عدوى بين ثنايا قلبي 1

تركض زينب مهرولة لسيدتها قائلة وهي تنهج وتلتقط أنفاسها :- ايوه يا عفاف هانم !!
عفاف بإستياء وهي تقوم بطهي الطعام :- روحتي فين وسيبتيني يا زينب ؟؟

زينب بتنهيده :- ياعفاف هانم كنت بنضف الفيلا وبعدين ماقولتلك خمسين مره قبل كده سيبيني أطبخ أنا ، حضرتك اللي مش بترضي.

عفاف وهي تنظر للطعام باهتمام وتقوم بتقطيع الخضراوات قائلة :- ماقولتلك قبل كده إني بحب أطبخ أنا ، أنا بس كان فيه شوية حاجات ناقصه وكنت عايزاكي تبعتي مسعود يجيبهم.

زينب :- مسعود مش هنا دلوقتي لو عايزه حاجه اروح اجيبلك أنا أو أخلي صفيه هي اللي تروح تجيبلك وأنا أساعدك

عفاف وهي تكمل ماتقوم به ولكن تعجلها قليلا :- طب هتلاقي الطلبات في ورقة على الثلاجه خديهم وإيديهم لصفيه خليها تجيبهم ، وتعالي أنتي بسرعه عشان تساعديني أحط الأكل ،زمان زين جاي في السكه وجعان.

أومأت زينب برأسها ثم فعلت ما طلبته منها عفاف ثم عادت لتساعدها بوضع الطعام على المائده قبل عودة زوجها.
………………………………………….. ……………………………..

في مكان مرموق في أحد الأحياء الهادئه بإحدى الشقق الفخمه تركض فتاه صغيره في الخامسه من عمرها وهي تضحك وخلفها والدها يلعب معها

عمر وهو يركض خلف إيلين وهو يمازحها قائلا :- هاه هامسكك أهو ، أخيرا مسكتك.
وقام برفعها وهو يدغدها من بطنها بفمه ويضحك معها وهي تصرخ بضحك

إيلين بضحكه طفوليه :- خلاث يا بابي ، خلاث ، يا مامي !!! بابي هايكلني !!

أتت من الغرفه الأخرى ناديه وهي تنهرهم وتقول لهم :- وطوا الصوت شويه ريهام لسه نايمه ، حرام عليكم ده طلعت عيني على مانامت.

عمر وهو يرفع يديه باستسلام وهو واقف بجوار صغيرته ويقول بكذب :- أنا معملتش حاجه بنتك هي اللي بتعلي صوتها

إيلين وقد فتحت عينيها على وسعهما وشهقت قائلة وهي تلتفت له وتقول ببراءه :- بس إنت يا بابي اللي بتضحكني !!

عمر بإنكار :- يا بنتي انا جيت جنبك ؟؟
إيلين بشهقه قائلة وهي تقف أمامه وتضع يدها في خصرها وتردف بأسف :- لا لا لا يا بابي مكنتث أتوقع ده منك ، ثم أردفت بحده :- امال أنا قلبت ثوبرمان وكنت بطير دلوقتي مث أنت اللي كنت بتثلني وتضحكني.

عمر بإندهاش وعينيه متسعه قائلا بغير تصديق :- يخرب عقلك إنتي بتزعقيلي يابنت إمبارح !!، ثم رفع رأسه لزوجته قائلا وهو مازال على حاله :- ماشاءلله الزقرده ده بنت مين ؟ ، وجد ناديه تكتم ضحكتها بصعوبه وهمت بأن ترد عليه ، أوقفتها إبنتها الصغيره…