روايه جديده قصيره

لما دا كلام عيل عمره عشر سنين كلام ماجد وهنا هيكون اي بقي انا في نظرهم بحرمهم من كل حاجه انا اللي بحرم نفسي من اللقمة عشان اوفرها ليهم بخاف عليهم من اكل بره يتعبهم وبعملهم كل اللي بيطلبوه عشان احميهم بس انا ازاي اعاتب على عيل كل هامه اللعب والاكل والكبير اللي حرمت نفسي من ابسط حقوقي عشان اقف جنبه باع عشرتي وبيقولي حاجه مش بايدة قلبه مال ليها وانا اي قلبه ما هوبش جنبي بس انا مش هشتري اللي باعوني.

نشفت وشها وخرجت راحت اوضة النوم وقبل ما ادخل سمعت صوته بيكلم مع حد وبيقول.

انا عاوز افتح عيني واغمضهم القيكي في بيتي وحضني وكمل وقال.

اعملي حسابك يوم الاحد هنخرج بعد الشغل نجيب الشبكة نختاروا فرش الشقه واوضة النوم على ذؤقك يا روحي.

وبعدها قال الشقه خلاص اتوضبت مبقاش نقصها غير تتفرش وتنوريها يا روح قلبي ونور عيني.

ھـ,ـموت من اللي

سمعته الشقة اتوضبت معقوله كان ناوي من زمان زانا مكنتش حاسة ولا فاهمه مقدرتش استحمل اكتر من كده

وفتحت الباب اتلخبطت وقفل التليفون بسرعة ووقف اول ما دخلت وقرب مني وقال كنت لسه جاي اطمن عليكي.

_ غمضت عيني اخدت نفس اهدي من نفسي واديرت ابص في وشه بصيت في عينه ملقتش نفسي فيها حتي ملمحه اللي بعشقها بقت باهته مش قابله اشوفها اديرت بسرعه وقلتله.

مبروك يا ابو هنا ربنا يتمم بخير

بفرحه حضنها وقال يبارك فيكي يا ام هنا كنت متأكد انك هتوافقي ومراهن على كدا اوعدك هعدل بينكم ومن قبل ما اخد اي خطوة في الجواز هغير عفش البيت هنا والاجهزة وكمان هجيب ليكي شبكتم اللي بعناها اول ما اشترينا الشقة دي.

اديه اللي حضڼي بيهم زي شوك وحبل بېخنقني وبيـ,ـحرق بجسمي كلامه ڼـ,ـار بتولع كل خليه بجسمي بقيت هجنن سنين والشقه عاوزة تتوضب والاجهزة زهقت من كتر الصيانة ومجاش في باله يغيرها فجأة اكتشف دا بس هو اللي جابه لنفسه والله لأعرفه العدل يبقي ازاي بس كل حاجه في وقتها حلوة.

فكيت ايده وحاولت ارسم ابتسامه وبصوت هادي وجوايا بيتقطع يلا نام والصبح ان شاء الله نتكلم براحتنا بس قبل ما انسي انت كنت واعد الولاد هننزل الجمعة نشتري لبس المدارس وتفسحهم.

تمام تمام بكرة بعد الصلاة اي رايك نوديهم الملاهي وبعد منها ننزل نشتري كل اللي هم وانتي عاوزاه.

بهمس لنفسها قالت اللي انتي عاوزاه لاول مرة من سبعتاشر سنه تنطقها لكن انت طلبتها ونولتها من عنيا.