صاحبه واجب مني السيد 1

خلصت اللي ورايا في شقتي بسرعة، نزلت وأنا حاسة برجلي تقيلة، كل خطوة على السلم كان معاها دقة قلب مړعوپة من المواجهة مش خوف، لكن ۏجع من الظلم. أول ما فتحت باب شقة حماتي ودخلت الصالة، شميت ريحة البخور ولقيت رحاب قاعدة على الكنبة الكبيرة، حاطة رجل على رجل، ولابسة عبايتها الجديدة وبتشرب شاي، وحماتي قاعدة قصادها ماسكة السبحة.
سلمت بصوت مسموع
السلام عليكم.. إزيك يا ماما، إزيك يا رحاب.
حماتي ردت من طرف مناخيرها
وعليكم السلام، ادخلي يا صفاء، ادخلي شوفي الحلة اللي على الڼار جوة في المطبخ قبل ما تشيط.
أما رحاب، فبصت لي من فوق لتحت وابتسمت ابتسامة صفرا كأنها بتقول وريني هتعملي إيه، ومردتش عليا السلام أصلاً، لفت وشها للتليفزيون كأني هوا.
دخلت المطبخ ودمي بيفور، بس مسكت نفسي. لقيت الحلل مكركبة، والمواعين مالية الحوض، والرخامة مليانة طماطم وبصل متسابين
مش متنضفين.
صاحبة واجب ج 1 حكـايات مني السيد حصري
موقع أيام تريندز
يعني الهانم قاعدة برة تفطر وتشرب شاي وتسيبلي أنا مرمطة المطبخ كلها عشان أساعد. بلعت غيظي، شمرت دراعاتي وبدأت أشتغل، وعيني بتغلي من القهر.
بعد نص ساعة، دخلت حماتي المطبخ، وقفت على الباب، واتكأت على عصايتها وقالتلي بنبرة كلها عتاب ولوم
بقى كده يا صفاء؟ مكنتش فاكراكي كده أبداً، تفرقي بيني وبين سلفتك وتخلي شكلها وحش قدام الناس؟
وقفت السکينة من إيدي والټفت لها، وكنت بحاول أهدي نبضات قلبي اللي بتدق في زوري
أفرق إزاي يا ماما؟ هو أنا عملت إيه يزعل رحاب للدرجة دي؟
ردت بحړقة
رحاب داخلة عليا الصبح مڼهارة وعينيها وارمة من العياط! بتقولي صفاء شافتني جاية أعزمك وأعملك خاطر قامت مستخسرة فيا، وبعتتلي حاجة تكسف أقدمها للضيوف! إنتي يا بنتي لو مش عايزة تخدمي ولا تعملي لحد خير، متعمليش! محدش طلب منك تقطعي من لحمك، بس مترميش لسلفتك حاجة كأنك بترميهالها
صدقة ومن ورا ضهرك وإيدك ماسكة، وهي اللي دايماً بتتباهى بيكي قدام أهلها!
الكلام نزل عليا زي الصاعقة. رحاب مش بس نقلت الموضوع، دي غيرت الحكاية وخلتني أنا البخيلة اللي بتعاير وبترميلها فضلة خيرها!
قلت لها بصوت بيترعش من كتمة البكا
يا ماما اسمعيني، الكلام ده محصلش والله! الموضوع ملوش علاقة بست ولا بكرم، أنا مشكلتي كلها كانت إمكانيات، أنا مش قادرة أعمل كل يوم وأجيب حاجات فوق طاقتي، والبيت محتاج وسامح مرتبه على قده، أنا عملت على قد اللي في بيتي، والنية كانت خير والله العظيم!
حماتي شالت إيدها ولوحت بيها في الهوا
إمكانيات إيه يا صفاء؟! هو كيلو السمنة ده اللي هيخرب بيتكم ولا هيكسر ضهر سامح؟ ما أنتي أول إمبارح عملتي هنا وعزمتي وفردتي دراعك! ولا هو الكرم بيطلع لناس وناس لأ؟ عيب يا بنتي، أنتوا سلايف عايشين في بيت عيلة واحد، والمفروض تبقوا على
قلب واحد، مش تبصوا في حتة سمنة وتعملوا عليها حكاية وتكسري بخاطر البت كده قدام جوزها!
وخرجت وسابتني في المطبخ لوحدي، كأنها حكمت عليا بالإعدام من غير ما تسمع دفاعي. مسكت الرخامة بإيدي الاتنين عشان مكنتش قادرة أقف على حيلي. رجلي كانت بتترعش والدموع نزلت ڠصب عني، مغرقة وشي.
الظلم وحش، والأوحش منه لما تلاقي اللي حواليكي مش شايفين تعبك ولا بيراعوا ظروفك، وعايزينك تظهري كريمة وغنية حتى لو على حساب قوت عيالك ولحم كتافك.
خرجت بعد شوية عشان أحط الأطباق على السفرة قبل ما عمهم يوصل. كانت رحاب واقفة في الصالة بتتكلم في التليفون بصوت عالي، قاصدة تسمعني وتسمع حماتي
أيوا يا ماما، بقولك مجبتش منها حاجة، نزلت الصبح اشتريت من أحسن حلواني دستتين جاتوه وعلبة مشكل عشان الناس اللي جايين.. إحنا بيوتنا مفتوحة ومبنعرفش نبخل على ضيوفنا ولا ندخل عليهم بحاجة
أي كلام، العين