كلمه هدت بيت لسه جديد ج الاخير

أول ما دخلوا قعدوا في الصالون، والسكوت كان تقيل بشكل يخوف.

أبو العروسة بصلي وقال بهدوء، لكن كان واضح من نبرة صوته إنه موجوع: بقلـم حكايات منـال علي

“إحنا مش جايين نتخانق… إحنا جايين نفهم.”

بصيت لابني، لقيته قاعد مطاطي راسه في الأرض، ومراته جنبه، وعينيها باينة من كتر العياط.

أبوها كمل كلامه وقال:

“بنتي عمرها ما قالت إنها كاملة، وممكن تكون غلطت لما ما عملتش لحمة، لكن هي كانت فاكرة إنها عاملة عزومة للعيلة، وماكنتش تعرف إن خطيب بنت حضرتك جاي.”

هزيت راسي من غير كلام.

قال:

“وأول ما عرفت، قالت هتبعت تجيب لحمة وتعملها.”

سكت ثانية، وبعدين قال:بقلـم حكايات منـال علي

“لكن اللي كسرها… مش موضوع الأكل.”

لف وبص على بنته.

وقال:

“اللي كسرها إن أمها الله يرحمها اتجابت في الكلام.”

العروسة أول ما سمعت سيرة أمها، دموعها نزلت من غير ما تتكلم.

وقتها حسيت بوخزة في قلبي.بقلـم حكايات منـال علي

أنا فعلًا ما افتكرتش إن أمها متوفية.

الكلمة خرجت وقت العصبية…

لكن اللي خرج من لساني، دخل قلبها.

بصيتلها وقلت بصوت واطي:

“يا بنتي… والله العظيم ما كنت أقصد أجرحك.”

رفعت عينيها تبصلي، لكنها فضلت ساكتة.

كملت وأنا دموعي بدأت تنزل:بقلـم حكايات منـال علي

“أنا اتعصبت عشان بنتي قامت من غير ما تاكل، وحسيت إنها اتحرجت قدام خطيبها… لكن ده ما يدينيش الحق إني أغلط فيكي ولا في أمك.”

أبوها قال بهدوء:

“الاعتذار مش بيقلل من حد.”

قمت من مكاني، وروحت لحد عندها.

ومسكت إيدها.

وقلت:بقلـم حكايات منـال علي

“سامحيني.”

“أنا أم، وكان المفروض أحتويكي، مش أزعلك.”

العروسة انفجرت في العياط.

وقالت لأول مرة من ساعة ما دخلت:

“أنا تعبت يومها من الفجر.”

“وكل حاجة عملتها كنت عايزة حضرتك تفرحي بيا.”

“ولما حضرتك قولتي إن أمي ما عرفتش تربيني… حسيت إن أمي ماتت مرة تانية.”

الكلمة دي خلتني أعيط زي الأطفال.

حضنتها بكل قوتي.

وقلت:بقلـم حكايات منـال علي

“حقك عليا.”

“وأقسم بالله لو الزمن رجع، عمري ما كنت هقولها.”