طلاق بسرعه البرق روايات مشيرة محمد
طلاق بسرعه البرق روايات مشيرة محمد
المواجهة ورد الاعتبار
أول حاجة عملتها، كلمت أكبر محامي في البلد، محامي من اللي شريف ميرقدرش حتى يقف قدامهم. لما شاف الورق، ابتسم وقالي: “يا مدام منة، إنتِ مش بس هتاخدي حقك، إنتِ تقدري تهدّي الإمبراطورية اللي طليقك فرحان بيها دي في لحظة.”
اتفقنا نعمل خطة هادية وبدون شوشرة. المحامي بعت إعلان رسمي للشركة بطلب عقد اجتماع طارئ لمجلس الإدارة بصفتي المساهم الأكبر الجديد.
يوم الاجتماع، دخلت مقر الشركة الشيك جداً، كنت لابسة فستان أسود أنيق، وواثقة في نفسي لأول درجة. دخلت قاعة الاجتماعات، وشريف كان قاعد على رأس التربيزة بيتكلم بمنتهى التناكة والغرور مع الموظفين.
أول ما شافني داخلة، ضحك باستهزاء وقام وقف وقال: “إنتِ إيه اللي جابك هنا يا منة؟ جاية تطلبي نفقة ولا إيه؟ الأمن يدخل يخرج الست دي برة!”
المحامي بتاعي دخل ورايا بكل هدوء وحط ملف الورق قدام شريف وعلى التربيزة وقال بصوت جهوري هز القاعة: “الأمن مش هيخرج حد، لأن المدام منة عتمان هي صاحبة أكبر حصة أسهم في الشركة دي، ومن اللحظة دي، هي اللي ليها الحق تعين أو تفصل أي حد… بما فيهم إنت يا أستاذ شريف!”
النهاية العادلة
الضحكة اختفت تماماً من على وش شريف، ولونه خطف وبقى أصفر زي الليمونة. قعد يقلب في الورق وإديه بتهتز، ومكنش مصدق إن “المقربعة” اللي ساب لها بيت قديم في البلد عشان تضيع فيه، بقت هي الكل في الكل.
في خلال أسابيع، وبقوة القانون، رجعت كل مليم أخطده مني. الشقة اللي دهنتها بإيديا طردته منها، وتحويشة العمر رجعتلي أضعاف مضاعفة من أرباح الأسهم السنين اللي فاتت.
شريف اتفصل من منصبه وبقى مديون ومش لاقي حد يقف جنبه، بعد ما كل الناس عرفت حقيقته وجشعه.
أنا رجعت لبيت جدي عتمان، قعدت في الصالة وبصيت للوحة البحيرة المتجمدة، بس المرة دي كانت البحيرة في نظري كأن الشمس طلعت عليها وسيحت التلج. دموعي نزلت، بس كانت دموع فرح وفخر، وبصيت للسما وقلت: “شكراً يا جدي… أنا عرفت خلاص أنا كنت مستنية إيه، وعرفت أنا مصنوعة من إيه.”
تمت.. روايــات_مشـيره_مـحمد
