شروط المربيه رقم ٣٠ ج 2

“طارق” بص لـ “حمزة” باستغراب، بس ما ناقشوش. هز رأسه وخرج يمتثل لأوامره على طول. في الصالة تحت، رجالة “فولكوف” كانوا واقفين بقلة أدب وبيهددوا الحراس اللي على البوابة. رئيس المجموعة بتاعتهم كان راجل ضخم بلطجي اسمه “ممدوح”.

أول ما شاف “طارق” نازل على السلم، ابتسم بسخافة وقال: “إيه يا طارق باشا؟ المعلم حمزة هيسدد الدين بتاع البت الشغالة اللي عنده ولا نأخد حطتنا من القصر؟””طارق” وقف على آخر درجة، وحط إيديه في جيوب بنطلونه وقال ببرود: “المعلم بيقولك إن أي رجل منكم هتعتب خطوة واحدة جوه البوابة، هتدفــ,,ـــــن تحت الشجر هنا.

والفلوس بتاعتكم هتتوصلكم في معادها يوم الجمعة، جنيه ينقص جنيه لأ. وأعلى ما في خيلكم اركبوه.””ممدوح” وشه اتغير، وعارف إن كلام “حمزة العطار” مش تهديد في الهوا، ده حكم تنفيذ. بلع ريقه وسحب رجالته وخرج وهو بيلعن تحت ضروسه. جوه أوضة الألعاب، كان الهدوء سائد لأول مرة من سنين.

“عمر” كان ماسك لون أزرق وبيشخبط بجنب إيده، و”فريدة” كانت قاعدة جنب “زينب” قريبة جداً لدرجة إن دراعها كان لمس جاكيت “زينب”.”زينب” ما حاولتش تحــ,,ـــــضنهم ولا تفرض نفسها عليهم. كانت سيباهم براحتهم تماماً.”هو بابا بيحبنا؟” “فريدة” سألت فجأة بصوت واطي ومكسور، وهي بتبص للورقة.

“زينب” وقفت الرسم، وبصت لـ “فريدة” في عينها مباشرة: “باباكي بيمــ,,ـــــوت فيكم. بس ساعات الكبار لما بيزعلوا جامد أو يخافوا، بيتصرفوا بغباوة. بيستخبوا ورة الشغل والحيطان العالية عشان خايفين يشوفوكم بتعيطوا وما يعرفوش يمسحوا دموعكم.””عمر” رفع رأسه: “هو خايف منا؟””لأ، خايف عليكم.

” “زينب” ابتسمت ابتسامة خفيفة. “خايف إنه ما يعرفش يعوضكم عن مامتكم، فبيجيب ناس كتير هنا عشان يساعدوه، وأنتم ماشاء الله عليكم بتطفشوهم في ثواني.””فريدة” ضحكت ضحكة صغيرة مخنوقة، ودي كانت أول مرة صوت ضحكتها يرن في البيت من يوم الدــ,,ـــــادثة.

الساعة جابت 7 بالليل. الباب الدبل بتاع الأوضة اتفتح بالراحة. “حمزة” دخل. كان قلبه بيلف في صدـ,,ـــره. متوقع يشوف الأوضة محروقة أو يلاقيهم بيصرخوا، بس المنظر اللي شافه خلاه يقف مكانو ومش قادر يستوعب. الأوضة كانت لسه مكركبة، بس التوأم كانوا قاعدين على الأرض بي رسموا، و”زينب” كانت قاعدة معهم، وُشهم مبلول ألوان بس هاديين.