قيود العشق ج الاخير

مليكه كانت حاسه بالاهانه و بتحاول تهدأ عشان متعملش مشكله

:كاميليا هانم مع احترامي الكامل لحضرتك و احترامي دا لأنك والده عز مش اكتر انتي عندك حق انا برضو لو خلفت بنت و ربيتها وكبرتها و دخلتها مدارس خاصه و بقيت في ذكاء عز وقتها الصراحه هستخسر ارميها لواحد زي ما حضرتك بتقولي جا”هل ولو اني اختلف معاكي في اللفظ لكن اوكي…. انتي فعلا عندك حق

كاميليا:يعني اكتب الشيك الي حامله….

مليكه بابتسامه جميله :لا يا فندم انا لسه مخلصتش كلامي…. انتي يمكن عندك حق انتي فعلا عندك ابن تتحسدي عليه و كل البنات يتمنواه من أحسن العائلات لكن حضرتك مسالتيش نفسك عز اختارني انا لي……

عز مش اهبل عشان واحده تضحك عليه لا
يعلم ربنا اني دخلت حياته بدون مقابل بدون ما اكون طمعا”نه فيه او في فلوسه
انا لما اختارت اكمل مع ابنك اختارته عشان هو راجل بمعنى الكلمه و هو اختارني لانه متأكد اني الست اللي هتصون عرضه و تحبه بكل ما فيها

أنا مختارتش اكون مش متعلمه انا فجأه لقيت نفسي خرجت من المدرسه
ومطلوب مني اجيب فلوس عشان ابويا كان سُكري و امي ما”تت وانا صغيره…..
خرجت كنت بشتغل ببيع منديل طفله صغيره معرفش حاجه عن الدنيا بعت ورد في الإشارات و مناديل و ربك وحده اللي يعلم انا اتمرمطت اد ايه كنت برجع البيت انام ولا القت”يل و اصحى من الفجر

عشان اشوف اكل عيشي و بعد كل دا اخويا يجي على الجاهز ياخد الفلوس بس كنت بقول يا بت وماله دا اخوكي……
عز على فكره ميعرفش حكايه الورد و المناديل انا مكنتش عايزه أصعب عليه وهو تقبلني بدون ما يسأل كتير

لانه واثق اني كنت محافظه على نفسي و اللي بيحاول بس يقرب مني كان بيل”عن اليوم اللي شافني فيه

أنا يمكن مش متعلمه لكن انا بعرف احب من قلبي و ادي كل الإخلاص اللي بحبه
وانا بحب عز الدين لان مشوفتش حنيه مع حد اده اب واخ وسند بجد

كاميليا:و المطلوب اني اتقبلك دلوقتي يعني

مليكه :ممكن اسال حضرتك سؤال
ليه مطلبتيش من عز انه يطلقني.. ليه جايه تلعبي لعبه زي دي.. عشان تثبتي لنفسك اني ر”خيصه مستهالش ابنك ولا عشان واثقه ان عز عمره ما هيتخل عني حتى لو حضرتك اللي طلبتي منه دا
انا اسفه يا هانم انا مش هسيب جوزي و لو عرضتي عليا مال العالم دا كله بعد اذنك

قالت كلمتها وهي طالعه اوضتها مع عز اول ما دخلت فضلت تعيط و تتمنى لو كانت مناسبه ليه يمكن وقتها والدته كانت تقبلتها … فضلت تعيط وقت طويل لكن فجأه قامت و بتبص في النتيجه ابتسمت بسعاده
ونزلت المطبخ و بدأت تحضر كيكه عيد ميلاد كانت بتعملها بدقه و اتقان وهي بتزينها بشياكه