نواره

كده حسبنا الله ونعم الوكيل فيهم حرام عليك انت كمان ياما تشيلي ذنب الولايا .
فضل التندب وهي قاعده على الارض وكل كلمه قالها ابنها ما صدقتهاش ولا اقتنعت بيها ولو قال لحد السنه الجايه برده ما هتقتنعش
ضعت مني يا سالم منك لله يا نواره ربنا ياخذك ضيعتي مني يا ابني حرام عليك تعمل فيا كده حرام عليك ابعد عنها ان كانت حلوه ولا شينا ابعد عنيها واختار اي واحده غيرها بس تكون بت بنوت .
صمم سالم بكل قوه
ما هبعدش يا اماي واذا كنت رافضه انت وابوي اني ولا عايزها ولا عايز غيرها ومش هتجوز خالص ولا تزعلي حالك انت وابوي بس اعملي حسابك ان الدنيا دواره وكما تدين تدان .
وتمر الايام والحال هو الحال منوره جابت لابنها مدرسه انجليزي بدل سالم لانها خا…ېفه على مصلحته وقررت انها ما تجيبش مدرسين رجاله البيت ثاني بالرغم من وجود واحده بتخدمهم وامها معاها في البيت الا انها خدت القرار ده علشان الناس اللي هتجيب في سيرتها عمال على بطول وما وراهمش غير سيره نواره راحت ونواره جت وكل يوم هتدعي وتحسبن عليهم علشان ظالمينها ومخلين سمعتها السيئه في الارض .
سالم كان حاسس ان هو نفسه يشوفها وحشته قوي فقرر ان هو يروح لها البيت على اساس انه هيدي ابنها الدرس وهيعتذر لها باي حاجه ودخل البيت لقيها قاعده في الجنينه كالمعتاد لكن كانت سرحانه فرمى السلام وهو حاسس ان مشتاق لها قوي
السلام عليكم يا اهل الدار كيفك يا ام بدر ما قلتيش اسال على استاذ سالم فينا وجرا له ايه
نواره ما بصيتلهوش وهو هيتكلم وردت عليه السلام بحدود
وعليكم السلام يا استاذ سالم انت بخير اهو الحمد لله والمفروض انت اللي كنت تسال على تلميذك وانت عارف ان ما ينفعش تغيب عنيه الفتره دي كلاتها وانت عارف برده اني ما احبش ولدي يهمل في دراسته او ينقص فيها وعموما انا جبت مدرسه غيرك .
اڼصدم سالم من طريقتها ومن كلامها اللي قالته وانها جابت مدرس لبدر غيره وهو تلميذه وهو اللي ماسسه من سنين سواء في المدرسه او في الدرس
ليه كده يا ام بدر كيف تجيبي له مدرس غيري وديه تلميذي يعني عشان حصل لي حبه ظروف تعمل كده لو سمحتي مشي المدرسه واني هرجع لبدر من تاني ما احبش حد يكمل مكاني وشغلي انا اولى بيه .
افتكرت نوارة كلام امه لما جت وهددتها وكملت بطريقه ناشفه علشان تخليه يبعد عنها هي مش ناقصه حد يجيب في سيرتها
—
ثاني تعبت من الناس ومن كتر ماذوها رغم انها منعزله عنيهم
معلش يا استاذ بدر احنا استغنينا عن خدماتك بمعنى اصح ولو سمحت ما تجيش البيت هناك تاني الله يسهل لك في مكان ثاني وعندي تلاميذ ثانيه .
انت ليه هتعملي كده يا نواره هو احنا مش في بيننا وعد وعهد
احنا ولا في بينا ولا وعد ولا عهد انت قلت لي كلمتين فض مجالس واني رديت عليك في نفس الوقت ودلوقتي غيرت رايي خالص ما عايزاش رجاله ومش هتجوز واجيب جوز ام لولدي ربنا يهنيك مع اللي هتسعدك .
انا مش مصدق نفسي انك نواره اللي هتتكلم بالجحود ده ليه هتتعاملي معايا بالطريقه دي وانت عارفه ان قلبي متعلق بيكي
هنا بقى امها