روايه جديده قصيره

عادل انت فاكرني ناكر كل دا بالعكس انا عند رايي رحاب ست مفيش زيها حنينه وكريمة وام شاطرة وطباخة مفيش زيها وكمان مدبرة باقل فلوس تقدر تمشي البيت شهر كامل بس عاديه اوي مفيش تغير ولا تجديد نفس لبسها من ايام ما كانت بتشتغل لا بتعمل شعرها وتقريبا مدخلتش كوافير من فرحنا غير مرة مرتين ايام فرحة اخواتها وياريت كانت بتعمل حاجه دي بتروح تساعد اختها في لبسها نفسي في يوم تقول نخرج نتفسح على طول قعده في البيت وفسحتها هي والعيال يا عند امي يا امها وفي الحالتين مش بتخرج من المطبخ تروق لامي البيت والمطبخ تغسل لها فرش تغسل هدوم تكوي لابويا هدومه وترجع مهدوده وتنام انا فين من دا كله معرفش يا اخي.

هاني انت صاحي اللي بتقوله دا مش مبرر انك تتجوز عليها اي راجل يتمني ان مراته تبقي كدا يا اخي دا انا امي ساكنه تحت مني مراتي بتقعد بالشهور مش بتدخل عندها وانت بينك وبين امك موصلتين وكل اسبوع بتروحلها وتعمل اللي بتقول عليه وزعلان.
وعلي ماله يا هاني انا راجل مقتدر واقدر افتح البيتين واعدل ما بنهم ومش هقصر مع وحده فيهم وخصوصا رحاب والولاد.

اتمني يا عادل تبقي قد كلامك انا همشي اللحق اجيب طلبات البيت مش ناقص ۏجع دماغ.

عادل انا كمان ماشي جاي يا على.

هقعد ليه مدام هتمشوا اروح انام احسن.

وصل عادل البيت دخل لقي البيت هدوء مشي ناحية اوضة النوم فتح الباب تفاجئ بالإضاءة وتزين الاوضه بص بعينه في الأوضه باستغراب وراح قايد النور وقال.

عادل بعدم اهتمام اي الانوار الباهتانه دي انا كنت هتخبط في الكمودينود.

رحاب رجلك حصلها حاجه.

عادل لاء ربنا ستر.

رحاب قربت منه بهدوء وحضنته وقالت الحمدلله يا حبيبي كل.

عادل اتنحنح وبعدها بشويش وقال

رحاب في موضوع

مهم عاوزك تعرفيه.

رحاب قلبها نغزها وابتسامتها اختفت هزت راسها موضوع.

عادل ثواني هغير واجي.

قعدت رحاب على طرف السرير رجليها بتتهز من كم المشاعر والافكار اللي جواها رفعت عنيها وبلعت ريقها على صوت عادل.

عادل وهو بيقعد جنبها قال رحاب قبل ما اقولك علي الموضوع اللي عاوز اكلمك فيه مش عاوزك تزعلي ولا تفكري انك قصرتي معايا في حاجه رحاب انتي طول عمرك بتفهميني ووقفه جنبي وفي ضهري والكل بيشهد بي كدا وانا قبل منهم بقول في السر والعلن كل اللي انا فيه دا بسببك انتي وبفضل وقوفك جنبي.