رنيم وخالد بقلم إيه عبد السلام

بعد دقايق منى كانت جابت القهوة و قالت : تؤمر بحاجة تانية يا فنـ.ـد.م

خالد : اه روحى لمحمود و هاتى منه ورق الصفقة الجديدة علشان نسيت اخدها منه

منى هزت راسها و خرجت و خالد شرب القهوة

بعد شوية كانت منى جابت الاوراق و خالد فضل يدقق فيها لحد ما مرة واحدة حس بصداع جـ.ـا.مد و الرؤية عنده ماكنتش واضحة

ماهتمش و قال انه يمكن من تعب السفر و كمل اللى كان بيعمله

• عند ميرنا

كانت قاعدة بزهق و ملل و هى بتكلم نفسها

ميرنا بضجر : هيكون راح فين يعنى بقالى يومين بدور عليه و مش لقياه

قامت بلهفه اول ما شافته اخيرا و فضلت تظبط فى نفسها و راحتله

ميرنا بتـ.ـو.تر : م ممكن اتكلم مع حضرتك شوية

بإستغراب : تتكلمى معايا انا

ميرنا بتـ.ـو.تر : اه مع حضرتك

ايهاب قلع النضارة و باصلها وقال ببرود : خير عايزانى فى ايه…!!

ميرنا بتـ.ـو.تر اكبر : بصراحة انا امبـ.ـارح كنت موجودة جنبك و حضرتك بتتكلم فى الموبايل فا سمعتك بتقول انك عايز عارضة ازياء بمواصفات معينة

ايهاب بص عليها من فوق لتحت و قال بهدوء : و بعدين

ميرنا : كنت عايزة لو ينفع انى اكون العارضة دى

ايهاب فضل ساكت و بعدين كمل ببرود : و ايه اللى يخلينى اوافق

ميرنا كانت لسه هترد عليه بتكبر و تقول ان فيها كل المواصفات اللى هو عايزها و اكتر كمان بس افتكرت لما قال انه رفض واحدة بنفس المواصفات علشان متكبرة

ميرنا حطت راسها فى الارض و قالت بتواضع مصطنع : شوف انت حضرتك لو انا انفع ولا لأ

ايهاب شاور عليها انها تعد و هى اعدت على طول

ايهاب ببرود : انتى متجوزة

ميرنا بسرعة : لأ

ايهاب : كويس علشان مينفعش تكونى متجوزة لان الشغلانة دى عدد ساعاتها كتير

ميرنا بتـ.ـو.تر : حضرتك قررت ايه

ايهاب ببرود خرج الكارت من جيبه و قال : عايزك بعد بكرة تكونى موجودة فى العنوان دا

هيسألوكى شوية اسألة و يخلوكى تعملى بروفة .. لو نجحتى اعتبرى نفسك معايا .. و طبعاً مش محتاج اقولك ان الفلوس هتبقى معاكى زى الرز

ميرنا قامت بطمع و قالت و هى مبسوطة : شكرا يا فنـ.ـد.م على تفهمك معايا و اوعدك انى هانجح و هاكون اد الوظيفة دى

ايهاب ابتسم ببرود و هى مشت و هى مبسوطة .. بصت على الكارت لقت العنوان فى القاهرة

ميرنا بتنهيدة : يخسارة مش هاعرف اعد باقى الاسبوع هنا .. بس رجعت ابتسمت تانى بطمع و هى بتتخيل نفسها بقى معاها ملايين و كل الناس تعملها ألف حساب