صمت الوجع شروق خالد ١

وصلت الفيلا بعد نص ساعة، وكنت رابط إيدي برباط ضاغط عشان الأكذوبة تكمل. شيماء فتحتلي الباب ووشها ملوي كالعادة، وأحمد كان قاعد في الصالة ماسك اللاب توب بتاعه وبيشتغل.«ألف سلامة يا سيدي.. أديك دخلت نفسك في حوارات»، أحمد قالها وهو بيبصلي بقرف.

قلتله: «الله يسلمك.. معلش يا شيماء، جيبلي كوباية مية بس أخد مسكن عشان العصب بيمو. تني».شيماء دخلت المطبخ تعمل مية، وأحمد عينيه نزلت تاني على شاشة اللاب توب. في اللحظة دي، استغليت إن الباب المتروك موارب، وبعت رسالة لعمر ونادين اللي كانوا منتظرين في عربية مشبوهة بره الكمبوند بعد ما دخلوا بأذونات رسمية وبلاغ عاجل اتعمل في النيابة عن طريق نجدة الطفل باسم «بلاغ جاري ومعاينة حية طارئة».

خلال 5 دقائق بالضبط، جرس الباب رن بحدة. شيماء طلعت من المطبخ وهي مستغربة، وفتحت الباب. دخل 3 أشخاص: دكتورة نادين، ومعاها ضابط شرطة برتبة مقدم من مباحث الشيخ زايد، واثنين من ممثلي المجلس القومي للأمومة والطفولة.

أحمد قام واقف فجأة واللاب توب كاد يقع من إيده، ووشه اتغير 180 درجة: «في إيه؟ أنتم مين ودخلتم هنا إزاي؟!»الضابط طلع الكارنيه ومحضر النيابة: «استاذ أحمد.. إحنا معانا إذن نيابة بزيارة وتفتيش ومعاينة طبية عاجلة للطفلة سارة أحمد، بناءً على بلاغ رسمي جاري بواقعة تعدي جسدي وضرر بالغ بطفل».

شيماء صرخت: «أنتوا مجانين؟! بلاغ إيه وتفتيش إيه؟! انتوا عارفين دا مين؟! اتفضلوا بره بيتي حالاً بدل ما أطلبلكوا الوزير!»لكن نادين متكلمتش كلمة واحدة.. مشيت بخطوات ثابته ناحية سلم الفيلا اللي نزل منه سارة بخوف وهي ماسكة الأرنب القماش ومستخبية ورا درابزين السلم.«سارة..

تعالي يا حبيبتي، محدش هيقدر يؤذيكي تاني»، نادين قالتها بابتسامة دافية وهي بتفتح شنطتها الطبية. أحمد حاول يقف في طريقها بغضب وصرخ: «أنتوا بتهزروا؟! محمد! أنت اللي ورا الملعوب ده؟! أنت جاي بيتي عشان تتجسس عليا وتعمل عليا فيلم؟!

»أنا وقفت قدامه، وعيني في عينه، وشلت الرباط الضاغط من إيدي ورميته على الأرض: «أنا مش جاي أعمل فيلم يا أحمد.. أنا جاي أخد حق سارة منك ومن القذارة اللي بتعملها».في الأوضة اللي فوق، نادين وممثلة نجدة الطفل قفلوا الباب على سارة وعملوا الكشف الطبي المبدئي وتصوير الكدمات بالمسطرة الجنائية.