وعد وعلي ٣٠ والاخيرة

وصلت وعد الفيلا دخلت الباب وهبت رياح قويه تحمل معها صوت على فى مسامع اذنها تحمل رائحته ورائحتها معا فى أركان هذه الفيله
مشيت وعد على اوضه المكتب الى كانت جايه الفيله عشانها، دخل لهناك وقفت عند الخزنه وكل ما كان يتردد فى اذنها كلمته وهو بيموت
“ا..ل..خزنه”
ماذا يمكن ان يكون بداخلها، قالهالها لأنه عارف انها عندها امل تعيش اما هو كان متأكد انه هيموت
ضغطت وعد على الأرقام انها معاها كلمة السر فلقد أعطاها لها على وكأنه يعلم ان هذه اللحظه ستأتي
فتحت وعد الخزنه لقيت دولارات وأوراق لكن وقعت عينها على حاجه اهم من ده… كانت ورقه
خدتها وعد بين ايدها وفتحته لقيت خط عرفاه كويس خط واضح، انه خط على
“وعد… اجمل ذنب ارتكبته”
تجمعت غصه فى حلق وعد لتقرأ وكانها تسمع صوت على يحدثها
“لو مسكتى الورقه دى يبقى انا مبقتش معاكى… سواء موت او بعدت… معرفش مين ممكن يموتني غيرك يا وعد انتى بس الى قادره على مو.تى، زى ما قتلتينى بحبك زمان
من اول مشوفتك فى البيت ده ليت انا بكره كل شخص فيه شوفتك وحسيت بحجم غلطه وجودك هناك وحجم تعاسة حظى ان تكونى فى طريقى… كنتى شبها..طيبه شبه منى، انا الى عمرى مشبهتش حد بيها قدرت اشوفك انتى منى
برغم محاولاتى انى اتفاداكى وابعدك عنى كنتى كل شويه تقربر منى اكتر واكتر، كنت بخاف منك انتى الوحيده الى خليت على يخاف… وخوفى اتحقق… حبيتك
انتى مش شبهى يا وعد ولا شبه عيلتك، انتى منفصله عن اى كره واي انتقام مارسته، انتى كنتى بره انتقامى تماما..كنتى متحفظ انى احميكى من الى هعمله…احميكى من نفسي بس معرفش انى شر كبير عليكى لدرجه دى
حبيتك يا وعد بمجرد معرفة بمشاعرك ناحيتى مقدرتش ابعد عنك سبتنى لمشاعرى لحد مخدتنى معاكى لجحيم، خدتنى لمعصيه كبيره فى ظلمك… عارف انى بظلمك عارف انى حبنا غلطه كبيره لا يمكن يكمل عارف وكملت لانى ضعيف قدامك
انا عاصى عملت حاجات بشعه كتير بس عمرى متخيلت انى اكون شرير لدرجة انى احبك… كتبت علينا معاناه بس فى كل معاناه كتبتها كان حبى ليكى ثابت
مكنش ليكى ذنب فى كل الى حصل، بس عانيتى مم ورا اغلاط مش بتعتك…. متشليش الذنب يا وعد انتى مش غلطانه انتى اتعاملتى بقلبك بس الدنيا دى وحشه، لو كان بس القدر مختلف.. لو كنتى مختلفه وانا مختلف عن الى احنا فيه لو كنا اتنين عاديين كنا زمانا متجوزين وعايشين زى اى اتنين
لعل ف امل اننا نعيش سوا نعيش ونحب بعض، ممكن فى زمن تانى فى دنيا تانيه…. ممكن فى حياة تانيه يبقالنا فرصه حبنا يكمل
حب منغير عذاب ووجع زى ما اتمنتيه انتى وزى ما كنت متمنيه انا بس للاسف… مفيش حد بيتمنى حاجه وبتتحق
كنتى بره انتقامى يا وعد عمرى ما استغليتك عشان انتى بنت بدران عمرى مكان قصدى اوجعك ولا اجرحك، انا حبيتك…عيشت معاكى المشاعر الحقيقه عمرى مخدعتك فى حبى ليكى… كل لحظه عيشتها معاكى كانت حقيقه
انتى البنت الوحيده الى حبيتها البنت الوحيده الى سمحتلها تقرب منى وتلمسنى لان ايدها انضف منى انا شخصيا
انا مين من زمان يا وعد معاكى عيشت واتنسفت، اول منتقم مش هيكون فى هدف اعيشه بس انتى خليتى فيه… عايز اكون معاكى عايز يكونلى حياه معاكى… معاكى انتى بس
انا يا وعد الشيطان المتجسد فى صورة بنادم شيطان حب ملاك مش شبهه
انا حاولت كتير صدقينى حاولت ابعد عنك وفشلت لحد ما استسلمت، انا بحبك يا وعد… ولو مت معنديش مانع اكون ميت على ايدك انا اتقتلت فى حبك من زمان
افتكرينى يا وعد دايما خلينى ذكرى..ذكرى جميله تفتكريها جواكى
وعد حبيبة القلب، سواء عايش او ميت اعرفى انى بحبك وهفضل جمبك””