خيوط العنكبوت ٢

عاد سليم متعب من عمله وقبل أن يدلف لداخل الڤيلا وجد نفسه يتوجه إلى حوض الزهور الذي زرعه شقيقه بنفسه، تابع نمو الأزهار بنظرات فاحصة ليتفاجئ ببعض الورود ذابلة، يبدو بأنهم يشتاقون لليد التي كانت ترويهم كل صباح، تنهد بضيق ثم سحب مقعده ليصل إلى رشاش المياه ، فتح المحبس والتقط الرشاش بيده ثم بدء في ري الازهار بعناية وبعد أن أنتهى من مهمته أغلق المحبس ودلف لداخل الفيلا.

جحظت عيناه بصدمة عندما وجد “شاكر البدرواي” في انتظاره يجلس بالصالون مع والدته.
هتفت خديجة بجدية :
– تعالى يا سليم، عمك شاكر منتظرك من بدري
زفر بضيق بعد أن فاق من صدمته وهتف مرحبا به بفتور:
– أهلا وسهلا يا شاكر بيه، ثم استرسل حديثه قائلا:
– لو كنت أعرف أن حضرتك منتظرني أكيد ماكنتش اتاخرت عليك
هتف شاكر ببرود :
– محتاج اتكلم معاك على إنفراد، ده بعد إذن الهانم
ضيق جبينه ونظر إلى والدته قائلا:
– افتكر والدتي لازم تكون موجودة بم أن حضرتك جاي تتكلم في طلاق حفيدتك من اخويا، بس أعتقد غايب عنك أن القرار في ايد أسر مش في أيدينا
أبتسم بمكر وقال:
– مين قال إن جاي اتكلم في طلاق، لا خالص أنا جاي اتكلم في أمر تاني وأفضل أن والدتك ما…تكونش موجودة لأن الكلام اللي هقوله صعب الهانم تستوعبه
نظرت خديجة لابنها بقلق ، طمئنها بنظرة عيناه الحانية
هتفت بتوجس:
– خير أسر فيه حاجة ومش عاوزني أعرف
– الكلام اللي هقوله صعب أسر يعرفه ولو وصله الكلام ده أكيد مش هيكون بخير خالص
هتف سليم منفعلا:
– وضح كلامك واتكلم دغري مابحبش اللف والدوران
زفر انفاسه بهدوء ثم قال:
– الحرب اللي عملتها عليه لازم تنتهي وحالا وإلا
قاطعة باستهزاء:
– وإلا ايه يا شاكر بيه ، سليم السعدني مابيتهددش ولا بيتجبر ينفذ أوامر
نهض واقفًا ونظر له بغضب :
– أسر لو عرف أنك سبب تدمير حياته الزوجية مش هيسكت، لو وصله بس
خبر أنك ورا إصرار نور على الإنفصال منه بسببك أنت مش بسبب حد تاني
،اكيد هيكرهك ده غير أن حالته الصحية هتدهور وهيفقد الثقة فيك وفي كل اللي حواليه
ثم القي نظرة أخيرة على والدته وقال:
– عقلي إبنك يا هانم بلاش يلاعبني بأسلوبه ده عشان اللي هيتحرق بناره
هو أخوه مش أنا
ثم سار بخطوات واسعة مبتعدا عن الڤيلا واستقل سيارته عائدا إلي فيلته
يبتسم بانتصار، فقد انتصر السحرة على الساحر وانقلبت لعبته ضده ، فهو
يعلم أن ما فعله هو الصواب من أجل انقاذ حفيدته وشركته من الخسارة.