رنيم وخالد بقلم إيه عبد السلام

تستاهل ربنا بيسلط ناس على ناس و هو كان عارف بنيتك من الاول .. ياترى بقى شعورك هيبقى عامل ازاى لما حبيبة القلب تبيعك

• عند خالد

اول ما روح البيت اتفاجأ بميرنا واقفاله و مبتسمة

خالد بفرح و عدم تصديق : ميرنا

ميرنا بخبث : ماهنش عليا ابدا افضل هناك و اسيبك انت وحشتنى اوى

خالد بسعادة : بجد جيتى علشانى

ميرنا حاوطت رقبته و قالت بمكر : ان ماجتش علشانك اجى علشان مين بس ياخلودى

خالد بحب : قلب وروح خلودك

ميرنا بإستغراب : بس انت اللى رجعك بدرى

خالد : رجعت علشان حاسس انى تعبان شوية

ميرنا بقلق مصطنع : بجد مالك فى ايه

خالد بإبتسامة : متقلقيش عليا انا بس لما انام شوية هاقوم كويس

ميرنا مثلت الحزن ووطت وشها فى الارض

خالد بإستغراب : مالك فى ايه

ميرنا : اصل بصراحة وانا راجعة من الساحل صاحبتى اللى كانت مسافرة كلمتنى على الموبايل و نفسها تشوفنى اوى و انا بصراحة اتحرجت ارفض

و كملت بمكر و هى بتلعب فى صوابعها : بس مش مهم طالما انت تعبان خلاص هرن عليها والغى الميعاد الاهم عندى هو انت

خالد اخدها فى حـ.ـضـ.ـنه بإبتسامة و قال : لأ و انا ميهونش عليا انك تتحرجى قدام صاحبتك متقلقيش عليا انا كويس روحى انتى

ميرنا بفرح : بجد

خالد بضحك : بجد يالا علشان اوصلك

ميرنا بسرعة : لا

خالد بإستغراب : لا ليه

ميرنا بتـ.ـو.تر : انت تعبان وانا مستحيل ان اسيبك تنزل معايا .. متقلقش عليا انا هخلى صاحبتى تيجى تاخدنى بالعربية بتاعتها

خالد لاحظ انه تعب اكتر فامحبش يجادلها و قال بإبتسامة : خلاص اللى تشوفيه بس متتأخريش

ميرنا بإنتصار و خبث : متقلقش مش هتأخر

خالد دخل ينام و هى فضلت مستنية شوية لحد ما اتأكدت انه نام و خرجت بسرعة علشان تروح مقابلة الشغل

وصلت و اول ما وصلت فتحت بوقها من كتر فخامة المكان

ظبطت هدومها و رفعت راسها و دخلت الشركة بتـ.ـو.تر غير ملحوظ

اول ما دخلت راحت على طول على موظفة الاستقبال و قالتلها بتـ.ـو.تر : انا كنت جاية أقدم على وظيفة عارضة الازياء بعلم من الاستاذ ايهاب

الموظفة الرسمية : حضرتك اللى اتكلمتى مع الاستاذ ايهاب

ميرنا : اه

الموظفة : اطلعى الدور التانى و اسألى على الاستاذة چيهان علشان هى المسؤلة عنك

ميرنا مشت من غير ما تشكرها و طلعت على طول على الدور التانى

شافت واحدة ماشية فوقفتها و سألتها : لو سمحتى تعرفى فين الاستاذة چيهان