خالد ٢

عدت الى مصر لم اعلم الى اين اذهب ليس لى وجهه اتوجه اليه كنت قد حجزت فى احد الفنادق فى القاهره كما كنت على تواصل مع فريده صديقتى لم التقى بها منذ عام منذ اخر امتحانات لنا ولكنى كنت على تواصل معها باستمرار كانت هى الاخرى تعانى من مشاكل فى زيجتها ولكن بالتأكيد ليست كالمشاكل التى مررت انا بها هى من استقبلنى فى المطار واصطحبتنى الى بيتها لتناول وجبة الغداء تعرفت على أبنائها مروان ومريم ولم اتعرف على زوجها فقد كان بالعمل توجهت الى الفندق لاختلى بنفسى من جديد لا لن أشعر بالوحده لم اشعر سوى بنفسى فى مكان التقائى بخالد تلك الحديقه التى شهدت على حبى له وايضا شهدت على قسوته معى ولكنى اعطى له كل الاعذار الممكنه فله كل الحق فيما فعل اتمنى لو يعود بنا الزمان وأمحى تلك الستة سنوات من عمرى وأعود لخالد من جديد ولكنى لااعلم عنه اى شئ لا اعلم ماذا حل به واين ذهبت به الايام. فى منزل فريده محمد(زوج فريده):صاحبتك جت ومشت فريده:اه كان لازم تحضر الغدا معانا احرجتنى محمد:بقولك ايه انا مابحبش كلام الستات وبتخنق وانتى عارفه فريده:انا زهقت والله على طول مش فاضى على طول وراك شغل ايه فضى نفسك لنا شويه محمد:ياهانم انا مهندس وبلف طول النهار على المواقع عشان الشغل انما انتى قاعده فى التكييف طول النهار فريده:قلت لك اشتغل عشان احل عنك وانت مش راضى يبقى تستحمل بقى كل طلباتى محمد:اشتغلى يافريده اعملى اللى انتى عاوزاه فريده:بجد يامحمد موافق محمد:بس تحلى عنى ولاتقولى تعالى ودينا النادى تعالى خدنا من النادى فاهمه فريده:بس احنا لازم نخرج الولاد محمد:كل اسبوع ياستى زى الناس مش كل يوم فريده :خلاص اوك انا هاشوف شركات الادويه اللى محتاجه مناديب واقدم فيها محمد بتنهيده :اعملى اللى انتى عاوزاه مضى شهران كانت فرح تبحث عن شقه بسعر مناسب لكى تشتريها لتمكث بها فهى لن تقضى حياتها فى الفندق وبالفعل عثرت على شقه بسعر مناسب قامت بشرائها ولم يتبقى معها الكثير من الاموال لذا نوت ان تبحث عن عمل حتى تعول نفسها. فى شقة فرح الجديده فرح:انا مبسوطه اوى يافريده انى بقى ليا بيت باسمى اخيرا كيان مستقل هى الشقه صغيره بس حلوة فريده :دى جميله اوى وهواها حلو اشتريتها بكام فرح:ب 750 الف فريده:ليه هو ايهاب اداكى اد ايه فرح:اعطانى مليون جنيه باقى معايا يجى 200 هاشترى عربيه محندقه عشان اعرف اشتغل فريده:تعرفى ان محمد وافق انى اشتغل فرح:طب كويس كده ندور على اى شركة ادويه نشتغل فيها مناديب شغل الدعايه اسمع انه حلو ومعظم بتوع علوم شغالين فيه فريده:ده برده اللى فى دماغى انتى تدورى وانا كمان هادور فرح:فيه حاجه قبل ماادور على الشغل عاوزه اعملها وياريت تساعدينى فريده:عاوزه ايه يافرح قولى ياحبيبتى فرح بدموع:عاوزه اتحجب يافريده بابا كان رافض وايهاب كان رافض انا عاوزه اتحجب عاوزه اقرب من ربنا انا حابه الحجاب فريده وهى تضمها:حاضر ياحبيبتى هانزل معاكى نشترى من المحلات اللى انا بشترى منها بالفعل قامت فرح بالتسوق بصحبة فريدة وقامت بشراء قطع لابأس بها من الملابس الخاصه بالمحجبات فساتين رقيقه بأكمام طويله وحجاب يناسب كل قطعه. حينما عادت فرح الى منزلها ارتدت احدى القطع وقامت بارتداء الحجاب عليها نظرت لنفسها بالمرأه وظلت تبكى كثيرا وتقول فرح بدموع:انا اسف يارب اسفه بجد والله كان غصب عنى كان نفسى البسه وهما منعونى انا ماعشتش حياتى ابدا زى مانا كنت عاوزه بس من النهارده مش هاعمل اى حاجه تغضبك منى يارب نفسى افرح بقالى كتير اوى مافرحتش انا عندى حسن ظن بيك وبحبك بحبك اوى يارب كانت فرح تتكلم بطريقه هستيريه وتبكى تاره تضحك وتاره تبكى وتدور فى الغرفه فرحه بملابسها المحتشمه الجديده. كان خالد قد عاد الى مصر ملئ الايدى ملئ بالنجاح كون ثروه لابأس بها من اوروبا ونوى ان يعود الى مصر ويفتح شركة مستحضرات تجميل هو وصديقه محمود زميل كفاحه وكانوا بالفعل قد قامو بتوفير المكان وتوفير المنتجات وفتح خطوط انتاج قبل نزولهم من انجلترا. مضى شهران اخران كان العمل فى شركة خالد يسير على قدم وساق لم يعد لهم سوى توفير العماله قاموا بعمل اعلانات على مواقع التواصل الاجتماعى والجرايد القوميه وبرواتب عاليه جدا لجذب العماله. فى شقة فرح رأت فريده الاعلانات تبع شركة خالد فى الجريده أخذتها وذهبت مسرعه الى فرح فتحت لها فرح الباب فريده:فروحه شوفى قرأت فرح الجريده فرح:الله عليكى يافريده بجد بقالنا كام شهر بندور ومش لاقيين قال ايه عاوزين ناس فريش لسه متخرجه انما هنا فى الاعلان عاوزين لحد 30 سنه فريده:يابنتى واحنا يعنى كبرنا اوى دا احنا يادوب 26 سنه يعنى نغه لسه فرح:طيب يانغه انا هالبس ونروح نقدم بسرعه فى الشركه بالفعل قامت كل من فرح وفريده بالتقديم فى العمل لدى شركة خالد. فى مكتب خالد محمود:جالنا سيفهات كتير اوى ماكنتش متوقع خالد:قلت لك خلى الرواتب اعلى من اللى موجود فى السوق هتلاقى الف حد جالك محمود:طب يالا بقى عشان نروح خالد:يابنى تعالى نفحص ورق الناس هاناخد ناس طبعا ونرفض ناس من السى فى محمود:انا عارف انت ايه دينامو مش بتتعب خالد:يالا ياحوده ياحبيبى بدل مااعمل معاك الصح ظل خالد ومحمود يفحصوا السر الذاتيه التى قدمت لهم الى ان وقع فى يد خالد السيره الذاتيه الخاصه بها انتفض خالد من موضعه كان لدغته حيه خالد:مش معقول محمود:ماتتهد يابنى واقعد فيه ايه خالد:فرح يامحمود محمود:فرح مين خالد:فرح السيد منصور مقدمه على شغل هنا نهض محمود من موقعه:انت بتقول ايه فرح اللى كنت بتحبها مش بتقول انها اتجوزت وسافرت خالد:مكتوب هنا انها مطلقه محمود:وناوى على ايه طبعا هاترفض تشتغل هنا جلس خاالد على مقعده مرة اخرى خالد بجمود:سبحان المعز المذل بنت الباشا جايه تشتغل عند ابن السواق بعد ماذلته تفتكر ابن السواق ممكن يفوت الفرصه دى محمود:انت راجل متجوز ياخالد واللى بتفكر فيه ده مش تمام خالد:وانا هاعمل ايه يعنى ربك قاصد يرجعلى حقى منهم بس للاسف ابوها الفاسد مات فى السجن قبل مااخد حقى منه يبقى بنته تتحمل النتيجه مضاعف محمود:شكلها ايه دى ياصاحبى اللى عملت فيك كده خالد:تشوفها تقول ملاك خد شوف صورتها بس هى للاسف شيطان ماتعرفش هى عملت فيا ايه ولا الايام السوده اللى انا عشتها بسببها لحد دلوقتى لسه حكايتى معاها مأثره عليا مابحبش البنات الاغنيا مابحبهمش عشان كده وافقت اتجوز مى بنت خالتى من نفس طبقتى محمود:انت ناوى تعمل ايه ياخالد خالد:بص يامحمود انت اللى هاتعمل الانترفيوهات مع الناس ولازم تمضيها بسرعه على عقد العمل ولازم نعمل للهانم عقد مخصوص ليها هاتخدمنى ياصاحبى محمود:لو ده اللى هايريحك تمام ياخالد معاك للاخر عاد خالد الى الفيلا الخاصه به فوالده ووالدته رفضوا ان يتركوا شقتهم التى عاشوا فيها لسنين رفضوا الذهاب للعيش مع خالد ومى. فى فيلا خالد مى:اهلا يادكتور خالد لسه فاكر ان ليك بيت خالد:فيه ايه يامى ماانتى عارفه انى بجهز للشركه مى:انا زهقت وتعبت انى دايما فى هامش حياتك خلينى اجى اشتغل معاك فى شركتك خالد بغضب:قلت لك الف مره لاء يعنى لاء مى بصوت عالى:انا تعبت وارفت انا عاوزه اشتغل امسكها خالد من ساعديها بحزم:صوتك مايعلاش والا هاتتحملى انتى نتيجة كلامك ده هنا بكت مى قائله:انا عارفه عشان مش بخلف انتى ماعدتش طايقنى وهاتتجوز عليا زى ماخالتى عزه بتقولك على طول خالد بصدمه:انتى بتتجسسى عليا انا وامى يامى مى بنفى:لا والله انا سمعتكوا وانتوا بتتكلموا وهى هنا المره اللى فاتت وبتقولك انها عاوزه تشوف خلفك وانك عادى تتجوز تانى خالد:وليكن من حقها تشوف حفيد ليها من ابنها الكبير مى:بتعايرنى ياخالد دى حاجه فوق ارادتى خالد:بصى يامى انا عمرى مااتكلمت معاكى فى الموضوع ده بس طالما انتى بتنبشى انا لسه ماقررتش اى حاجه بس اوعدك لما اوصل لقرار هاعرفك مى:تفتكر لو انت كان فيك العيب كنت هاطلق منك عشان اتجوز واخلف خالد:لو كان كده اه حقك تطلبى الطلاق فى الحاله دى مى:وحقوقى عليك فين ياخالد خالد:انتى عايشه ملكه اى حد بيحسدك مى:ابسط حق ليا ان جوزى ينام جمبى حارمنى منه خالد بهدوء:انا من اول يوم قلت لك مش يعرف انام جمب حد ووافقتى ماتجيش تطلبى حق اتنازلتى عنه من الاول الحياه مواقف لو كنتى اخدتى موقف كنت اكيد هلاقى حل يريحك مى بدموع:وحقوقى التانيه اللى بشحتها منك انت عمرك ماقلتى لى بحبك خالد:مى ياحبيبتى الحب ده وهم صدقينى مافيش حاجه اسمها حب عيشى يامى واسكتى مى:بس….. قاطعها خالد بصرامه:انا تعبان وعاوز انام لوسمحتى تصبحى على خير ذهب خالد الى النوم ليس فى تفكيره سوى فرح لم يأتى له النوم من كثرة الافكار التى كانت تداهم عقله ظل يخطط ويضع خطط للانتقام منها فهل سينتصر ام لا؟ الفصل العاشر والحادي عشر كانت ليله طويله على خالد لم يعرف النوم طريقه كلما أغمض عينيه لكى ينام كانت صورتها تتجلى امام عينه تاره يخطط لكى ينتقم منها وتاره اخرى يتذكر قصته معها ولكنه توصل فى النهايه الى حل يرضى جميع كيانه من كل شئ نوى ان يكون الوحيد المستفيد فى تلك الحكايه نعم نوى خالد ان ينتقم وان يحصل عليها فى آن واحد بل نوى ان يحصل منها على طفل وتلك كانت خطته. مر اسبوع وتحدد يوم المقابله بالتأكيد كان محمود فقط من يجرى معها المقابله والحق يقال انه قد تفاجأ بجمال فرح بل تفاجأ انها محجبه فالصوره التى رآها لها كانت بدون حجاب كان خالد فى غرفه مجاوره يستمع للحديث الدائر بينها وبين محمود. فى غرفة الاجتماعات محمود:انتى ماشتغلتيش قبل كده يامدام فرح فرح:لا يادكتور ماشتغلتش بصراحه بس انا عندى استعداد انى اعطى كل طاقتى للشغل محمود:ممكن اعرف ليه ماشتغلتيش قبل كده فرح:عادى انا اتجوزت وسافرت كندا ولسه راجعه محمود:مكتوب عندى انك مطلقه هل فيه اطفال عشان انتى عارفه طبيعة شغلنا الاطفال بتعوق فرح:لا انا ماعنديش اطفال متفرغه تمام للشغل وكمان انا معايا رخصه وعندى عربيه يعنى اعتقد ان دى ميزه فى شغل الدعايه محمود:عظيم جدا انتى accepted يامدام فرح ان شاء الله لما نخلص مقابلات هانتصل بيكى تيجى تمضى العقد فرحه بابتسامه:متشكره اوى يافندم خرجت فرح مليئة بالسعاده انها قد نالت وظيفه اخيرا كان خالد بداخله شئ يريد رؤيتها ولكنه بالتأكيد لن يستطيع رؤيتها فى الوقت الحالى. اما فريده فقد تقدمت الى المقابله ولم تقبل فهى لديها طفلان وهم يريدون موظفين متفرغون فقط للعمل. بعد ذهاب فريده وفرح خالد:ها عملت ايه محمود:البت عسل ياخالد ليك حق تبقى مهووس بيها خالد بضيق:مهووس بمين ياعم ماقلت لك عاوز أرد لها محمود:طب عينى فى عينك كده خالد:انجز عملت ايه محمود:ماانت سمعت الحوار كله انت هاتمثل خالد:كانت فرحانه بموافقتك محمود:كانت طايره بس استنى هنا مش هيا مش محجبه امال ليه كانت لابسه حجاب خالد باندهاش:ايه انت بتقول ايه كانت لابسه حجاب فعلا محمود:اه لابسه لبس محترم جدا فستان جميل لونه كشمير وله حزام وكوتشى ابيض وجزمه بيضا بصراحه قمر ياخالد لايعلم خالد لما تضايق من كلام محمود عنها بتلك الطريقه خالد:محمود لو سمحت بطل طريقتك دى وماتتكلمش عنها كده محمود:خلاص ياعم اهدى على اعصابك انا بنكشك خالد:ياسيدى من الاخر انا ناوى اتجوزها محمود:وده اسمه ايه ان شاء الله خالد:اسمه انى لما اتجوزها النقص اللى جوايا من ناحيتها هايروح وهارد لها براحتى وهاتجيبلى طفل يحقق امنيتى محمود بصدمه:تفتكر مى هاتوافق خالد:ماقدمهاش اى اختيارات تانيه انا امى بالفعل بتجيبلى عرايس محمود:بس قاطعه خالد:مابسش يامحمود انا هاتجوزها قريب وهاتشوف فى شقة فرح فريده:انا زعلانه خالص كان نفسى اشتغل يافرح فرح:ماتزعليش ياحبيبتى عارفه يافريده انا لو عندى عيله حلوه كده زى عيلتك عمرى ماهفكر اشتغل واسيبهم بس انتى عارف ظروفى فريده:فرح انا مبسوطه عشانك اوى بس انا كنت عاوزه اثبت لمحمد جوزى انى اقدر انجح واشتغل ويبقى لى كيان فرح:انا مش فى سباق يافريده مين يثبت لمين الحياه الزوجيه مش كده الحياه الزوجيه مشاركه انتوا الاتنين فى مركب واحد فريده:غريبه انك انتى اللى بتقولى الكلام ده ضحكت فرح بمراره:ماهو عشان انا اتجوزت جوازه فاشله بكل المقاييس مش عاوزاكى انتى كمان تفشلى زى جوزك كويس صدقينى وبيحبك فريده:انتى لحد دلوقتى ماحكتيش ليا اى حاجه عن جوازتك من ايهاب وعن سبب انفصالك عن خالد فرح:بالله عليكى يافريده مش عاوزه افتح فى القديم سيبيه مدفون كل اللى عاوزاكى تعرفيه ان جوازتى من ايهاب كانت فاشله بكل المقاييس انا مش عاوزه احكى مش عشان مش واثقه فيكى لا اطلاقا انا عاوزه انسى اللى فات نفسى انسى واعيش فريده:حبيبتى بكره ربنا يرزقك باللى يفرحك وتتهنى صدقينى مر الاسبوع وذهبت فرح لكى تمضى عقد العمل لكل تبدأ عملها فى شركة خالد وبالفعل تم امضاء العقد كان خالد يختفى عن الانظار حينما تأتى هى الى الشركه حتى لاتراه فذلك ليس الوقت المناسب لكى تراه. فى فيلا خالد مى ببكاء:ياماما بقولك خالتى بتزن عليه يتجوز بسلامتها عاوزه حفيد عليه:ماهى قالتلى يابت يامى وبتقول حقه يتجوز مى :اعمل ايه ياماما انا ممكن اموت فيها عليه:بصى يامى هو كده كده هايتجوز يبقى تيجى منك انتى احسن بدل ماتلاقيه متجوز وجايبلك واحده تخليه يطلقك احنا هانجيب له واحده محتاجه ونبقى مسيطرين احنا عليها ولما تخلف ناخد منها العيل ونديها مبلغ وبكده تبقى العمليه بسيطه وتكسبى ياهبله خالص مى وهى تمسح دموعها:تفتكرى هايوافق عليه:ومايوافقش ليه انتى بتحليها له اهو مى:انتى عارفه هو عارف ربنا اد ايه ممكن مايرضاش اننا نكتب العيل باسمى عليه:شوف بنت الهبله وانا قلت هانكتبه باسمك قلت اننا هاناخد العيل منها ونعطيها مبلغ مالى بسيط كده خالص وبكده مافيش حاجه حرام هانعملها جواز على سنه الله ورسوله والعيل متسجل باسم امه مى بحزن:كان نفسى اوى انا اللى اجيب طفل من صلبى ليه ياماما عليه:ماتحاولى كده تانى يامى جايز تحملى مى:فى حالتى دى استحاله ياماما انا اصلا عندى ضمور جامد فى الرحم وكسل فى المبايض الدكاتره قالوا انى كده عقيمه عليه وهى تحتضن مى:حبيبتى يابنتى عاد خالد الى المنزل وجد مى متأنقه فى قميص نوم حريرى من اللون الاحمر مى:حبيبى رجعت مستنياك من بدرى خالد:معلش كان ورايا شغل مى:خالد طبعا انت عارف انا اد ايه بحبك واد ايه عاوزه ارضيك خالد:فيه ايه يامى مالك مى وهى تجذبه من يده باتجاه الاريكه:تعالى بس اقعد وانا هافهمك خالد:ادينا قعدنا فيه ايه بقى مى:اتجوز ياخالد انا اللى بقولك اتجوز عشان تخلف انا هتخلى عن كبريائى وكرامتى عشان بحبك خالد بصدمه:ايه اتجوز مى بدموع:اه ياحبيبى اتجوز وخلف كان خالد لايعلم كيف سيبلغها انه سيتزوج للانجاب ولكنها لاتعلم ان بذلك الكلام قد سهلت الطريق له خالد:انت مقتنعه باللى بتقوليه يامى مى ببكاء:انا بحبك وانت حب عمرى وحب شبابى وعاوزه اشوفك احسن حد فى الدنيا واكيد زيك زى اى راجل نفسه فى اولاد وان كان ربنا مااردش انى اجيب لك الطفل اللى انت عاوزه فاتجوز واحده تانيه تقدر تجيبه ليك خالد وهو يضمها:ياه يامى للدرجه دى بتحبينى مى وهى تشدد من احتضانه:واكترمن كده ياحبيبى ابتعدت عنه مى قائله بس انا ليا طلب عندك لو سمحت خالد اتفضلى مى:سيبنى انا اختار لك الست اللى هاتتجوزها ويبقى الطفل بينى وبينها خالد بانزعاج:مى انا مش عيل عشان تختارى ليا حد انتى عارفه انى مابحبش حد يجبرنى على حاجه سيبى الموضوع ده ليا انا وبالنسبه للطفل انا موافق يكون بينك وبينها هى هاتكون ام واكيد مش هاترضى تسيب ابنها مى بغضب:يعنى قصدك انك هاتخلى اللى هاتتجوزها على ذمتك على طول خالد:امال مين اللى هايربى عيالها اللى هما هايكونوا عيالى انقلبت الامور على رأس مى هى لم توضح له نيتها فقد كانت تنوى ان تتفق مع السيده التى سيتزوجها على كل شئ وتجعلها تترك وليدها وتذهب مى:انا اللى هاربيهم وهى تطلقها وتمشى خالد بسخريه:الكلام ده بيحصل فى الافلام وبس يامى انتى عارفه زن العيله عليا عشان اتجوز وانا محافظ على مشاعرك بقالى اربع سنين ياريت انتى كمان تقدرى مشاعرى جاءت مى لتتكلم ولكن خالد قال خالد:بس قولى لى تعالى ايه القمر ده القميص تحفه عليك تعالى نطلع فوق اقولك حاجه مى بفرحه:بجد عجبك خالد :اوى يامى اصطحبها خالد الى غرفته بل لينسيها ماتم بينهم وينهى ذلك الحديث هو يعطيها كل الاعذار ويعلم انها تعانى ولكن لارجعة عما ينويه. مر شهر على وجود فرح فى الشركه كان خالد يختفى فى وقت دلوف فرح الى الشركه وقرر انه آن الاوان لكى يتواجهوا كانت فرح تعمل بجد وتجتهد حتى تستطيع ان تقنع اكبر قدر من العملاء بمنتجات الشركه وبالفعل كانت تبلى بلاء حسنا من اوول يوم لها بالعمل. ارسل محمود الى فرح محمود:مدام فرح شغلك كويس وarea manager مبسوط منك بيقول حققتى معدل بيع حلو الشهر ده فرح :متشكره اوى يافندم محمود:المدير العام عاوز يشوفك ويتكلم معاكى بخصوص الشغل فرح:مش حضرتك المدير العام محمود:لاء انا المدير التنفيذى المدير العام أوضته فى الدور التالت هو منتظرك حالا توجهت فرح الى الدور الثالث لتقابل المدير العام كانت متأنقه فى فستان طويل الاكمام بلون سماوى واكمام بيضاء وحزام ابيض من الخصر وحذاء ابيض وحجاب من اللون الابيض المطعم بالورود السماويه من يراها يظن كأنها ورده هبطت من السماء كانت جميله بحق فى حجابها. فى هذا الوقت أبلغ محمود خالد ان فرح فى طريقها اليه ظل خالد يأخذ انفاسا طويله ويخرجها علها تهدأ من حالته التى سيطرت عليه لمجرد علمه انها قادمه اليه طرقات السكرتيره الباب تخبره انها بالخارج أذن لها بالدخول دلفت فرح الى مكتب خالد بابتسامه رقيقه وماان رأته حتى تجمدت فى مكانها. الفصل الحادى عشر لحظات يتوقف فيها الزمن تشعر كأنك لاتسمع أحد كأنك عزلت عن العالم ووقفت فى نقطه واحده لاتستطيع الحياد عنها كأن طنين بدء للتو يتسرب الى أذنيك لا انت قادر ان توقفه ولا انت قادر ان تنسحب أنفاس عاليه هى فقط المسموعه حولك تكاد تقسم ان قلبك سينفجر بين ضلوعك تريد ان تغلق عينك وتفتحها مرة اخرى ولكن تشعر ان قوه جبريه تجعل عيناك جاحظتان. اتسعت عين فرح وتجمدت فى مكانها بل تجمد أيضا الدم فى عروقها كان الحال عند خالد ليس بأفضل من عندها ضربات قلبه فى تزايد ينظر لها كأنه يرى حبيبته السابقه أقسم داخل نفسه انها بالحجاب أميره كما تمنى دوما ان يراها به. نهض خالد من مقعده ووقف أمامها مباشرة كلاهما ينظر الى الاخر صمت دام لدقائق قاطعه خالد وهو يمد يده ليسلم عليها خالد بابتسامه :ازيك يافرح نظرت فرح الى يده الممدوده لها لكى تصافحه ولاتعلم كيف رفعت يدها ووضعتها فى يده ظل خالد ممسكا ليدها وينظر لها فى عينيها دون ان يتكلم كانت فرح فى حاله لايرثى لها لاتعلم ماذا تفعل هل بحق هو صاحب تلك الشركه قاطع تفكيرها خالد وهو يترك يدها ويقول خالد:اهلا بيكى فى شركتى هاتنورى الفريق بتاعنا كانت فرح تنظر اليه فقط ولاتعرف ماذا تقول هل كان يعلم انها تعمل هنا وكيف لم تراه فى الفتره السابقه وكأن خالد علم مايدور برأسها تنهد قائلا -انا كنت مسافر وشوفت السى بتاعتك فى وسط السيفهات بتاعة الموظفين وفرحت اوى لما عرفت انك بتشتغلى معانا وعشان كده طلبت انى اقابلك فرح بصدمه تحاول ان يخرج صوتها طبيعيا -عامل ايه يالله على هذا الصوت الذى لطالما عشقه دائما نظر له بود -انا كويس سافرت اوروبا واشتغلت ووصلت للى انتى شايفاه دلوقتى كانت فرح تود ان تخبره انها توحشته دائما وانها لطالما حلمت به يوميا فى احلامها ومن الواضح انه يعاملها بهدوء ليس مثل آخر مره تقابلوا فيها خالد:ايه هاتفضلى ساكته كده كتير اتكلمى فرح بهدوء:انت بجد مرحب بيا هنا لو هاسبب ليك اى ازعاج من اى نوع انا ممكن امشى خالد وهو يشر لها الى الاريكه الجانبيه:بالعكس انا فرحان جدا اننا هانرجع نتقابل تانى ولو على اللى حصل زمان ياستى احنا كنا لسه عيال صغيره وانتى كنتى لسه مانضجتيش وحقيقى لو بتحترمينى وبتعزينى ماتجبيش سيرة الماضى وتعالى نفتح صفحه جديده نكون فيها اصدقاء من تانى فرح بجمود:اصدقاء من تانى خالد:ايوه يافرح اصدقاء وليه لاء الصداقه لايمكن انها تنتهى او تتخان تنهدت فرح بقوه لاتعلم ماذا تقول هو يضغط عليها بحديثه هذا تشعر انه يقلل منها ويراها بعين دنيا لاتعلم لما تسرب لها هذا الاحساسا منه بل ولا يستحى ويطلب منها الصداقه توترت أكثر حينما رأته يتفحص كل انش بها بعين جريئه لا اراديا منها هندمت طرحتها على صدرها ولاحظ هو توترها فرح وهى تقف من مكانها:حضرتك لسه عاوز منى اى حاجه انا مبسوطه اوى انى شفتك خالد وهو يقف بدوره امامها:فرح حضرتك ايه انا خالد تعالى نتغدى سوا النهارده نظرت له فرح بتعجب حقيقى هل معقول ان تكون تلك هى المواجهه بينهم بعد كل تلك السنوات يطلب منها الخروج والتنزه على عكس اخر مره رآها فيها تماما تعجبت هل يريد ان يسخر منها ويرد لها مابدر منها فى الماضى الى هذه النقطه ام يريد ان ينتقم منها ويريها انه اصبح فى افضل حال هنا انتفضت قائله -انا ورايا شغل مضطره امشى يافندم بعد اذنك أولته فرح ظهرها وماان وضعت يدها على المقبض وفتحت الباب حتى وجدت الباب يقفل ويدان تحاوطانها استدارت فرح وأسندت ظهرها على الباب كان وجه خالد قريب جدا من وجهها تنهد قائلا -انا مش عارف انتى فهمتى ايه منى عشان تمشى وتسيبنى بس انا عاوز اقولك انك مازال ليكى معزه كبيره فى قلبى ياريت ماتفهمنيش غلط تنهدت فرح من قربه المباشر اليها ونظرت له فى عينه الى تلك النقطه ولم يتمالك خالد أعصابه وابتعد على الفور عنها حتى لايتهور بأى شئ يندم عليه بعد ذلك خالد بابتسامه:موافقه نفتح صفحه جديده ننسى فيها الماضى بكل مافيه فرح:خالد انا هنا جايه اشتغل مش جايه افتح صفحات سيب الماضى للماضى انت هنا مدير وانا موظفه عندك ياريت تكون فهمتنى خالد:فاهمك يافرح فرح:ممكن امشى بقى خالد:اتفضلى غادرت فرح سريعا من أمامه لاتعلم كيف تماسكت هكذا امامه أقسمت ان بقيت دقيقه واحده كانت ستبكى أمامه لذا هرولت سريعا بمجرد ان صعدت الى سيارتها حتى انفجرت فى البكاء فى شقة فريده دقت فرح الباب بطريقه هستيريه فتحت فريده بخوف -فرح حبيبتى مالك فيه ايه فرح ببكاء وهى تحتضن فريده:فريده خالد هو صاحب الشركه فريده بصدمه:قصدك خالد ابن عم فتحى مش معقول فرح:والله هو هو يافريده فريده وهى تجلسها على اقرب مقعد:اهدى كده هاعملك ليمون يهديكى وتحكى لى كل حاجه هدأت فرح قليلا بعد تناول الليمون وبدأت فى سرد ماحدث لفريده وتفاصيل المقابله فريده:بس كل اللى بتحكيه ده عادى يعنى هو ماعملش حاجه تخليكى كده فرح:فريده بقولك بصاته الجريئه كأنه بيفصلنى طريقة كلامه غريبه انا عارفاه مش دى طريقته وكان عاوز يعزمنى على الغدا كمان فاكرنى هوافق فريده: اه بقى الحكايه كده فاكر انك خلاص محوجه له وهاتخرجى معاه اسمعى يافرح انتى لازم تبقى قويه ادامه ماتضعفيش استنى هنا انتى لسه بتحبيه فرح ببكاء مرير:وهو انا كنت حبيبت غيره ولو انى اتجوزت ايهاب انتى عارفه بابا ماكنش هايرضى بخالد وأجبرنى انى اتجوز ايهاب لم تحكى فرح لفريده عن ضغوط والدها على خالد وانه كان السبب وراء دخول خالد الحجز لحين التحقق من هويته لم تريد ان تذكر والدها بسوء فهو ميت ولاتنقصه السيره السيئه فريده:طيب اهدى انتى ناويه على ايه فرح:اه انا طول عمرى ضعيفه وجبانه ومش بعرف اخد حقى بس عندى كبرياء مش هاسمح انى اكون لعبه فى ايد اى حد عشان يذلنى خالد اتغير اوى مش ده اللى حبيته ابدا فريده:استنى هنا هو اتجوز ولا لاء فرح :مااعرفش بس مش لابس دبله ولا اى حاجه فريده:ممكن يكون مااتجوزش دا عنده يجى واحد وتلاتين سنه فرح:مااعرفش يافريده انا هقوم اروح فريده :طيب استنى اتغدى فرح وهى تنهض للذهاب:لا انا ماشيه سلام ذهبت فرح الى شقتها حالتها لايرثى لها أفكار تأتى بها وأفكار تذهب بها ماهى تلك الطريقه الناعمه التى تحدث بها فى مكتب خالد دلف محمود اليه وجده شارد الذهن قاطع تفكيره قائلا محمود:ها نقول مبروك خالد:انت عبيط يابنى انت فين طول النهار محمود:بعتلك المزه ورحت اقابل عملا خالد بغضب:دى اخر مره اقولك ماتتكلمش عنها كده يامحمود انت صاحبى محمود بابتسامه:خلاص ساعم قولى بقى عملت ايه خالد:اللى فى دماغى ماشى زى مانا عاوز محمود: وهو ايه اللى فى دماغك خالد وهو ينهض للذهاب: بكره تعرف سلام فى اليوم التالى كانت فرح فى منطقة عملها تمر على أطباء الجلديه لتحاول اقناعهم وتشرح طريقه استخدام والمواد الفعاله فى منتجاتها الى ان اتاها اتصال من محمود يخبرها انه يريد ان يراها فى الشركه جاءت لتتعلل ولكنه أخبرها ان تأتى لكى تأخذ راتبها الشهرى بالفعل ذهبت فرح الى الشركه وذهبت الى مكتب محمود ولكنها لم تجد محمود وجدت خالد فى مكتب محمود فرح وضربات قلبها تتزايد:دكتور خالد الدكتور محمود طلبنى امال هو فين خالد وهو ينهض من المكتب ويذهب اليها بابتسامه وصافحا اياها وبالطبع صافحته فرح ولكن خالد امسك يدها وهو يسلم عليها نزعت فرح يدها منه قائله -طيب لو دكتور محمود مش موجود انا هابقى اجى وقت تانى همت فرح بالذهاب ولكن خالد امسك ساعدها برفق قائلا -بتهربى منى ليه وايه دكتور خالد اللى بتقوليها دى نظرت فرح الى يده الممسكه بذراعها وتأففت من الوضع لما يريد دائما ان يقربها اليه فرح وهى تبتعد عنه -خالد ممكن اطلب منك طلب خالد وهو يترك يدها:اطلبى فرح:احنا هنا فى شغل وانا عارفه انك مانستش اللى حصل زمان مش طبيعى انك تنسى لو سمحت زى ماانت قلت تعالى نفتح صفحه جديده بس موظفه وصاحب الشغل كانت فرح تتكلم وخالد ينظر اليها كأن حبيبته عادت للتو من الموت وبعثت فيها الروح من جديد رقتها البالغه وجهها الرقيق فرح:هاتفضل ساكت كتير رد عليا خالد:لو على اللى حصل زمان فانا فعلا نسيت فرح:بس اخر مره اتقابلنا فيها انت قاطعها خالد:عارف قسيت عليكى وسمعتك كلام وحش بس اكيد انت عاذراني فرح بلهفه:اعطيتك الف عذر انا كمان كنت وقتها صغيره ومش ناضجه خالد :انا قلت لك كده تعالى نفتح صفحه جديده نتعرف فيها من اول وجديد فرح:تفتكر ينفع خالد:وهو يقترب منها:ينفع صدقينى رأت فرح الرغبه فى أعين خالد اليها هل يمكن ان ينظر اليها انها امراه مطلقه ويطمع بها الة تلك النقطه تراجعت للخلف قائله: -فرح:خالد لو سمحت كفايه لحد كده انت مش طبيعى صح عاوز تفهمنى انك جاى بعد كل السنين دى وتقولى تعالى ننسى الماضى ونتعرف من تانى خالد:وليه لاء فرح:وليه اه خالد وهو يقترب منها الى اقرب مكان:عشان لسه بحبك الفصل الثانى والثالث عشر انهى خالد لحظته المشتاقه بتلك الجمله ونظر لفرح فى عينيها ليرى رد فعلها وجدها تنظر اليه بأعين متسعه ووجه أحمر قانى فسر هو ذلك انها راضيه لذا بادر بالاقتراب منها مرة اخرى ولكنها قامت بابعاده عنها قائله بصوت مرتفع: -هو ده اللى انت عاوز توصله ايه ياخالد مفكرنى ايه قلت اتطلقت لما اتسلى بيها شويه فوق ياخالد انا فرح انا فرح اعمل حسابك ان ده اخر يوم ليا هنا ماعدتش عاوزه اشوفك فاهم يا خسارة يا الف خساره هنا لم تتمالك فرح نفسها وخانتها دموعها ركضت من امامه مسرعه والا ستنهار اكثر من ذلك امامه كانت تجرى فى ممرات الشركه دون ان تنظر الى احد حتى محمود قابلها ولم تنظر اليه جلس خالد على مكتبه واضعا رأسه بين يديه يتنهد بقوه الى ان جاء محمود متعجبا من حالة هؤلاء محمود مستفهما:فيه ايه يابنى مالك شكلك مقلوب ليه وفرح مقابلنى بتجرى وبتعيط خالد بغضب:ماحصلش حاجه حل عنى محمود:فيه ايه ياصاحبى عرفنى قص خالد لمحمود ماحدث بينهم منذ قليل محمود:يعنى ايه هاتمشى بجد بس انت ناوى اننا واخدين عليها شرط جزائى خالد نافيا:لا الشرط الجزائى ده خليه اخر حاجه لو ماجتش بالحسنى بس انا عارف انه هاتلين محمود:وايه اللى وصلك الاحساس ده خالد بابتسامه متذكرا لحظة قربه منها وسكونها بين يديه دون اعتراض:ماتشغلش بالك انت ياصاحبى عاوز عنوان الشقه اللى هى قاعده فيها خلى حد يجبلى السى فى بتاعها محمود:ناوى على ايه بس خالد:هاتعرف بس اصبر فى شقة فرح كانت فرح تتحدث هاتفيا مع والدتها فرح:ماما انتى واحشانى اوى عاوزه اشوفك ميرفت:انا قلت لعمك حسين وهو هاينزلنى عشان اشوفك وهاقعد معاكى كمان فتره ياروح ماما فرح:هاتيجى امته ميرفت :هاظبط الدنيا وهاعرفك هنا دق جرس الباب ميرفت:انتى مستنيه حد يافرح فرح:اه فريده قالت هاتعدى عليا بعد ماتجيب ولادها من النادى هاقوم انا افتح لها اغلقت فرح الهاتف مع والدتها ونهضت كى تفتح لفريده كما ظنت بملابس البيت العاديه منامه قطنيه وشعرها منسدل على ظهرها فرح هى تفتح الباب :فري لم تكمل فرح كلمتها حين رأت الطارق ركضت على الفور الى الداخل وارتدت روب ثقيل وحجاب فرح:انت ازاى تيجى بيتى وانت عارف انى عايشه لوحدى خالد:طيب ممكن ادخل ونتكلم فرح:انت مستوعب انت بتقول ايه بقولك عايشه لوحدى خالد:البسى وانزلى هاستناكى فى العربيه هانقعد نتكلم فى اى مكان وهافهمك كل حاجه فرح:بس قاطعها خالد:ارجوكى يافرح اعطينى فرصه فرح:طيب انزل وانا هاجيلك اهو ابتسم لها خالد وهبط الى الاسفل ينتظرها

مقالات ذات صلة

اشتغلت سواقه تاكسي

وعد وعلي الجزء ٢٤

سبر أغوار قلبي ٤

وصلت لسن الثلاثين ولم اكن ملتزم بالصلاة وبدأت بالالتزام هل علي اقضي ما فاتني ام اتوب واستغفر فقط

المقدمه والبداية ج الاخير

حب حادق ١ـ٤

اترك تعليقاً إلغاء الرد