مريم

_ أنت بتضر.بني و قدام أهلك! أنت فاكر نفسك كدا راجل؟ _ غصب عنك راجل، عايزاني أسكت وأنا شايفك بتغلطي؟! _ غلطت في أي! أنا قولت مش بعرف اطبخ الطبخ بتاعكوا الغريب و مامتك أصرت، مش مشكلتي إنه طلع وحش _ و أنتِ فاكرة ضر..بتك عشان وحش، و بعدين و لي ماتعرفيش، إللي مايعرفوش يتعلم _ عشان مش بحب الأكل بتاعكوا الغريب دا _ و أنا بحبه يبقى تتعاميه و تعمليه _ عايزني أرد عليك نفس الرد بتاع هناك تاني؟! طب ابقى روح كله عند أمك _ هقول اديكي قلـ.م على عينك التانية عشان تحترمي نفسك، و تحترمي إن جوزك و متفتحيش بوقك معايا نهائي في نقاش _ هو حد قالك إن إحنا في زمن العبودية؟! _ لا زوجة، و الزوجة عليها الطاعة بدون نقاش، لكن قلة الأ.دب دي عليها الضر.ب و الإها.نة _ دا لي شرع مين دا بقا إن شاء الله _ شرع ربنا _ أنت بتعمل دين جديد؟! هو شرع ربنا قالك تضر.بني بالقلم قدام أهلي؟! _ آه و اض*ربو.هن _ أنت أخد كلمة من الآية و بس، هو أنتم مش حفظين غير و اض*ربو.هن و مثنى و ثلاث و رباع؟! مفيش عندك و عظهن و عاشرهون بالمعروف ؟! _ آه هتدخلي في موضوع تاني بقا _ لا دا نفس الموضوع، أنت إللي مش عارف شرع ربنا أي، بتهيني و بتهين نفسك، بس لو فاكر إن هسكت تبقى غلطان، أنا عمر ما حد مد أيده عليا _ و هتعملي أي بقا هتر.ضبيني؟! _ لي فاكر إن مفيش طريقة أخد بيها حقي غير الدراع؟! الرجالة مفكرين أنهم بيملكوا السلطة عليكي في ض*ربك، و إه*انتك، و مفهوم الطاعة عندهم إنك تقبلي دا و تسكتي؟! بيغيروا الشرع في اعتقادات منافية لي فين و استوصوا بالنساء خيرًا؟! فين عاشرهون بالمعروف؟! فين ولا تعضلوهون؟! هنا حافظين كلمتين و سايبين كل حاجة تانية؟! و طول ما إللي معاه مش فاهمة دينها مش هتعرف حقوقها _ فصلت أسبوع، أحط الأكل ليه و أدخل الآوضة، سحبت كل الرفاهية اللي كنت بقدمها، بتجنب الكلام معاه، لو عايزة حاجة بسيب ليه ورقه، رفضت أروح لأهلة قام قالي طب مش هتروحي لأهلك، قومت متصلة بإخواتي و خليتهم يجوا يباتوا معايا، قام متصل بأهله يجوا، دخلت اوضتي و قفلت عليا و قولت له يبقى يقدم الضيافة هو بقا بقا زي ما هو احرجني قدامهم، أنا ردتهاله، و بقى يحاول يصالحني، بس كنت بتجاهلة مهو مش بسيطة، ولو ماحطتش حدود من الأول هيسوق فيها، اسكتي لراجل مرة و اتنازلي عن حقوق، و هتلاقيه اخد عليكي و كرر الغلط مليون مرة لحد في يوم فاجأة فتحت باب الأوضة و اتصدمت من إللي شوفته، هو السحر اتقلب على الساحر ولا أي؟! مين إللي هو داخل بيها البيت دي؟! خرجت جري و أنا شايفة جوزي جاي البيت و معاه واحدة كانت قاعدة و عطياني ضهرها! _ مين دي؟! _ دي دكتورة و مصلحة علاقات إجتماعية جبتها عشان تتكلم معاكي و تتكلمي معاها و نحل المشكلة _ يا راجل؟! وفي مصلحة إجتماعية بتروح بيت راجل متعرفوش؟! _ قصدك أي بكلامك دا، احترمي نفسك، دي بنت صاحبة ماما و ماجتش غير لما ماما كلمتها و اقنعتها تيجي، عشان عارف إنك مش هتوافقي تروحي _ آه يعني أنت و طنط بتحطوني قدام الأمر الواقع، و بعدين جايب مصلحة لي؟! مش عارف تصلح مشاكلك مع نفسك؟! _ دي غلطتني يعني إن بحاول أصلح إللي بينا؟! _ يا سلام لا كتر خيرك طبعًا اتفضل اتفضل نقول للدكتورة بتعمل أي _ مريم ممكن تهدي شوية؟ _ مين قال لك إني متعصبة، خالص عادي جوزي جاي البيت بواحدة، و يقولي مصلحة علاقات زوجية، وهو اصلا إللي مبوظ حياتنا _ و أنا بحاول أصلح أهو... ساعتها الدكتورة وقفت بينا وقالت بهدوء _ مدام مريم ممكن تهدي أنتِ متوترة و متعصبة لي! _عايزاني ابقى متجوزاه و أبقى هادية؟! طب بالله عليكي يا دكتور لو جوزك ضر.بك بالقلم قدام أهله تعملي أي؟! _ هطلق على طول، كله إلا الإهانة جوزي بص ليها بذهول _ أي يا دكتور جايبك تصلحي ولا تبوظيها أكتر، يارتني جبت شيخ ازهري _ طب ما كنت جبت شيخ فعلا قالك الحلال و الحرام، و قالك الآية كاملة طلاما مش حافظها، يا دكتور دا مفكر الرجولة إنه يعلي صوته عليا، أنا كمان عندي أحبال صوتيه ممكن اصرعه بيها بس أنا مش قادرة _ يا جماعة استهدوا بالله، يا أستاذ نوح ماينفعش إللي بتعمله دا، المشاكل مش بتتحل كدا _ أومال بتتحل إزاي، دي دماغها جذمة _ أومال أنت جايبني لي؟ مش عشان أحل المشكلة _ آه معلش يا دكتور نسيت اتفضلي _ يا مدام مريم لازم تكوني هدية و ريلاكس خالص، العصبية مش بتحب بتحل المشاكل _ يعني لما يضر.بني اسقفله؟! _ لا بس خدي حقك بهدوء _ أنتِ مقتنعة بالكلام دا ؟! _ أنت جايب ياسمين عز تحل المشكلة؟! دا كله عشان ماتعتذرش و تقولي حقك عليا مش هتتكرر؟! _يعني لو قولتلك كدا كنتي اتصالحتي؟! _ آه تجيب العيلة كلها، و تعتذر قدامها، و تبوس دماغي قدامهم، و تحلف على المصحف إن مش هتتكرر، و تشتري خاطري لحد ما اسامحك _ يا سلام، لي كل دا؟! _ عشان كسرة نفسي و اهانتي مش بالساهل صح يا دكتور! _ صح يا مدام مريم نوح بص ليها بغيظ _ خلاص يا دكتور ألف شكر، شاكرين افضالك، تعالي اوصلك للباب رجع ليا بعد ما وصل للدكتورة للباب _ لسه زعلانة؟ _ طبعًا لسه زعلانة، قولتلك هتعمل أي و بس معنديش كلام تاني _ حاضر يا مريم، عارفة لي عشان أنا روحت سألت شيخ، و قالي إللي عملته غلط، و إن مش من شيم الرجال مد الأيد و فهمتي الآية، و عشان كدا هعمل إللي عايزاه و بالفعل جمع أهله و أهلي عندنا و قال إنه عمل غلط و اعتذر ليا و طلب إن اسامحه و الحقيقة كنت مندهشة، مش سهل إن الراجل يعترف بغلطه، بس الراجل الصح لما يعرف غلطه يحاول يصلحه لكل جهده، يمكن هو كان بيحاول يصلح بطريقته إن يجيب دكتورة ذي ما كلمته قالت، لكن لما عرف الطريقة نفذها، و دا الصح، فهمنا للقرآن و تعليمه و أحكامه هيسهل علينا حياتنا

مقالات ذات صلة

عاوز أحكيلكم على موقف حصل سببلي صدمة شديدة جدا !

مريم محمد

نور عصام ٥

متلازمه دون

مش هتمشي قبل ما تتكلم 1

بعد ست سنين رجع ابو بنتي وهو بينزف ج الاخير

اترك تعليقاً إلغاء الرد