جبروت زوجي حكايات نور محمد
جبروت زوجي حكايات نور محمد
مصطفى وشه جاب ألوان وعروقه اتشدت، والعروسة الجديدة استخبت وراه من الخوف. هدى وقفت في وسط الصالة وقالت بصوت هز العمارة: “منورين يا جماعة! مصطفى جايب لكم العروسة الجديدة عشان تباركولنا، بس المفاجأة الحقيقية مش الجوازة.. المفاجأة هي اللي أنا عملته في الـ 3 ساعات اللي فاتوا دول من وراه!”.
مصطفى بصلها برعب ورجله بتترعش وقال لها بصوت بيطلع بالعافية: “عملتي إيه يا هدى؟!”..
هنا هدى طلعت من جيبها ورقة رسمية مختومة، ورمتها في وشه قدام أهله وإخواتها وقالت له بكل برود:…
#الكاتبه_نور_محمد
هنا هدى طلعت من جيبها ورقة رسمية مختومة، ورمتها في وشه قدام أهله وإخواتها وقالت له بكل برود:
ـ “المفاجأة يا سي مصطفى.. إن الورقة دي هي عقد بيع نهائي وشامل لكل ورشة، ومعدات، وبضاعة، وحتى اسم المحل.. ومكتوب باسم مين؟ باسمي أنا وحدي، وبإمضائك إنت شخصياً على بياض ومن سنين لما كنت بايع الشاكتة والمحل عشان تطلع من ق\ضية الديون!”
مصطفى فتح بوقه من الصدمة، كأنه اتخبط على دماغه بنبوت. عيونه خرجت بره بعضها وبص للورقة بجنون، ووقع على كراعه في وسط الصالة وهو بيزعق بصوت مسطول:
ـ “إزاي؟! إنتي ضحكتي عليا.. ورق إيه ده؟! المحل بتاعي وشقايا!”
أخوات هدى (رجالة المذبح) وقفوا مرة واحدة بصوت طالع زي الرعد، وواحد منهم تقدم منه وباس كمه ورفعه من ياقة قميصه وقال بصوت مرعب:
ـ “شقاك مين يا روح أمك؟! أختنا باعت دهبها وشبكتها عشان تقف جنبك لما كنت بتشرب الشاي على القهوة بالدين، ولما ربنا كرمك جيبت لها ضرة وكمان بتقل أدبك؟! الورقة دي قانونية مفيهاش غلطة، ومن اللحظة دي.. الورشة بقت برة ملكك، والمفاتيح في إيد هدى، وإنت طرطور لا بتقدم ولا تأخير!”
أم مصطفى (حماته) قامت من مكانها، وراحت ضربت ابنها كف على وشك يعمل صوت في العمارة كلها، وهي بتعيط وتقول بغضب:
ـ “يا خسارة تربيتي فيك! تبيع البنت اللي شالتك في فقرك ووقفت ضهر لوقت ضيقك؟! استاهل اللي جرا لك.. اطلعي بره يا بت إنتي وهو من بيتها!”
أما العروسة الجديدة.. فما صدقت سمعت الكلام، وفهمت إن الجوازة هتبوظ وإنها وقعت مع راجل مفلس وملطوش، فكت دبيستها وطلعت تجري من الباب وهي حافية وبتصوت في الشارع: “حرامي.. متجوز عليا وطالبني أخدم مراته الأولى وهو مفلس!”.
