قيود العشق ج الاخير

حاطه تاني في الجيب السري وقفل الشنطه اخد جاكيت بدلته و نزل

مليكه كانت بتحضر الفطار وهي بتضحك مع فريده
عز بصوت مهزوز:مليكه……
مليكه :ايوه ثواني جاي اهوه
قالتها وخرجت لعنده
عز الدين :مليكه انتي…… فجأه سكت وهو بيفكر في حاجه……. جهزي نفسك هنروح عند الدكتوره سوا

مليكه :دكتوره لي…. انت كويس

عز:متخافيش انا كويس جهزي نفسك

مليكه حست بالخوف من نظراته لكن حاول تطمن نفسها ان مفيش حاجه
بعد تلات ساعات في عربيه عز
مليكه كانت راجعه مع عز من المستشفى و هو ساكت
مليكه بخوف:عز انت زعلان مني في حاجه

عز بابتسامه جميله :لا يا مليكه مش زعلان بس بفكر في حاجه

مليكه :ماشي يا عز

عز مكنش عايز يضايقها الا لمآ يعرف الحقيقه حضنها و هي كأنها مصدقت كانت منتظره يطمنها دخلت جوا حضنه بقوه

. بعد تلات ايام
عز:ايوه يا دكتور اي النتيجه

دكتوره غاده:تحليل اللي عملنا لمليكه هانم بياكد انها بتاخد الحبوب دي بانتظام للاسف

عز قفل معها و حاسس بقبضه قويه بتعصر قلبه لحد ما اتبعتتله رساله على الموبيل
من مجهول
صور لمليكه وهي بتسلم شخص ورق معين في مكان خاص و الغريبه ان الشخص دا منافس لعز

عز فجأه اتحول ميه وتمانين درجه وعيونه بقيت تطق شرار فتح الاب توب يشوف نتيجه اخر صفقه لكن كانت صدمه ليه انه خسر الصفقه واللي كسبها منافس تاني ليه صحيح مش صفقه كبيره

لكن انه يخسر دي هتهز اسمه في سوق الاقتصاد و كمان خساره صفقه بسيطه زي دي تشكل خطر على اسمه لان هو قدر يكسب مناقصات و صفقات عالميه كتير و يخسر صفقه زي دي

عز بصدمه وانهيار :مليكه…..

بعد جمس ساعات
رجع القصر و شكله غريب كان بيسوق عربيته وهو مش مركز طول الوقت دا بيحاول يستوعب انها خا”نته مره تانيه و انه زي الغبي وثق فيه وصدقها بدون ما يشك فيها للحظه

كان خايف يرجع البيت وقتها ياذيها فضل يسوق عربيته كل الوقت دا بدون اي منطق
كل اللي في باله انها محبتوش و كل دي لعبه من الاعيبها و بالرغم من كدا خاف يرجع لأنها اكيد كان هياذ”يها اوي

في اوضه مليكه كانت رايحه جايه وهي مرعوبه لانه مرجعش البيت ويزن قالها انه مشي من وقت طويل كانت بترن عليه لكن مش بيرد….

مليكه :يارب اعمل اي دلوقتي يارب

في الوقت دا دخل عز و باين عليه التعب الإرهاق كان بيبكي في عربيته زي الطفل اللي خسر امه عمره ما بكى بالطريقه دي
فضل وقت طويل لحد ما هدي و قدر يرجع