻣﺶ ﻫﺘﺴﺎﻓﺮﻭﺍ ؟!
ﻣﺎﺭﻱ : ﻣﺶ ﻣﻬﻢ ﺍﻟﻤﻬﻢ ﻫﻨﻜﻮﻥ ﺳﻮﺍ
ﺩﻳﻤﺎ: ﻭﺃﻧﺎ ﻣﺎ ﻳﺮﺿﻨﻴﺶ
ﺃﺧﺮﺟﺖ ﻇﺮﻑ ﻣﻦ ﺣﻘﻴﺒﺘﻬﺎ ﻭﺳﻠﻤﺘﻪ ﺇﻟﻰ ﺷﺮﻳﻒ: ﻣﺶ
ﻣﻌﻘﻮﻝ ﻳﺒﻘﻰ ﻋﻨﺪﻱ ﻓﻴﻼ ﻓﻲ ﺇﺳﻜﻨﺪﺭﻳﺔ ﻭﺃﻧﺘﻮﺍ ﻣﺎ
ﺗﺮﻭﺣﻮﺵ ﺗﻘﻀﻮﺍ ﺷﻬﺮ ﺍﻟﻌﺴﻞ
ﺭﻓﻀﺖ ﻣﺎﺭﻱ: ﻻ ﻣﺶ ﻫﻴﻨﻔﻊ ﻣﻌﻠﺶ ﻳﺎ ﺩﻳﻤﺎ
ﺩﻳﻤﺎ ﺑﺈﺻﺮﺍﺭ: ﻻ ﻳﻨﻔﻊ ﺩﻱ ﻫﺪﻳﺔ ﺟﻮﺍﺯﻛﻮﺍ ﻣﻨﻲ … ﺍﻟﻈﺮﻑ
ﻓﻴﻪ ﺍﻟﻤﻔﺘﺎﺡ ﻭﺍﻟﻌﻨﻮﺍﻥ
ﺃﺿﺎﻓﺖ ﻣﺮﻳﻢ: ﻭﻛﻤﺎﻥ ﺩﻳﻤﺎ ﺃﺩﺗﻜﻮﺍ ﺃﺟﺎﺯﺓ ﺷﻬﺮ ﺑﺤﺎﻟﻪ ﻳﻌﻨﻲ
ﻫﺘﺎﺧﺪﻭﺍ ﺷﻬﺮ ﻋﺴﻞ ﻛﺎﺍﺍﺍﺍﺍﻣﻞ
ﻣﺎﺭﻱ : ﺑﺲ ﺃﻧﺎ ﻣﺎ ﺟﻬﺰﺗﺶ ﺣﺎﺟﻪ
ﻣﻴﺮﻧﺎ ﺿﺎﺣﻜﻪ: ﻭﺩﻱ ﺣﺎﺟﻪ ﺗﺘﻨﺴﻲ؟ … ﺃﻧﺎ ﺟﺎﻫﺰﺗﻠﻚ
ﺍﻟﺸﻨﻄﺔ ﺑﺈﻳﺪﻱ ﻭﻫﺘﻼﻗﻲ ﻓﻴﻬﺎ ﺍﻟﻬﺪﻳﺔ ﺑﺘﺎﻋﺘﻲ
ﺷﺮﻳﻒ: ﻫﻬﻬﻬﻬﻬﻬﻪ ﻃﺐ ﻭﺃﻧﺎ ؟
ﻣﻴﺮﻧﺎ: ﻻ ﺗﻘﻠﻖ ﺃﻳﻬﺎ ﺍﻟﻔﺘﻰ
ﻣﺮﻳﻢ: ﻣﻴﺮﻧﺎ ﻭﺻﺖ ﻣﺎﻣﺘﻚ ﺗﺠﻬﺰﻫﺎ
ﻣﺎﺭﻱ : ﻫﻬﻬﻬﻬﻬﻬﻪ ﺩﺍ ﺃﻧﺘﻮﺍ ﻣﺶ ﻧﺎﺳﻴﻴﻦ ﺣﺎﺟﻪ ﺑﻘﻰ
ﻣﻴﺮﻧﺎ: ﻻ ﻃﺒﻌﺎً
ﻣﺮﻳﻢ: ﻭﺃﻧﺎ ﻫﺪﻳﺘﻲ ﻫﺘﻼﻗﻴﻬﺎ ﻟﻤﺎ ﺗﻮﺻﻠﻲ ﺍﻟﻔﻴﻼ
ﻫﺪﻯ: ﻭﺃﻧﺎ ﻫﺘﻼﻗﻴﻬﺎ ﻟﻤﺎ ﺗﺮﺟﻌﻲ ﻣﻦ ﺷﻬﺮ ﺍﻟﻌﺴﻞ
ﺇﻟﺘﻔﺖ ﺷﺮﻳﻒ ﻷﺻﺪﻗﺎﺋﻪ: ﺷﺎﻳﻔﻴﻦ ﻣﻨﻚ ﻟﻴﻪ ﺍﻟﺼﺤﺎﺏ ﺑﻴﺒﻘﻮﺍ
ﺇﺯﺍﻱ
ﻗﺎﻝ ﺃﺣﺪﻫﻢ ﻣﺎﺯﺣﺎً: ﻣﺎ ﻫﻲ ﻣﺮﺍﺗﻚ ﻫﻲ ﺍﻟﻠﻲ ﺑﺘﺼﺎﺣﺐ
ﻧﺎﺱ ﻏﺮﻳﺒﺔ ﻳﺎ ﺃﺧﻲ
ﻭﻗﺎﻝ ﺃﺧﺮ: ﻣﺎ ﺗﺨﻔﻮﺍ ﺷﻮﻳﺔ ﻛﺪﺍ ﺣﺴﺎﺑﻨﺎ ﺑﻴﺘﻘﻞ ﻋﻨﺪﻩ
ﻣﻴﺮﻧﺎ :ﻫﻬﻬﻬﻬﻬﻬﻬﻪ ﻭﺇﺣﻨﺎ ﻣﺎﻟﻨﺎ
ﻗﺎﻝ ﺍﻟﺜﺎﻧﻲ : ﻣﺎﺷﻲ ﻳﺎ ﻋﻢ
ﺩﻳﻤﺎ: ﻳﻼ ﺑﻘﻰ ﻋﺸﺎﻥ ﻣﺎ ﺗﺘﺄﺧﺮﻭﺵ
ﺍﺗﺠﻬﺖ ﻣﺎﺭﻱ ﻣﻊ ﺯﻭﺟﻬﺎ ﺇﻟﻰ ﺍﻷﺳﻜﻨﺪﺭﻳﺔ ﻭﻋﺎﺩ ﻛﻞ ﺿﻴﻒ
ﺇﻟﻰ ﻣﻨﺰﻟﻪ.
ﺍﻃﻤﺄﻧﺖ ﻋﻠﻰ ﺍﻟﻄﻔﻠﻴﻦ ﻭﺗﺄﻛﺪﺕ ﻣﻦ ﺍﺳﺘﻐﺮﺍﻗﻬﻤﺎ ﻓﻲ
ﺍﻟﻨﻮﻡ ، ﺍﻃﻔﺄﺕ ﺍﻟﻀﻮﺀ ﻭﺍﻏﻠﻘﺖ ﺍﻟﺒﺎﺏ ﺧﻠﻔﻬﺎ ﺑﻬﺪﻭﺀ ﻭﺍﺗﺠﻬﺖ
ﺇﻟﻰ ﻏﺮﻓﺘﻬﺎ .
ﺩﻟﻔﺖ ﺇﻟﻴﻬﺎ ﻟﺘﻔﺎﺟﺊ ﺑﻮﺟﻮﺩ ﻋﻠﻲ ﻣﻤﺪﺩﺍً ﻋﻠﻰ ﻓﺮﺍﺷﻬﺎ ،
ﺍﺳﺘﺪﺍﺭ ﺗﺠﺎﻫﻬﺎ ﺑﻜﺴﻞ ﻋﻨﺪﻣﺎ ﺭﺃﻫﺎ ﺗﺪﺧﻞ.
ﺑﺎﺩﺭﻫﺎ: ﻧﺎﻣﻮﺍ ؟
ﺃﻭﻣﺄﺕ ﻗﺒﻞ ﺃﻥ ﺗﺴﺄﻟﻪ: ﺃﻧﺖ ﺑﺘﻌﻤﻞ ﺇﻳﻪ ﻫﻨﺎ ؟
– ﺑﺎﺭﺗﺎﺡ … ﻋﺎﻳﺰ ﺃﻧﺎﻡ
– ﻃﺐ ﻣﺎ ﺗﻨﺎﻡ ﻓﻲ ﺍﻷﻭﺿﺔ ﺍﻟﺘﺎﻧﻴﺔ
-ﻟﻴﻪ؟ … ﻣﺶ ﺇﻧﺘﻲ ﻣﺮﺍﺗﻲ ﺑﺮﺩﻭ ﺯﻳﻬﺎ ﻭﻣﺴﻤﻮﺣﻠﻲ ﺃﻧﺎﻡ
ﻣﻌﺎﻛﻲ ﺯﻱ ﻣﺎ ﺑﺄﻧﺎﻡ ﻣﻌﺎﻫﺎ ﻭﻻ ﺇﻳﻪ؟
ﻭﻗﻔﺖ ﺃﻣﺎﻡ ﻃﺎﻭﻟﺔ ﺍﻟﺰﻳﻨﺔ ﻭﺑﺪﺃﺕ ﺑﻨﺰﻉ ﺍﻟﺪﺑﺎﺑﻴﺲ ﺍﻟﺘﻲ ﺗﺜﺒﺖ
ﺣﺠﺎﺑﻬﺎ ﻭﻗﺎﻟﺖ ﺑﺴﺨﺮﻳﺔ ﻭﺇﺳﺘﻬﺎﻧﺔ : ﻭﺃﻧﺎ ﻣﺘﻨﺎﺯﻟﺔ ﻋﻦ
ﺍﻟﺸﺮﻑ ﺩﺍ
ﻭﻗﻒ ﺧﻠﻔﻬﺎ ﻭﻗﺎﻝ ﺑﺠﺪﻳﺔ : ﻭﺃﻧﺎ ﻣﺶ ﻣﺘﻨﺎﺯﻝ
ﺃﺩﺍﺭﻫﺎ ﺇﻟﻴﻪ ﻭﺿﻤﻬﺎ ﻭﺑﺪﺃ ﻓﻲ ﺗﻘﺒﻴﻠﻬﺎ ﺣﺘﻰ ﺗﻮﻗﻒ ﺑﻬﺘﺔ .
ﻧﻈﺮ ﻟﻬﺎ ﺑﻌﻤﻖ ﻭﺳﺄﻟﻬﺎ : ﻣﺎﻟﻚ؟
– ﻣﺎﻟﻴﺶ
– ﺃﻭﻣﺎﻝ ﻣﺶ ﺯﻱ ﻋﻮﺍﻳﺪﻙ ﻟﻴﻪ؟
– ﺇﺯﺍﻱ ﻳﻌﻨﻲ؟
– ﺩﻟﻮﻗﺘﻲ ﺃﻩ ﻣﺴﺘﺴﻠﻤﺔ ﺑﺲ… ﺑﺲ ﻣﺶ ﺣﺎﺳﺲ ﺇﻧﻪ ﺑﺤﺐ
ﻭﺭﻏﺒﺔ ﺯﻱ ﻋﻮﺍﻳﺪﻙ
-ﻣﺶ ﻣﻬﻢ ﻳﻜﻮﻥ ﺑﺮﻏﺒﺘﻲ … ﺩﺍ ﺣﻘﻚ ﺣﺘﻰ ﻟﻮ ﺃﻧﺎ ﻣﺶ
ﻋﺎﻳﺰﺓ … ﻣﺶ ﻫﺄﻏﻀﺐ ﺭﺑﻨﺎ ﻋﺸﺎﻥ ﻣﺰﺍﺟﻲ
ﺍﺑﺘﻌﺪ ﻋﻨﻬﺎ ﺑﺴﺮﻋﺔ ﻛﺄﻧﻬﺎ ﻧﺎﺭ ﺃﺣﺮﻗﺘﻪ: ﻳﻌﻨﻲ ﺇﻧﺘﻲ ﻛﻨﺘﻲ
ﻣﺴﺘﺴﻠﻤﺔ ﺩﻟﻮﻗﺘﻲ ﻋﺸﺎﻥ ﺗﺮﺿﻲ ﺭﺑﻨﺎ ﻭﻋﺸﺎﻥ ﺗﺪﻳﻨﻲ ﺣﻘﻲ
ﻭﺇﻧﺘﻲ ﻣﺶ ﺣﺎﺑﻪ ﻗﺮﺑﻲ ﻣﻨﻚ
ﺃﺩﺍﺭﺕ ﻟﻪ ﻇﻬﺮﻫﺎ : ﺗﻌﺒﺎﻧﺔ
ﺃﺧﺬ ﺍﻟﺠﺎﻛﺖ ﻭ ﺭﺑﻄﺔ ﻋﻨﻘﻪ ﻣﻦ ﻓﻮﻕ ﺍﻟﺴﺮﻳﺮ ﻭﻗﺎﻝ
ﺑﺴﺨﺮﻳﺔ: ﻻ ﻭﺍﻟﻠﻪ ﻓﻴﻜﻲ ﺍﻟﺨﻴﺮ
ﺃﺿﺎﻑ ﻗﺒﻞ ﺃﻥ ﻳﻐﻠﻖ ﺍﻟﺒﺎﺏ ﺧﻠﻔﻪ : ﺭﻳﺤﻲ ﻧﻔﺴﻚ ﺃﻧﺎ ﻣﺶ
ﻫﺄﻗﺮﺏ ﻣﻨﻚ ﺗﺎﻧﻲ ﻋﺸﺎﻥ ﻣﺎ ﺗﻐﻀﺒﻴﺶ ﺭﺑﻨﺎ ﻟﻤﺎ ﺗﻘﻮﻟﻴﻠﻲ
ﻻ … ﻭﺃﻫﻮ ﺍﻟﺤﻤﺪﻟﻠﻪ ﻋﻨﺪﻱ ﺯﻭﺟﺔ ﺗﺎﻧﻴﺔ ﺑﺘﻠﺒﻴﻠﻲ ﺭﻏﺒﺎﺗﻲ
ﻭﺑﺘﺤﺴﺴﻨﻲ ﺇﻧﻬﺎ ﻣﺒﺴﻮﻃﺔ ﻣﺶ ﻋﺸﺎﻥ ﺧﺎﻃﺮ ﺭﺑﻨﺎ ﻭﺑﺲ …
ﺗﺼﺒﺤﻲ ﻋﻠﻰ ﺧﻴﺮ
ﺑﻜﺖ ﺑﺸﺪﺓ ﻭﻫﻲ ﺗﺒﺪﻝ ﻣﻼﺑﺴﻬﺎ ﻭﺗﺘﻮﺿﺄ ، ﺳﻤﻌﺖ ﺻﻮﺗﻬﻤﺎ
ﻳﺄﺗﻲ ﻣﻦ ﺍﻟﻐﺮﻓﺔ ﻭﻫﻲ ﺗﺨﺮﺝ ﻣﻦ ﺍﻟﺤﻤﺎﻡ ﻓﺎﺯﺩﺍﺩ ﺑﻜﺎﺀﻫﺎ
ﻭﺍﺗﺠﻬﺖ ﺇﻟﻰ ﺭﺑﻬﺎ ﺗﺸﻜﻮ ﺇﻟﻴﻬﺎ ﺣﺰﻧﻬﺎ ﻭﺃﻟﻤﻬﺎ ﻓﻼ ﻣﻠﺠﺊ
ﻣﻨﻪ ﺇﻻ ﺇﻟﻴﻪ ، ﻭﻻ ﺭﺍﺣﺔ ﻟﻬﺎ ﺇﻻ ﺑﻘﺮﺑﻪ .
ﻳﺸﺮﻑ ﻛﺮﻳﻢ ﺑﻤﺴﺎﻋﺪﺓ ﻟﺒﻨﻰ ﻋﻠﻰ ﺗﺤﻀﻴﺮ ﻏﺮﻓﺔ
ﺍﻹﺟﺘﻤﺎﻋﺎﺕ ﺑﺎﻟﻤﻨﺘﺠﻊ.
ﻛﺮﻳﻢ: ﻭﺻﻴﺘﻲ ﻋﺎﻷﻛﻞ؟
ﻟﺒﻨﻰ: ﺃﻩ … ﻫﻴﻨﺰﻝ ﺑﻌﺪ ﺍﻹﺟﺘﻤﺎﻉ ﻋﻠﻰ ﻃﻮﻝ
ﻛﺮﻳﻢ: ﻃﺐ ﺗﻤﺎﻡ … ﻛﻞ ﺷﺊ ﺟﺎﻫﺰ ﻭﻻ ﻓﻴﻪ ﺣﺎﺟﻪ
ﻧﺎﻗﺼﺔ ؟
ﻟﺒﻨﻰ: ﻛﻠﻪ ﺗﻤﺎﻡ
ﻏﺎﺩﺭ ﻛﺮﻳﻢ ﺍﻟﻘﺎﻋﺔ ﻭﻟﺤﻘﺖ ﺑﻪ ﻟﺒﻨﻰ ﻭﻫﻲ ﺗﺴﺄﻟﻪ: ﺇﺣﻨﺎ ﻣﺎ
ﻗﻌﺪﻧﺎﺵ ﻣﻊ ﺑﻌﺾ ﺑﻘﺎﻟﻨﺎ ﻛﺘﻴﺮ ﻳﺎ ﻛﺮﻳﻢ
ﻛﺮﻳﻢ: ﻣﻌﻠﺶ ﻳﺎ ﻟﺒﻨﻰ ﺑﻌﺪﻳﻦ … ﻭﺃﺩﻳﻜﻲ ﺷﺎﻳﻔﺔ ﺍﻹﺟﺘﻤﺎﻉ
ﺩﺍ ﻗﺎﻟﺐ ﺍﻟﺪﻧﻴﺎ ﺇﺯﺍﻱ
– ﻭﺃﻧﺖ ﻫﺘﺤﻀﺮ ﺍﻹﺟﺘﻤﺎﻉ ﺩﺍ ؟
-ﻻ … ﺑﺲ ﻻﺯﻡ ﺃﻛﻮﻥ ﻗﺮﻳﺐ ﻋﺸﺎﻥ ﻟﻮ ﺍﺣﺘﺎﺟﻮﻧﻲ ﻑ
ﺣﺎﺟﻪ
– ﻣﺎﺷﻲ … ﺭﺑﻨﺎ ﻳﻌﺪﻱ ﺍﻟﻴﻮﻡ ﺩﺍ ﻋﻠﻰ ﺧﻴﺮ … ﺣﺎﺳﻪ
ﻗﻠﺒﻲ ﻣﺶ ﻣﻄﻤﻦ
– ﺇﻥ ﺷﺎﺀ ﺍﻟﻠﻪ
ﻭﺻﻼ ﺇﻟﻰ ﺣﻴﺚ ﻳﻘﻒ ﺑﺎﺳﻞ ﻭﺭﺍﻣﻲ ﻭﺷﺎﺩﻱ .
ﺑﺎﺳﻞ : ﻛﻠﻪ ﺗﻤﺎﻡ؟
ﻛﺮﻳﻢ: ﺃﻩ ﺗﻤﺎﻡ
ﺷﺎﺩﻱ : ﺃﻧﺖ ﻟﺴﻪ ﻣﺼﻤﻢ ﻋﺎﻟﺒﻴﻊ ؟
ﺗﻨﻬﺪ ﺑﺎﺳﻞ : ﻣﺎﻓﻴﺶ ﺣﻞ ﺗﺎﻧﻲ
ﺃﻧﻀﻤﺖ ﺇﻟﻴﻬﻢ ﺑﻮﺳﻲ ﻣﺘﺴﺎﺋﻠﺔ : ﻃﺐ ﻫﻨﻔﻀﻞ ﻭﺍﻗﻔﻴﻦ ﻫﻨﺎ
ﻧﺴﺘﻘﺒﻠﻬﻢ ﻭﻻ ﻫﻨﺪﺧﻞ ﺍﻟﻘﺎﻋﺔ؟
ﺑﺎﺳﻞ : ﻻ ﻫﻨﺪﺧﻞ ﺍﻟﻘﺎﻋﺔ ﻭﻧﺴﺘﻨﺎﻫﻢ
ﺭﺍﻣﻲ : ﻫﻤﺎ ﻛﺎﻡ ﻭﺍﺣﺪ؟
ﺑﺎﺳﻞ ﻣﺘﺬﻛﺮﺍً: ﺗﻘﺮﻳﺒﺎً ﺍﻟﻤﺎﻟﻚ ﻭﺍﻟﺴﻜﺮﺗﻴﺮﺓ ﺑﺘﺎﻋﺘﻪ ﺑﺲ
ﺷﺎﺩﻱ ﺑﺸﻚ: ﻭﻣﺎﻋﺮﻓﺘﺶ ﺑﺮﺩﻭ ﻣﻴﻦ ﻫﻤﺎ ؟
ﺑﺎﺳﻞ : ﻻ … ﺣﺎﻭﻟﺖ ﺑﺲ ﺍﻟﻠﻲ ﻛﻠﻤﻨﻲ ﻣﺎ ﻗﺎﻟﻴﺶ
ﺭﺍﻣﻲ : ﺧﻼﺹ ﺃﻫﻮ ﻛﻠﻬﺎ ﺩﻗﺎﻳﻖ ﻭﻧﻌﺮﻓﻪ
ﺟﻠﺲ ﻛﻼً ﻓﻲ ﻣﻜﺎﻧﻪ ﺑﺄﻧﺘﻈﺎﺭ ﺍﻟﺸﺮﻳﻚ ﺍﻟﻤﺤﺘﻤﻞ ﻓﻲ
ﺍﻟﻤﻨﺘﺠﻊ ، ﺍﺗﺠﻪ ﻛﺮﻳﻢ ﻭﻟﺒﻨﻰ ﺇﻟﻰ ﻋﻤﻠﻬﻢ ﻟﻴﺘﻤﻮﻩ.