خيانه

مالك پغض*ب مكتوم

هي اللي بدأت يا امي وانا هندمها انها فكرت تلعب معايا انا

قال كدة مالك ومشي واتنهدت وقتها كريمة براحة وهي بتبتسم بخبث….

………………………….

تاني يوم كانت قاعدة جني مضايقة اوي وهي بتفتكر حياتها مع مالك وكان نفسها اوي تقوله الحقيقة بس للاسف..وانتبهت وقتها لصوت جرس الباب فراحت تفتح واتفاجأت بمالك قدامها

جني بلهفة

مالك…

مالك داخل بخطوات تقيلة و ملامحه كلها ڠضب مكبوت

ايه استغربتي ولا كنتي فاكرة إني مش هاجي تاني

جني بابتسامة صغيرة متوترة

بالعكس … كنت عارفة إنك مش طايق تشوفني بس لما شوفتك… قولت يمكن… يمكن واحشتك.

مالك بيضحك ضحكة قصيرة فيها مرارة

واحشاني لا والله….. انتي اللي واضح انك فاكرة نفسك لسه ليكي مكان عندي بعد اللي عملتيه

جني بتتجمد وصوتها بيتهز

مالك… هو ايه اللي جرى انت بتكلمني كده ليه وتقصد ايه بكلامك

مالك بحدة وهو بيقرب منها

بتسأليني ليه اسالي نفسك مش انتي روحتي وهددتي أمي

جني بخضة

بهدد أمك!انت بتقول ايه وهي اصلا قالتلك ايه

مالك بعصبية

قالتلي الحقيقة…. انك جيتي وقولتيلها اللي قولتيه… زي انك هتبوظي كل حاجة لو اخدت ابني منك وانك هتفضحيها وتكدبي وتقولي انها هددتك وطلبت منك انك تطلبي الطلاق

جني بخضة وهي بتقرب خطوة

لاااااا محصلش…. أنا مقولتش كده…. انا روحتلها عشان أطلب منها تبعد عن ابني مش أكتر بس مهددتش….انت ازاي تصدق كلامها عليا

مالك بعصبية مكتومة

ازاي ما أصدقش ما انتي عملتيها قبل كده… وعارفة ازاي تلعبي على العواطف وتخلي الناس تصدقك وتقول عنك انك بريئة بس المرة دي لأ أنا مش هديكي فرصة تلعبي بيا تاني يا جني

جني بعينين كلها دموع

يعني صدقتها ان أنا اللي غلطانة زي ما صدقت إن اللي بينا كله كان تمثيل مش كدة

مالك بيبصلها وهو بيحاول يخفي وجعه

اللي بينا انتهى من يوم ما طلبتي الطلاق وافتكري كلامي كويس… مش هسيبلك ابني ومش هتقدري تمنعيني منه.

جني بصوت متقطع

مالك… ابني محتاجني محتاج حضڼي…ارجوك متعملش كدة متبعدنيش عنه

مالك مقاطعها بحدة

ابني محتاج أبوه… وأنا مش هسمحلك تلعبي بيه زي ما لعبتي بيا…. ولو فاكرة إنك هتعيشي حياتك بعد ما تخلصي منب وتبعديه عني… تبقي غلطانة. أنا مش هطلقك ولو على چثتي يا جني والجوازة الحلوة اللي قولتي عليها لامي مش هفرحك بيها

جني بتبصله بۏجع ودموعها بتنزل