رنيم وخالد بقلم إيه عبد السلام

• عند خالد

خلص شغله و مشى و رن على ميرنا

ميرنا لما بصت على الموبايل و شافت اسمه نفخت بزهق

ميرنا ردت على الموبايل و قالت بحب مصطنع : وحشتنى اوى يا خلودى

خالد بغضب : ولما انا وحشتك مرنتيش عليا ليه

ميرنا بغضب مصطنع و تلاعب : على فكرة انا اللى المفروض اكون زعلانة منك مش انت

خالد بصدمة : نعم…..؟!

ميرنا بحزن مصطنع : المفروض انت اللى تفضل ترن عليا كل شوية مش انا

انت بقالك يومين مرنتش عليا للدرجادى مش هاين عليك تطمن عليا

خالد بعصبية : يا سلام انا مش رنيت عليكى مرتين

ميرنا ببكاء مصطنع : انت المفروض ترن عليا كل شوية مش انا لسة عروسة جديدة .. لأ انت شكلك مش بتحبنى

خالد بتنهيدة : اقفلى دلوقتى يا ميرنا علشان انا مش ناقص

ميرنا بكس*رة مصطنعة : و كمان انت مش مقدر مشاعرى .. ماشى يا خالد اللى تشوفه سلام

قفلت معله الخط و قالت بضيق : غور بقى .. انا عقلى كان فين لما اتجوزتك

و كملت بطمع : بس دا ميمنعش برضو انى لازم اطلع منك بقرشين كويسين

• عند رنيم

خلصت طبيخ و قالت بتردد : انا المفروض ان اطلع ليه أكل صح

دا حتى هو اللى جايب الحاجة هيبقى عيب عليا اوى لو مطلعتش

بس انا لسه بتحرج منه اعمل ايه

كانت لسه بتفكر بس خرجت من تفكيرها لما سمعت جرس الباب

راحت فتحته و كانت عارفه انه محمد

محمد : انا كنت بجيب حاجة من تحت فاقولت لما أسالك عايزة حاجة ولا لأ

رنيم بتـ.ـو.تر : لأ شكرا

محمد كان هيطلع بس رنيم وقفته بسرعة

رنيم : استنى

محمد لف بإستغراب و هى كملت بتـ.ـو.تر ملحوظ : انا كنت هطلعلك أكل بس بما انك هنا فا اتفضل كل معايا

محمد بتفاجأ : رنيم انتى لسه بتتـ.ـو.ترى منى

رنيم سكت و بعدين ضحك : يا بنتى دا احنا يعتبر خلاص بقينا عِشرة و اتكلمنا مع بعض كتير علشان ناخد حقنا

رنيم بإحراج : اصل انا طول عُمرى مش متعودة انى اتكلم مع الرجـ.ـا.لة

تقريبا كدا خالد هو الراجـ.ـل الوحيد اللى اتعاملت معاه

رجعت كشرت و قالت بسخرية : راجـ.ـل ايه بس بلا نيـ.ـلـ.ـة

محمد ضحك بتفاجئ و قال ما بين ضحكه : دا انتى عليكى لسان يخربيتك

رنيم بمرح : يخربيتى ايه بقى ماخلاص اتخرب

محمد ضحك و هى كملت : الاكل جاهز

محمد دخل و هى سابت الباب مفتوح و فضلوا ياكلوا

محمد بتلذذ : يخربيت جمدان اكلك

رنيم بإبتسامة : طبعا لازم يبقى جـ.ـا.مد مش بابا اللى معلمنى