قرار صادم ج الاخير

بالخير، لكن لحد كرامتك… كل حاجة بتقف.
مرت الأيام الخمسة الجايين بصعوبة.
الموبايل مابينسكتش. أختي التانية سمر بتتصل وبتلومني
إزاي يا حسام متجيش خطوبة بنت أختك؟ إنت كده بتفرح الغريب فينا!
رديت عليها كلمتين اللي يحترم مراتي أحطه فوق راسي، واللي يقل منها ينسى إنه يعرفني.
جه يوم الخطوبة…
اليوم ده كان أصعب يوم عدى عليا. من الصبح وأنا حاسس بقلبي مقبوض. أنا خال العروسة، وكان المفروض أكون واقف بستقبل الناس وبفرح مع بنت أختي. لكن كرامة بيتي كانت أهم.
سحبت ندى والعيال زياد ومريم، وقلت لهم
يلا بينا… النهاردة يوم فسحة.
أخدتهم ونزلنا. أخدتهم أكلنا في مكان حلو، وجبت ل ندى طقم جديد كانت نفسك فيه من فترة وماكانتش بترضى تطلبه عشان توفر. وجبت ل زياد ومريم ألعاب جديدة.
طول اليوم، ندى كانت بتبصلي بابتسامة فيها امتنان غريب… ابتسامة ست حاسة إن ليها ضهر وسند بجد.
بالليل، وأحنا راجعين في التاكسي، موبايلي رن.
لقيت رقم مي بنت أختي… العروسة بنفسها.
رديت بصوت هادي
ألف مبروك يا مي… مبروك يا حبيبتي.
سمعت صوت مي على التليفون پتبكي، قالتلي
إزيك يا خالو… إنت مجيتش ليه يا خالو؟ الفرح ملوش طعم من غيرك… والله أنا ما كنت أعرف ماما قالت إيه للست طنط ندى، أنا عرفت بالليل وأنا بلبس الفستان واستغربت إنكم مفيش… أنا أسفة يا خالو، متزعلش مني.
قلبي حن ل مي… البنت ملهاش ذنب في أفكار أمها.
قلت لها
ألف مبروك يا مي، إنتي زي مريم بنتي، وأنا مش زعلان منك إنتي. ربنا يسعدك ويتمملك على خير يا حبيبتي، وهجيلك أنا ومراتك نباركلك في بيتك لما تستقري.
قفلت مع مي، وبصيت ل ندى لقيتها بتبتسم وتقولي
ربنا يفرحها ويتمملها بخير يا حسام… البنت ملهاش ذنب.
عدت الأسابيع…
وأختي عبير اكتشفت إن الحركة اللي عملتها مازدتهاش غير صغر قدام نسايبها الجداد، لما سألوا في القاعة فين خال العروسة؟ وأمي ماعرفتش ترد وتداري، وأختي اضطرت تتكسف قدام الناس إن أخوها الوحيد مش واقف في ضهرها.
عرفت عبير وقتها إن اللي كان بيسترها وبيكبرها هو أخوها ومراته اللي كانت شايلاها.
بعد شهرين، لقيت باب الشقة بيخبط.
فتحت… لقيت أمي الحاجة سناء ومعاها أختي عبير.
عبير كانت داخلة ووشها في الأرض، وبنتها مي شايلا صينية حلوى في إيدها.
دخلوا الصالة… عبير بصت ل ندى وقالت بصوت مكسور
سامحيني يا أم زياد… أنا حيطان بيتي كانت دايرة عليا بالهم، والشيطان دخل بيننا وخوفني من الهوا الطاير… أنا عرفت قيمتك وقيمة أخويا لما ملقتوش جنبي في أكتر يوم كنت محتاجة وجوده فيه.
ندى ما فكرتش ثانية واحدة…
قامت من مكانها، حضنت أختي عبير وقالت لها حكايات منال علي
ربنا ما يجيب زعل يا أم مي… إحنا أهل، وحقك عليا إنتي والكبيرة الحاجة سناء. متوفره على روايات واقتباسات
أمي بصتلي والدموع في عينها وقالت
عندك حق يا حسام… رزقك في الدنيا
مش بس فلوس، رزقك ست أصيلة حفظت غيبتك وحفظت بيتك… إنت طلعت أراجل واحد فينا.
في اللحظة دي…
أنا ما حسيتش إني خسړت حاجة.
بالعكس… حسيت إني كسبت كل حاجة.
كسبت احترام مراتي ليا، وكسبت كرامة بيتي، وعلمت أهلي إن الأصول مابتتجزأش. حكايات منال علي
وقفت جنب ندى، مسكت إيدها قدامهم كلهم، وقلت في سري
الست اللي تصونك في غيابك وتشتري أهلك بدم قلبها… لو شلتها فوق راسك العمر كله، تبقى ماوفيتهاش حقها.
تمت