لست فتاه ج الاخير

قفل الشباك بعصبية ووراح ع الباب…وخرج
*******************

فؤاد راجع بعد ما وصل نادر
دخل قعد معاهم
“ايه رأيك يامايا ف اللكلام اللى قاله نادر”
مايا”لازم نفكر كويس الاول يابابا ومنتسرعش… ونطمن برضه على شغله هناك …ماشى كويس وصادق ولا كداب…سورى يا نسرين بس مبقاش عندى ثقة ف حد”
نسرين”الحق ميزعلش وانا اعرفه عادى بس معرفش طريقة شغله…فكروا بعيد عن قرابته لممدوح”

دخل فارس فجأة… بيحاول يهدى عصبيته
ايمان”فارس…تعالى مالك؟؟”
مايا شافته …قامت تدخل اوضتها
وقبل ما تدخل
“مايا…مين ده اللى كان هنا”
التفتت له مايا…وهى بتبص لباباها
فؤاد”فى ايه يافارس”
فارس بيحاول يتحكم ف عصبيته وبيوطى صوته
“مفيش ياخالى…بسأل بس مين ده اللى كان هنا”
مايا”وبتسألنى انا ليه؟”
ارتبك فارس…بص للموجودين كلهم
فارس”بسألك يامايا….مين ده”
نسرين”ده ابن خالة ممدوح”
فارس مستغرب
“وابن خالة ممدوح ايه علاقته بمايا”
مايا”مايا مايا…مالك ومال مايا”
فارس”علشان شفت اهتمامك بيه…وكلامه اللى بيتوجه لك… وتوصيلك ليه وهو ماشى”
مايا”توصيلى ليه!!… حتى لو كنت انت مالك ومالى…فوق يافارس انت طلـ,ـقتنى خلاص ومبقاش لك حكم عليا”
زعق لها فارس وهو بيقرب منها…وف حركة لا ارادية حطت ايدها على وشها وكأنه هيضر..بها
حركتها اللا ارادية وقفته مكانه من غير ما يقرب منها
ووقفت الكلام على لسانه
فؤاد بيشـ,ـخط فيه”فااااااارس …انا عايش وموجود مع بنتى…. محدش خالص بقى له حكم عليها من هنا ورايح”
مايا وكل ذكرياتها السـ,ـيئة مع فارس ف الليلة المشئو.مة بقت قدام عينيها… عيـ,ـطت
“ابعـ,ـد عن حياتى خالص يا فارس… كفاية اللى حصل لى منك ومن غيرك… انا كل ما احس انى اتقدمت خطوة وبقيت كويسة تيجى انت ترجعنى 100 خطوة لورا… سيبنى ف حالى بقى”
تقعد وهى بتعيـ,ـط… ايمان تقعد جنبها وتحضـ,ـنها
“بس يامايا…محصلش حاجة لده كله.. مش كويسة العصبـ,ـية دى علشانك”
فارس بيحاول يدافع عن نفسه
“انا عملتلك ايه يامايا… انتى بتحملينى ذ.نب اللى حصل ليا لوحدى ليه… وانتوا كلكم حاسين بيها ومحدش حاسس بيا ليه… انت نفسك ياخالى لحظة ما اتصد.مت اتصرفت ازاى…بتلو.مونى لوحدى ليه”