خيانه

جني بحزن حاضر يا بابا… اوعدك اني اعمل المستحيل عشان بيتي وحياتي… انا مش هسمح ليها تاخد ابني مني ابدا وقتها هيبقي عليا وعلي اعدائي

…………………………

تاني يوم كانت واقفة جني قدام باب شقة حما*تها كريمة وبتخبط جامد

كريمة باستغراب وهي بتقوم تفتح

كريمة

ده مين اللي بيخبط كده ده

ولما فتحت الباب اتجمدت لحظة وهي شايفة جني واقفة قدامها.

بس نظرتها قوية بشكل يخض وعيونها مفيهاش دموع ولا ضعف زي كل مرة.

كريمة بسخ*رية

خير….. جاية ليه يا جني مش كنا فضيناها بقي ولا انتي هتاخديها حجة وكل شوية تنطيلنا

جني بثبات وهي داخلة

أنا مش جاية بتلكك يا طنط أنا جاية أتكلم واقولك كلمتين وخلاص

كريمة بابتسامة متعجرفة

كلمتين طب اتفضلي بس بسرعة عشان ورايا حاجات أهم منك

جني بهدوء متوتر

أنا عملت اللي انتي عاوزاه وطلبت الطلاق وبعدت عن مالك

وكسرت قلبي بنفسي عشان أختي ما تتخربش حياتها.

بس لحد هنا وبس ابني محدش هياخده مني ولو معقلتيش ابنك وخلتيه يسيببي ابني يبقي عليا وعلي اعدائي

كريمة بضحكة مستفزة بتخبي بيها توترها

ابنك ده يبقي حفيدي.

وانا أدرى الناس فين مكانه الصح.

وانتي مش قد مسىوليته بس انا بقي هسيبهولك ومش خوف منك بس انا مش ناقصة ۏجع دماغ

جني بنبرة هادية لكنها مليانة ڠضب مكبوت

علي فكرة انا لا جاية أتشرط ولا جاية أترجاكي…. بس عاوزاكي تفهمي حاجة واحدة يا كريمة

لو فكرتي مجرد تفكير تاخدي ابني مني… أنا هبوظ كل اللي انتي عملتيه بايدك وهخلي مالك يعرف كل حاجة

كريمة پغض*ب وهي بتقرب منها

انتي بټهدديني يا بت انتي

جني بنظرة قوية

اعتبريها زي ما تحبي.

بس خدي بالك أنا خلاص مبقتش چني اللي كنتي بتلعبي بيها زي العروسة.

أنا دلوقتي أم وأم لما تتوجع بتبقي وحش مايتقربش منه

كريمة بسخ*رية

آه واضح انك اتعلمتي تتكلمي بعد ما خرجتي من بيت ابني

عموما مټخافيش انا هتكلم معاه وهخليه يسيبلك المحروس اشبعي بيه

جني بحزن بس نبرة صوتها فيها ڼار

وانا هستني منه مكالمة يقولي انه خلاص هسيبلي ابني وقتها كل حاجة هتخلص لكن لو محصلش

هقوله على كل اللي انتي عملتيه

من أول تهديداتك وانك سبب الطلاق الحقيقي لحد خطتك انك تجوزيه بنت اختك وساعتها هو اللي هيحكم بينا.

كريمة بتوتر وقوة كدابة

وانتي فاكراه هيصدقك

هيصدق واحدة سابته وقالت إنها كرهتهولا هيصدق أمه اللي ربته