خلاف المرتب منال علي ج الاخير

قالت: ـ نكتب كل مصاريف البيت.

ونشوف إحنا محتاجين كام كل شهر.

وأنا أشارك بالمبلغ اللي نقدر نتفق عليه، من غير ما حد يحس إنه مجبور.

قلت: ـ يعني حساب مشترك للمصاريف؟

قالت: ـ أيوه… لكن يفضل لكل واحد كمان جزء من فلوسه الخاصة.

فكرت شوية…

واكتشفت إن ده أول حل عملي سمعته من شهور.

ابتسمت ومديت إيدي.

قلت: ـ نجرب.

ابتسمت هي كمان، ومسكت إيدي.

ومن يومها بقينا آخر كل شهر نقعد مع بعض، نحسب مصاريف البيت، وكل واحد يحول الجزء اللي اتفقنا عليه، والباقي يفضل معاه.

بعد كام شهر، اكتشفنا إن الخلاف اختفى.

مش لأن حد فينا انتصر…بقلـم حكايات منـال علي

لكن لأن كل واحد فهم خوف التاني.

أما أهلي، ففي الأول كانوا معترضين، لكن لما شافوا بيتنا مستقر، وياسمين بتعاملهم بكل احترام، بطلوا يتدخلوا في تفاصيل حياتنا.

وساعتها فهمت درس عمري ما هنساه…

الجواز مش معركة مين صح ومين غلط… الجواز إنك تفهم ليه اللي قدامك شايف الصح بشكل مختلف، وتدوروا سوا على طريق تعيشوا فيه مرتاحين.

تمت.