ايه اللي شوفته ده
ايه اللي شوفته
_ أي إللي أنا شوفته دا!! رد عليا أنت بتكلم واحدة تانية؟ بتخو.ني؟
_الموضوع مش زي ما أنتِ فاهمة، أهدي و هفهمك
_ تفهمني أي أنت هتستهبل؟! أنت هتبرر أي هتبرى أي دا أنا شايفة الشات يعيني
_ يا مريم دي بنت عادية والله، مفيش حاجة بيني و بينها
_بنت عادية!! بنت عادية بتقولك يا قلبي، و ياروحي يا حبيبي، و أنت بتقولها رجعتي ولا لا طمنيني عليكي؟!
يا سلام دي الحياة عادية جدًا فعلًا، أنت مجنون؟؟
_طب ولي الغلط دا يعني؟ قولتلك مفيش حاجة دي ..
_دي خيانة، دي إسمها خيانة أنت إزاي واقف قدامي و بتبجح كدا، أنت مجنون؟
_ وطي صوتك بلاش مشاكل وخلينا نتفاهم
_ أنت بتقلب الترابيزة عليا؟ طب أي رأيك بقا أنت مش هتبات هنا يا نوح، اطلع برا، خد هدومك و أطلع برا
_برا أي دا بيتي.. و اسمعي أنا بكلمك، أنتِ فاهمة غلط
_ فاهمة غلط أي هو أنا شوفتها بتسألك على العنوان، دا انتوا في بينكوا غرام مش بيني و بينك حتى، أنت كنت سايبني وقاعد تحب فيها، أنا واقفة أعمل الأكل و البيت، و انت بتحب في واحدة تانية، أنت فاكرني الشغالة بتاعتك؟؟
_ يا مريم أنتِ السبب، أنتِ قولتي بلسانك هو، بتعملي البيت و الأكل، و مش مهتمة بيا، أنا كنت عايزك أقرب، من بعد الجواز و أنتِ بعيدة و مشغولة
_انت عارف دا أي! دا حجة الرجالة الخايبة أول ما يتزنقوا في الكلام، يقلبوا الترابيزة و يطلعوا التقصير من الست، بس أسمع لما أقولك متفكرش إن أنا هقولك آه سوري حقك عليا، لا بتحلم، أنا ماكنتش بعمل الأكل دا لأمي، ماكنتش بهتم بالبيت عشان نفسي و بس، لا عشان ترجع تلاقي بيت نصيف لقمة حلوة تاكلها، أنا ماكنتش بعيدة، أنا إللي ماكنتش لاقياك قريب، أنت إللي لو بصيت لنفسك بعد إللي أنا عملته هتكرهه نفسك، دا أي القرف دا بجد
_ وطب صوتك يا مريم بلاش فضايح، حقك عليا مش هتتكرر، دي كانت … كانت غلطة
_فضايح؟ أنت لسه شوفت فضايح؟
_هتعملي أي يا مجنونة راحة فين؟!
طلعت اجري لبست الاسدال، و سحبت الفون من أيده بسرعة وجريت على تحت، هوريهم ابنهم الملاك بيعمل أي
_ مريم … مريم استني يا مريم بلاش جنان
خبطت على بالباب بقوة لحد ما فتحوا ودخلت اقول
_ شوفي يا طنط، شوف يا عمو، ابنك المحترم
