سج.ن العصفورة

صوت زقزقة عصفورة علي نافذة غرفتها …صوت المذياع المفتوح علي اذاعة القرآن الكريم…صوت ابيها سلطان وهو يوقظها كما اعتاد ان يفعل يوميا تغلغلوا لاعماق عقلها وهى نائمه….
قومى يا بنتى …اصحى عشان تفطري جهزتلك الفطار….
هبه فتحت عينيها بكسل.. شاهدت والدها يقف علي باب غرفتها ….فقفزت من فراشها فورا …
كده يا بابا ليه بس تعبت نفسك ..مش كفايه تعبك طول النهار في شغلك وتعبك في البيت بعد ما بترجع…تطبخ وتكنس وتنضف وبترفض مساعدتى ليك في شغل البيت عشان ازاكر …كمان بتحضر الفطار وتصحينى ..طب سيبنى يوم اخدمك انا
سلطان قال بحنان …
يا حبيبتى انا سامعك طول الليل سهرانه بتزاكري … كان لازم احضرلك الفطار واصحيكى
هبه غادرت السريربنشاط …مالت علي كف والدها وقبلته في امتنان ….
والدها عم سلطان …كل حياتها …من يوم ۏفاة والدتها وهى تلدها وليس لديها أي احد سواه في الدنيا …والدها كما يقولون مقطوع من شجرة. ..
وحيد بدون عائلة او أي اقرباء حتى من بعيد …ووالدتها ايضا كانت كذلك حتى عندما تزوج سلطان من فتاة طيبة القلب تحبه ..القدر القاسې لم يمهله وقت للسعادة واخذها منه يوم ولادة بنتهم الجميلة هبه …اسماها هبه لانها هبة من الله اعطاها اياه ليعوضه بها عن حرمانه من زوجتة الحبيبة…هدية السماء اليه… انارت ايامه القاحلة برقتها وجمالها…